終結感想篇~

呢次係我咁大個女，第一次唔係同屋企人去旅行，第一次自由行
甄先生又係第一次搭飛機去旅行.....

好多好多既第一次..... 其實成個trip差唔多要俾滿分~~haha，
行程編既野，全部去晒，仲可以repeat食鰻魚飯+一蘭....
冇搭錯車，冇落錯站，冇大既迷失路向.... very感恩全個trip都好順利!!

雖然係呢6日有發脾氣既時候.... 但好多謝Mr.Yan既包容同忍耐la
(去旅行前爸爸千叮萬囑，佢要就我~wakaka，雖知佢平時係hk都勁就我，
但爸爸話去旅行得兩個人，咩事都係兩個人，所以大家一定要互相就!!!)

去旅行就發現左原來Mr.Yan有佢細心既一面，但又冇咩手尾既一面~~haha ~~

日本係一個百去不厭既地方!!!! I LOVE JAPAN!!!~

期待.... 希望出年3月我真係可以去osaka !!
咁我就準備會多d information寫遊記~
多謝你地睇晒呀~~~haa

P.S. 下面兩個file，
一個係mont-blanc, momo-paradise & 京王25層炸豬扒既咭片&地址;
另一個係鰻登亭係關東地區既地址

2250973-mont-blanc, momo-paradise, pork.pdf

2250974-鰻登亭.pdf

Day 6 - 上野→池袋→返HK

Day 6 →上野→池袋→返hk !

一早checkout，keep左d行李係酒店
我地買左酒店個d旅遊巴飛，5點上車返機場...

去上野 (題外話，因為日本既suica係冇負錢呢樣野ga ...
話說第5晚我地用suica入左閘之後
出閘個陣甄先生好快咁以為" do"左就同前面個人一齊過la ....
到我出閘個陣我就出唔到la，要去個counter度補錢出，但點解Mr.yan出到呢?
照計佢同我搭所有野都一樣架ma ... 所以我地懷e佢跟本就"do"唔到
但就跟左前面個人一齊出，
所以佢下次返日本再用張suica個陣就要補返之前既負錢haha~~)

係上野食返好好好好好好好味既鰻魚飯~~
買左d士多啤梨，水蜜桃，煲湯用既魷魚乾
專登買俾老豆大大大大粒既北海道紅豆~~

食好好味既鰻魚飯既時候，見隔離台飲啤酒，我地又飲!!又唔係好苦咋bor

[山手線]返池袋....
最後掃貨，去藥店買野，tokyo hands , animate最後衝次都有收獲!!haha ~~
去左大少奶介紹sunshine city食既montblanc栗子蛋糕，果然唔錯>3< ~~
再去食天丼天婦羅烏冬!!!!

成間鋪專食粟子cake，岩晒我>3<"，好好味~

天丼好似松屋咁周圍都有~~價錢又平，天婦羅烏冬好好味!
sunshine city下層有!

勁飽咁.... 返去酒店拎行字走lu ~~~6日話咁快就完，勁唔捨得....
係池袋去羽田坐旅遊巴30mins就到~~~

兩個爆gip"，兩個backpack，兩大袋hand-carry+一袋生果返hk lu~~

係機場買埋最後既手信，20:45起飛lu .....
好順利咁12:30就返到hk ~~一返到黎就話豬流感=.= ~~
係機場搭6折taxi，由機場直返大埔，30mins
折左後+埋tunnel fee都係$240 !! 抵到爆~~~~~

Day 5 Part 2 - 台場, 池袋

本身諗住搭船過台場，但今朝搭左bus ...
唔想再搭1個鐘既交通工具....
就JR [淺草線] 去"新橋站"轉台場個條[海鷗線] 去台場~~~
係新橋轉線係唯一我地要周圍搵路既地方......
好在在最後指手劃腳之下... 都問到人地係邊!!!

去台場睇自由女神+彩虹橋!!!!

富士電視台~

自由神像+rainbow bridge~

之後過pattle town行街，影下摩天輪!! 估唔到Mr.Yan竟然係台場可以買咁多野...haha

就搭[JR琦京線直通]直返池袋，very good !!
唔使轉線!!! ~~行西武..... 住左池袋咁多日，今日先行....haha
行supermarket勁興奮!! D cake勁靚，又有好多好野食咁wor~~
最後我地買左4件cake，買左生果買左炸物....
返酒店放低d野戰利品食埋d cake!!!wakaka ~~

 

俾d cake包圍住自己勁興奮!!!!

夜晚再落去食池袋間一蘭dina (有人話日日食都唔厭=.=V)
再食松屋既牛肉飯!!!haha ~~~
要返酒店執野聽日走lu

Day 5 Part 1 - 淺草雷門寺

Day 5 →淺草→台場→池袋

最尾2兩日係日本lu~~
因為之前見到池袋JR前面有bus直到淺草... 諗住搭下la ~~
見到9:40有車.... 上車出發lu .....

池袋bus站~

點知要坐成1個鐘先去到.... (JR應該30mins) ...
架日本bus d冷氣又焗wor .... 所以我訓著左....haha，落車有專人叫我起身(Mr.Yan)

係淺草聽到廣東話既機會係多過日文.... 周圍都係hk人=.=V
仲世見通有幾旺唔使多講..... 係門口set腳架自拍雷門!!!!yeah!!

必影雷門!

直行入廟.... Mr.Yan求簽. ... 係大吉，話佢有貴人，有機會轉工bor!!!
到我求.... 係凶=.=~~~點解!!!!!
但最神奇既事就發生左..... 話說個陣我MSN有句野寫住leave or stay
(諗緊去唔去英國好) ，點知張簽文有英文釋本.... 就係寫住leave or stay….
OMG會唔會準到咁呢.... 以我既記憶張簽文係叫我唔好走....
做返原來既野.... 唔好有任何變化..... 我覺得好準咁XDD" ~ ~~~
下次返黎我一定再求過架!!haha ~

之後周圍食野，人形燒，燒餅，雪糕，甜包~~食完再去食lunch lu~~

巨峰提子&綠茶ice cream!!

今餐由Mr.Yan搜集資料.... 食高級和牛→今半
地點係仲世見通側邊d街行入去就係架la，我地都係誤打誤撞咁搵到....

一入到.... 係除鞋，換左佢既拖鞋
之後佢有japanese style and western style俾我地揀...
咁我地當然揀japanese啦.... 所有靚女waitress都係著和服，勁好禮貌...
我地揀左1人1個japanese lunch set，再加1個mini既saibu-saibu ~~~
d和牛係好味到一試難忘.... 個japanese lunch set好精緻......
食飽左出面仲有個亭園俾你行下影下相~~埋單，又係成皮野.....
不過Mr.Y an話食到d咁正既和牛，勁抵!!!haha ~之後行返出去.....
見到"三定"，d天書話佢d炸物好好好好食架wor，咁我見佢門口有得賣一件試下...
就買件炸蝦試下la .... 一試"林"晒架lor，過晒氣，勁唔好味.....
等d天書仲讚到佢乜咁，唔好俾人呃呀!!!
呢次係我唯一一次係日本覺得d野唔好食架!!

鋪滿牛肉既mini sabui sabui~~

japanese lunch set~

充滿和式風味既亭園

Day 4 - 幕張outlet, DisneySea

Day 4幕張outlet →Disney Sea

今日得兩個景點，但都係要一早出發!!!!

係酒店等Mr.Yan起身個陣食左雞旦布丁&飲左好香滑既牛奶

係池袋JR有間賣漢堡飽既... 買左兩個當早餐食!!!!
上到月台，求其搵架車係去新宿方向既，無理係咩線就上左....haha ~
因為新宿大站一定停架la .....

去到新宿轉"中央線(快速)"落"東京"站... 大概係20mins左右....
快過搭山手多多聲~~~

係東京站內，大概行10-15mins先行到去轉[京葉線]~~
去”海濱幕張站”~即幕張outlet，大概都要40-45mins
我地個架係急行架la .... 其實中途會經舞濱站，即係disney個站...
大概係10-15mins左右la ~~~

係東京站內，有各式各樣既手信鋪，好多野賣....
有一間賣蛋糕既.... 超級吸引.... 有個係雞旦殼既布甸....
二話不說，原味綠茶味每樣一個!!wakaka ~~讚!!

原味&綠茶味既雞旦殼布丁

去到幕張，天氣好好，要係站內留意下佢急行車幾點到會有
咁就可以預計下d時間，如果唔係搭普通車有排坐~~

可能又係一早冇咩人，一出站，即見到agnes'b ~~好抵.....
買左兩個超common既袋，都係HKd500蚊=.= ~~之後Mr.Yan買左波鞋買左tee ~~
係上網print張coupon出黎，去到outlet個customer service desk可以換本coupon book !!
最有用個張俾我用黎買左雪糕食~~~
食左blue salt + orange + mango!!!blue salt味好得意鹹鹹甜甜咁~~好fresh !!

blue salt ice cream~

就搭返[京葉線] 去舞濱.... 轉disney線去disney sea ~~~
勁白痴... 見人地個張飛勁靚，唔用suica就特登去買飛la ....
點解我個張同普通JR無分別=.="
因為人地個張係1 day pass，我個張就one time pass lor=o=””

之前係個d金卷店買左飛... 直接入場同地球影相......

最搞笑既唐老鴨*

DisneySea隻鐵達尼，後面古堡個棵係玩鬼屋+跳樓機

成日都係disney sea入面玩.....
因為其實我之前去過land玩，未去過sea玩，所以就黎sea
但講真係land好玩好多同靚d ~~~
臨走前.... 勁買寫住tokyo Disney sea既手信!!! 8點走lu

搭返[京葉線] 去東京，就轉[山手線] 返池袋....
途中見到d自動販買機有得買熱辣辣既粟米湯!!! 好好好好飲架......
買左一罐好好飲之後，再買多兩罐~~wakakaka XDD" ~
係池袋食無敵家拉面做消夜!!!!!!!! ! 呵呵呵呵~~佢d肉大大舊好好味~~

 

無敵家!!!*V*

可以評下分:::
一蘭: 湯底最濃最好味~~面質都唔錯，但叉燒薄得滯... 隻蛋都ok !
無敵家:: 因為一蘭在前... 雖然佢湯底算好好，但唔及一蘭，面質同一蘭差唔多，但d叉燒同隻蛋就最正係佢~~好好味!!!
康龍係3方面都唔夠一蘭/無敵家出色.... 所以唔評也罷~~

Click 落↓面個網止就可以print張coupon去食無敵家free送你一隻溫泉蛋http://www.mutekiya.com/coupon/index.html

食到好滿足~~~~訓lu

Day 3 Part 2 - 涉谷, 新宿

 

Day 3 →上野→水道橋(Jump Shop總店) →秋葉原→涉谷→新宿 

5點幾就搭[山手] 返落涉谷....
因為家姐想買Samantha  Thavsa既銀包，幫佢睇下....
之後終於係design-tee買左tee lu~~~我又係ABC mart買左adi波鞋!!

涉谷八公~~haha

涉谷0101地下間samantha Thavasa

返過新宿，諗住去伊勢丹agnes'b買情侶tee ~~haha ~~~~
我地去到個陣己經8點.... 咁就左睇右睇左試右試.....
揀左俾錢la，一直都有個男sales幫我地既...
到俾錢& tax refund突然間多左個女人bor~~因為個女人識講英文... 幫我地la ....
我見佢勁快手快腳.... 一問先知，原來佢地收8點(我地岩岩係收之前入到黎XD") ~~
所以可能佢趕收工，勁快la ~~~之後佢帶返我去agnes'b交返俾個男sales serv我地.....
呢個男仔既服務(應該話日本人既服務) 真係超抵讚!!!
佢全程冇black face，我話要試li試路，佢又冇表現出趕收工咁wor(所以我咪唔知lor)
到最後.... 佢可能驚我地繼續行... 所以就護送我地由8/f陪我地搭lift落地下
送埋出門口，鞠90度.... 拜拜，仲要等我地行到老遠先捨得走.....
呢d咁既服務態度係hk冇可能有架!!!!

之後去新宿食momo paradise !!!
即係saibu-saibu，任食牛肉+豚肉..... 日本人呢.... 真係好中意食飯.....
食saibu-saibu都要食飯.... 反而我地兩個hk人，喪食肉食飽就算~~haha

good~

但食完先發覺原來池袋都有...總之可以返池袋食la....
價錢1個人2000yen有找!!good !!! ~~

今日行到超累.... 又搭[琦京] 返池袋.....
點解，成日都話搭琦京而唔係搭山手呢????
因為山手線係新宿同池袋之間，其實仲有3-4個站，佢又站站停架wor ....
如果搭山手呢... 就大概要10-15mins先係新宿返到池袋
但搭琦京既話.... 新宿下個站就係池袋....5mins就去到!!!
係咪快好多呢???? 呢樣野我係睇其他blogger學返黎!!very useful!!又一day

Day 3 Part 1 -上野→水道橋→秋葉原

Day 3 →上野→水道橋(Jump Shop總店) →秋葉原→涉谷→新宿

落足一日雨之後，今日天氣好好呀!!!一早搭[山手線] 去"上野"...

@ 阿美橫丁

要食好好味既鰻魚飯→登亭!!!! 我想講… . 真係好好好好好好味呀!!!!!!!
本身諗住係上野買埋d手信架....
但為左可以食多次咁好好好好好好好好味既鰻魚飯!!
我地今日只係買左d ~試下，好食既話，最尾個日先返黎掃貨!!!

勁勁勁好味登亭鰻魚飯!

影左鬆弛熊既貼紙相.... 間鋪好搞笑.... 有張半日文半中文字既野寫住....
話男仔要影貼紙相，只可以影門口個兩部(1部係鬆弛熊，1部係mickey mouse)
入面勁女仔個d機，只限女仔影?!?!?~ 順綷搞笑分享下.....
下次男仔去日本影貼紙相要望一望門口la ~~

之後搭[山手線] 去"秋葉原"轉[中央線] 去"水道橋" ~~~
咪就係因為Jump shop既總店係度呢，有人要潮拜怒買!!!!
個度原來就係後樂園/東京巨蛋，咁岩呢日係星期日，人山人海.....

後樂園+ Jump shop

有人勁買喪買唔睇價錢咩都買.... 我就幫佢影下相，陪拎陪俾錢咁....haha ~
一個籃都放唔晒d戰利品..... 最後好似買左成2萬幾yen ....
隔離d日本人眼凸凸，肯定覺得Mr.Yan係傻架~~haha

潮拜完... 就搭返[中央線] 去"秋葉原" ~繼續我既陪行day !!!

勁熱，食左麥記既綠茶麥旋風!!! 唔使講，都係好味既....haha
行行下見到有間食魚生飯好似好好味.... 但又驚一人一個太飽食唔落其他...
就走左去嗌一個兩份食!!! 恕我唔記得間野叫咩名...
但記得係chain store周圍都有，但又唔係金太郎wor~~~
我地叫左三文魚，魚子，甜蝦，海膽!!!! 我呢個係hk唔食魚子既人...
覺得日本既魚子好甜好脆好正呀!!!!!!! !>o<" ~
呢1餐亦係唯一1餐我係日本食既三文魚=.= ~~~ good !!

睇玩具睇到咁上下，諗住去食杜小姐介紹32cm高既burger架ma....
點知下晝3點就話sold out!!! 真係so bad!!!!

退而求其次，去左食康"龍"拉面.... 麻麻地la
同hk個d compare當然好味，但同一蘭，係無得比(Mr.Yan話既!)

康龍拉面...

to be continue...

Day 2 - 涉谷.原宿.新宿

Day 2 →涉谷→原宿→新宿

準到爆既日本天文台話今日會落雨!!! 就真係由朝落到晚都未停過.....

今日係shopping day ~~

係池袋JR度入左好好味既牛奶就搭[副都心線] 直落"涉谷"總站~~

周圍逛見到一蘭.. 俾Mr.Yan即刻拉左入去食!!!!
個湯底真係好好好正!!!!! 有飲晒成碗湯既衝動..... 真係好好味!!!!
Mr.Yan話返到hk唔會再食味千!

你要係出面部自動售賣機度買左飛，之後入到去有張英文/日文紙俾你填...
揀湯既濃度呀/辣唔辣/要唔要蔥咁...之後會有人黎收飛...坐一陣就有得食
一蘭既特色係佢係一人一格，好搞笑...想睇隔離果個食咩，
就要偷睇~~haha方便獨自黎個d咁lor~

一蘭網: http://www.ichiran.co.jp/pc/hp/tenpo/tenpo2.html

之後係涉谷行左陣，幫大佬買左"洗澡猿人" ~
之後過對面食杜如風介紹既朱古力牛角包(係呀，又係杜小姐~~) !!!
ok good!!! 好香脆....

行過夾公仔，見到個隻兔仔公仔~~好得意.... 又用左1000yen夾左佢返黎!!!!

搭[山手線] 落原宿，一出就"竹下口" ~~~

好多野行好多野買，係Paris kids度怒掃la ~~
有人好白痴，去6日旅行，帶得兩對sock s .... 唯有係100yen店度買~~wakaka

去Design tee度買衫.... 本身間鋪得我地兩個....
點知突然有3個HK女人入左黎.... 正所謂3個女人一個墟.....
勁嘈lor .... 即刻走..... 繼續行行行....

去左食又係杜小姐介紹既大大大粒八爪魚丸!!! 呢個就係還可以la ....

係涉谷夾既兔兔&原宿食既八爪魚丸

就行去mercibeacoup諗住買tee .....
但佢要買夠10000yen先可以tax  refund wor ~
咁成日新宿my lord買10000yen一定易過一間mercibeacoup la ~~咁就放棄....

搭[副都心線] →"新宿3丁目" ~~行新宿.....
不停行行行，買買買~~~ comm e ca store, Samantha Thavsa ..…
點知上返地面勁難搵My lord，行到憫爆先搵返我間mercibeacoup ....
點知新宿呢間冇我size=o="" ~~真係無緣la ...... 算la算la ......

夜晚繼續跟住杜小姐去京王百貨8/f食25層既吉列豬扒.....
好好味，係真係好好味!!!!! (差唔多成個trip都冇野唔好味既....) ~

25層豬扒~

好好味喔~~

食飽又繼續行行買買.... 去左新宿歌舞妓町.....
見到又係杜小姐介紹既茶漬飯wor..... 未試過又走左去試....
.haha ~都係25層好味d !!!!

背景橙色招牌就係食第2間既茶漬飯la!!!~大豐收~~

拎住超級無敵多野係新宿搭[琦京線] 5mins返到池袋lu~~~又一day !