""yummy 熱狗""

  

黎緊有好多整野食blog~~~因為呢期得閒成日搞東搞西!!!

先黎個簡單既....熱狗!!!

 

北海道牛乳布丁丁!!!~~

 

 

繼續整呀.....
呢期點解咁中意整野食，係因為上得Baby kingdom多
好多媽媽上面share 食譜!!
睇下睇下就想整!!!!

因為屋企有魚膠片&雲尼拿支!!!所以就買埋其他材料整~~
北海道牛乳係撞正一田減價20蚊盒買既~~
淡忌廉我係大埔墟街市1間小烘焙店買
佢話整甜品撈既話，唔使買d貴牌子架!!
1公升先$29蚊~~抵!!!
我係超市見到總統牌200ml己經$31蚊啦!!
除左牛奶味，我仲試整左朱古力味~~~
雲尼拿油是mr.yan拎俾我既...
唔同坊間個d，佢個d真係有雲尼拿籽係入面!

""蟲草花螺片花膠湯 & 消暑冬瓜薏米湯""

 

 

甄太真係好中意煲湯.....
不過黎緊將會有一排無得煲lu~~~(遲d講)
今次煲左蟲草花螺片花膠湯~~~
其實我煲補湯多數係買南北行d湯包
超方便一包齊晒料，自己extra再落多少少就夠~~
我多數extra會落淮山，花膠，因為中意食又夠補~~~haha
早排一田減價，湯包&花膠片都入左貨....keke

鴨鴨熱@2013.05.28

琴日終於無落雨，又撞岩mr.yan放假!!!!終於可以去睇鴨鴨lu~~~
很久無拍拖出街lu~~~
買左新袋，梗係要用下.....情侶prada~~

初買Le creuset!!*

Le creuset, 相信好多靚太都唔會陌生.... 哈哈
連遠在澳洲既家姐都好熟悉... 佢係澳洲買都唔夠~~
見HK有sale竟然叫我幫佢買埋..... 5月份兩set花花會有7折
先後幫佢又買花花碟，花花碗，再買心心碟.... 搞到我都心郁郁....上網見到d bloggers真係買到好癲!!! 超正~~仲有pink pink collection!!!!!! !
死啦.... pink pink我無咩抵抗力~~~加上我都幾中意買廚房野~~~
就係咁，我被毒了....

 

Sogo thankful week….
因為25號個日有LC個20cm淺鍋做特價$900蚊~~家姐話要，我就出去幫佢買啦!!!!
點知去到(約12點)己經派晒籌lu~~但可以夜晚8點返去睇下有冇人唔要執雞bor~~~
(呢個後話等陣再詳講) ，咁我就自己睇下啦!!!!
咁我就………敗左係d pink collection度~~

湯盅真係超靚，仲要無敵粉紅色!!!
可以燉湯燉甜品俾mr.yan~~一見就愛上~~ 有7折!!

  

梳乎厘焗杯~~仲可以法式燉蛋~~

呢1套5只漸變花花杯，可以整甜品，焗得
不雪糕又得....不過唔平，折左都要400蚊~~
係度諗緊好唔好買既時候...
sales話可以用黎做埋調味碟，打邊爐放豉油又得...
又靚....正因為我地屋企係無豉油碟....haha
好易俾佢哄我買埋XDD"
女人錢真係賺.............。

講返執雞先~~話說佢話夜晚8點可以返去
係cwb返工既mr.yan就幫我去睇下有冇得執!!!
點知真係有.... 佢話當時都有十零廿人係度排隊，但貨就有好多....
係咪真係咁多人拎左籌唔買?? 定係唔只限量100個就唔知lu~~

 

廚房野買開停唔到手....又到最偉大既淘寶!!!
haha，好靚，實物超得!!!!
d碟唔算貴，貴在運費，順豐到付呢~~

 

 呢隻係超大size既圓碟~~ 

 另外買左隻oval形，兩隻小圓碟~~食cake一流!!!haha~~

係朋友屋企試過見佢用杯墊，墊住俾我地飲野，好靚又正
我地屋企有台布，有時夏天雪櫃拎凍飲會整濕張台布...
而家搵靚杯墊，就無問題啦!!

要買野一定有excuse!!!haha

 

 

鹹牛肉洋蔥炒蛋三文治& 意大利火腿荷蘭芝士三文治!!

 

 

 

之前睇左肥媽食平d既節目，介紹左鹹牛肉洋蔥炒蛋!!
好正咁，都係啦，mr.yan唔係屋企食dina~~~發揮唔到!!
唯有早餐整黎三文治~~~
真係好好味....其實我好似係第1次食鹹牛肉咋~~haha!!!
整左兩份$$20.5，果然係食平d!!!~~又夠飽又夠豐富又夠營養~~
正正!!

~~Canmake 化妝班~~

canmake化妝班，其實上年年尾己經同同事玩過一堂....
上次學Sweet girl look~~~
一般化妝知識都識少少.... 簡簡單單出街化妝我都ok...
不過$288學1堂又可以redeem返~~就玩下
上次上堂最好就係學左點畫眉，之前一路化妝都無畫
原來畫左真係成個sharp晒!!!!

今次又見到有大眼妝，教痴fake eyelash，一直都唔識痴....
而且上次做左member之後上堂都係148咋~~~
拉埋伴娘小姐一齊學~~~

上堂d tools都好齊，仲有包餅食~~haha

因為專注學眼妝，所以base佢都好簡單搽base+遮暇+碎粉....
個人麻麻中意canmake既遮暇，有點厚....
今次導師教我地將fake eyelash剪開3 part逐part痴，好似真係易d....
化完靚妝去行街街~~

係咪對fake eyelash 唔夠誇呢??唔覺自己痴左既~~haha

canmake既化妝品自己一直都有用開.... 又平又好用~~~
最推介係佢個shading powder, 眉筆...
另外canmake既eyeliner我用超正，無溶又易畫，但伴娘小姐唔知點解會溶，個個人唔同~~
但支眼線pencil真係易溶到爆~~佢d胭脂都好正.... 不過我有兩粒係屋企，真係好難用晒... haha
今次仲買左shading powder brush & 靚comb~~呵

有時間同朋友一齊去學下都幾開心架!!!

上年同同事一齊學既sweet girl look^3^

另外上網見有blogger介紹左支新防曬，有SPF50，仲有4個PA+，好勁咁~~
係citysuper

我要再高d再高d!!!

早排上網見到有blogger買左條nike高爭運動鞋~~~
超正呀!!!! 咁岩行街見到catalog有... 打算試下....
點知我呢隻大腳8真係太大腳....
其實平時買波鞋，我係買唔到女裝架~~
點知呢對nike都係無緣.....

不過又見到catalog自家brand有對厚底cons (正式cons個d我又係唔岩著架!!)
諗住試埋啦~~~點知岩呀!!! 勁開心~~~
恆生咭仲有85折，扣埋cash dollar都係400蚊咋~~
勁抵!!Happy !!!~~

 我知我唔算矮.... 但我都好中意著high heel, platform ga….
高d隻腳會長d咁丫嘛!!!
而且mr.yan話我著幾高都高唔過佢~~haha

7仔印花換肥雞!!

謝謝舊同事的印花幫忙.....

haha，40個stamps換左肥雞雞!!!

本來上星期親mr.yan放假打算換左肥雞去探巨鴨...

點知巨鴨扁左.... 唯有再等mr.yan放假啦 !!!

廣告時間: 來自西澳的誠俊哥!!

家姐幫佢個囝囝開左個新blog & fans page呀!!!

來自西澳的誠俊哥!!!

好厲害呀!!! 打左1個月己經入左人氣blogger，仲上埋首頁精選!!!

除左有誠俊哥生活近況，仲有誠俊媽係澳洲湊仔心得!!!

大家有時間去睇下啦~~~hahaha

blog link: http://blog.yahoo.com/wamattmatt/articles

來自西澳的誠俊哥

Day 10- Paddington market> The Rocks> Harbour Brigde> Opera House*

尾2兩日係澳洲.... 好唔捨得.....

plan悉尼既時候特別揀左星期五六日一定先到，因為多free market行...

係澳洲行商場唔岩我地，係free market有d特別野睇~~

星期六就行左paddington market，係central站搭bus去.... 呵呵，都ok多野行，d檔都有特別野.... 但唔平，最後有少少收穫~~~就再搭bus去clark quay!!!

 終於去見下最出名既harbour bridge &  Opera house!!!!!

係harbour brigde 影下相，就行左去the rocks market!!!!

之後就再去食pancake on rocks!!!!! 打
書釘個陣有印象有間shop食pancakes，點知原來好出名，要排隊!!!

wakaka，超厚超好味，我地食左個banananana & devils delights~~~正正!!


但食完好飽.... 再去bridge 影陣相..... 再搭船過對面海Luna park , 無入場ga!!! 係橋既另1面影下相，今日好好天，見到幾pair人結婚/影結婚相~~~正呢!!!!

再過返對面.... 去opera house影相!!!wow~~終於黎到lu~~~

影下相，等黃昏，再等影夜景~~~~wakaka....

Last night in Australia~~~夜晚去左食日本udon ，返酒店執行字lu~~~

 

 

 

 

回港後即睇: Iron Man 3!!!!

話說我地2月中己經報名去旅行....之後到3月尾左右，mr.yan confirm我幾多號出發
我答: 4月23囉....佢就嗌iron man 4月25上畫啦!!!!!
haha，我同mr.yan有個習慣，多數想去戲院睇戲都會上畫個week就去睇....
所以今次我地要遲兩個weeks呀~~~

5月4號落機，5月6就去睇!!!wakaka
睇2D平d.....今次真係好正，特別最後iron man party, 型到震!!!

最終回::**西歐遊後感 & 安全/退稅問題**

這張照片是在Honeymoon時，用mr.yan用他的wide lens自拍的相片merge埋在一起~~
同樣的我們，同樣的pose，不同的背景!!!!勁中意~~

西歐呢個地方，特別英法瑞，一早己想去.... 本想婚前盡地玩鋪勁!!! 再儲錢結婚，但唔知點解最後會結婚先.....
Honeymoon去歐洲就變想我的夢想!!! 初初仲擔心結完婚會無晒錢....
我地婚前一直都盡量慳，所有details都盡量慳，租衫呀，自己整candy corner...etc
亦感恩親朋戚友很大方，令我的夢想成真!!!

 

一早己決定join團，唔使煩details，俾錢搞掂，又符合貪心想走多國的我.....

其實join團/自由行各有好處，找適合自己的就ok.... join團我都揀左陣，最緊要個團有自己想去既地方，似我咁貪心就揀d多國既
想搵得舒服d，又可以揀少國深度遊都ok... join團最緊要compare有咩自費活動.... 間間都有少少唔同.... 有得揀就順便睇埋上機時間，好似我地咁
夜晚23:15上機，到HK就下午4點多，其實都算蝕左頭尾兩日架....

我見有d係零晨飛，慳返日導遊錢嘛XDD"~~

我地今次join左EGL既12天8國團:
(英國,意大利, 梵蒂崗, 瑞士, 德國, 荷蘭, 比利時, 法國)

以下既費用係單人計!!
12天團費+燃油費+tax : HKD 19190
導遊費 : HKD 1440
自費活動: EUR140 (佛羅倫斯, 萊茵河船河, 凡爾塞宮, 羅浮宮, 夜遊塞納河)

 

安全問題.... 睇過大小forum，好多blog好多朋友都問，而家去歐洲係咪好危險???
我個人經驗就覺得一般都ok.... 因為始終跟團，上落都係旅遊車，唔使接觸交通工具會好d既
而且行街都一大班團友，互相睇水，都比較安全!!!
只要自己唔好太花姿招展，將brand著晒上身，咩晒名牌袋...
將證件, 錢分開幾個地方擺，要擺係有拉鏈有暗格既地方
另外我買左個旅遊腰包俾mr.yan貼身放證件&錢(yahoo拍賣都有).... 都唔錯架!!!

錢要分開擺

... 我地慣左每日將預備要洗既錢，俾mr.yan直接放褲袋
買野永遠都係mr.yan俾錢，唔拎銀包
直接拎cash，減少俾人睇到銀包有幾多錢既機會
另外真係唔夠錢，我地只會食飯/去toilet個陣補返~~
係意大利&巴黎，人多既地方，我地都會警覺性高d....其他地方so far都ok既!!!

其實forum上有好多share扒手賊仔既經驗/預防，大家可以去睇下~~~

 

講下退tax先~~~以下係我2013年5月join團個陣既小小經驗
其實遊歐洲既話，只要係旅程最後既歐盟區搞退tax手續就得，唔使逐國搞....
意大利我淨係係The mall買過野，其實同出面shop一樣既...
意大利退tax 13%, 當然記得買夠錢(好似係175Euro咁上下)
問shop拎返退tax單.... 到旅程最後歐盟站(我地係Paris啦)
咁係Paris海關俾佢吸印(一定要，無印無錢)
有可能佢會check下你d物品，所以要退左稅先好check-in~~
(當然我會suggest你名牌最好跟身，唔好寄倉!!!)因為退tax係咪都退13%，所以你可以揀cash / 退落card
海關吸印counter隔離就有櫃位可直接拎cash退cash會每張單收Euro 3手續費...
既然有得揀cash，當然cash會穩陣d
因為導遊話退card要等2-3個月，如果張單寄失左就拜拜架喇....

另外法國就退tax 12%，春天&老佛爺百貨有專門退tax既counter
但要即場選擇退cash/ 退card，退cash會收手續費
所以只退10.08%，退card就可以直接退晒12%!
春天好似仲有即場退cash counter，即刻拎cash再買過~~
但因為我地係LV買唔少.... 所以揀左退card~~
係海關吸完印，放入信封，入箱就ok....
都淆底佢退唔到返黎, 不過導遊話大公司會ok
有copy，if真係退唔到都有機追得返wor~~

 

另外因為瑞士唔係歐盟國，所以佢既退tax要係離開瑞士前搞掂
導遊話瑞士係地理位置係中間，所以佢方便遊客退稅
其實一般買名牌名錶，佢會碌兩張單1張係扣稅後既價錢，另1張係稅既錢e.g. 10000蚊(退稅好似12/13%，就當12%)即係會碌1張單係8800 (會直接過數)
另1張單會碌1200蚊(唔會過數) 咁只要你離開瑞士前，張退tax單俾返海關
咁1200蚊就唔會被過數架喇.... 呢個係導遊教我地
因為係瑞士無買野，我無經驗的:P

 去旅行，特別歐洲當然會碌card啦!!!! 以下係我自己2013年5月既research!!
中銀雙幣張銀聯係免手續費既，不過我申請唔切
恆生既銀聯就收1.2%，其他渣打, DBS, 東亞VISA就正常收返1.95%~~
雖然銀聯係平d，不過好lucky，去旅行前收到東亞&渣打既promotion
碌夠一筆數，就有cash直接回贈!!! 呵呵，岩晒~~~~
今次我碌咭cash既回贈係free到我條Gucci頸巾!!!!
wakaka，記得留意下啦~~

 

謝謝有追blog的你們~~~西歐蜜月遊完結lu~~

戰利品大晒冷@ Honeymoon 2013 **超多相**

 

 

 

 

 

 

 

 

 

 

 

 

 

 

終於黎到戰利品呢篇blog ~~~希望大家都好期待啦!!!
其實除左包包之外，其他野都係零食零食& 少少紀念品....
包包係碌咭，其他野都係俾cash，相比之下cash我覺得真係使唔唔多....
我預左一筆去洗，只係洗左一半XDDD"~~

蜜月回來了!!!

wow~~~~終於回來了!!!
12天既行程(其實得10天)，真係太豐富，太開心!!
雖然有點走馬看花，但每個國家睇少少，玩dd都唔錯!!!
雖然話係蜜月遊...但可能都唔係第1次同mr.yan去旅行
又唔會話特別sweet咁
同團都有4pair係 honeymoon...
仲要幾個都係12年12月結婚，真係夾，幾pair都係婚後幾個月先去玩...

好感恩全程天氣都算唔錯，係italy verona落左陣雨
其他都無落雨，不過係瑞士/ Paris陰天影相就無咁靚:P

去之前都好擔心治安，不過都好lucky
其實提高警覺，好好保護自己既野，so far 都ok!!!
預左一筆cash去洗，最後竟然只洗到一半，haha
高估左自己timXDD (當然唔計碌咭)
係Paris research食自己既餐廳最後都食到
勁開心，真係好味又唔貴~~hehe

中途係venice飲恨無買到既LV (因為venice新店有得賣先)
之後其他italy，germany都買唔到...
差d帶住遺憾，so lucky最後終於係Paris買到，仲要平d.....wakaka

因為mr.yan影左太多相3000張=.=
仲多過big day咁滯，要慢慢執慢慢揀!!!
努力打blog!!!

去瑞士中途陰天又落雨，好彩上到雪山超好天，勁開心!!!勁amazing!!!

係荷蘭風車村又係好好天，不過都好大風幾凍下....>3<

係Italy熱到著短袖就得XDD"，天空之城(左下)，好特別，入面點影既相都超靚!!

係Paris自費其中一餐，海鮮拼盤!!!!正到震~~~

Paris不愧係浪漫之都.....望住閃燈的鐵塔....真係好想停住那一刻.....

Day 11&12- 巴黎: 凡爾塞宮, 羅浮宮, 海鮮拼盤, 返HK lu~ @ Honeymoon 2013

Last Day lu~~係Paris既早餐超唔掂，只有麵包, 牛油....
我地lazy落去食，反正仲有兩個杯面，我地就食埋兩個杯面做早餐啦!! 呵呵

今日係自由活動，咩意思呢?? 即係唔包車唔包行程....
黎到巴黎，當然要去最出名既羅浮宮，自費40歐羅1個人
另外導遊都suggest我地去凡爾塞宮行下，唔入場
係公園&外圍行下睇下，咁就30歐羅1個人.... 都ok啦!!!

所以第1站我地去左凡爾塞先.... 好大呢個公園....d樹好得意!! 外圍都好金碧輝煌~~~影下相!!

 

就去羅浮宮lu~~~係有埋中文tour guide帶住我地行，羅浮宮真係好大
人地話要睇晒3日3夜都唔夠，我地得兩個鐘速成遊咋!!!
今次呢個tour guide好好呀
每個作品佢都會解釋得好清楚，點解會有
有咩要值得留意睇，邊個角度影會最好~~真係好正
我地每個人有個ear-phone佢講我地自己行遠行近都聽到!!!!

好多作品都超靚~~
mona lisa真係超多人，跟本迫到入去都唔能夠欣賞到.....
而且有一段距離，我地講笑話其實係假既，我地都唔知XDD"
不過我最中意既係拿玻崙加冕個幅超大畫
入面皇后件袍真係畫到超真
成幅相咁，好多details都畫到影相!!!like~~

 

 

超快2個鐘就遊完，俾左30mins我地自由活動散去影相
我地即刻衝左去post office先，因為呢兩日都搵唔到stamp買
寄左postcard就衝上去玻璃金字塔影相~~haha，到此一遊過

lunch導遊車返我地去老佛爺食自己~~因為時間唔夠，得45mins
我地就衝左去老佛爺個supermarket
(係男裝部果邊)，入面有foodcourt咁既
食海鮮拼盤!!!!

我地6個人叫左兩個大拼盤!!! haha，海鮮點食都唔會飽架喇~~不過梗係要試下啦，d生蠔好正，d蝦又爽，好好味呢!!!!!
食埋lunch，我地既旅程就到尾站lu~~~

出機場去巴黎坐機去倫敦，再由倫敦轉返香港~~~
我地都唔係好多野je~~

臨離開Paris都買左新鮮Laduree俾爸媽試~~

係倫敦有3個鐘等機時間
我地係機場食左個拉面& pad thai, 估唔到好味wor~~

haha，再同團友傾計其實都好快過..... 我地今次上機個陣
同mr.yan一人一支小白酒+ 累....
11個鐘既機程，我地訓左8個幾鐘，正爆~~haha

返到HK，旅程完結lu~~~
12日過得真快....Honeymoon 真係好正