"甄張聯婚"貼紙~

早前上網research到可以整百家姓貼紙~~
可以燙金色，銀色，紅色，紫色~~
用黎stick落帖到一流!!!

只要同佢講你地係XX聯婚，佢就會design幾個唔同字體俾你揀!
我就揀左呢個啦↓↓↓~燙金色!!!~2月中order，3月中就會收到製成品lu~
收到實物再post出黎俾大家睇下~

有留意我們的姓氏嗎???聯婚改做"仇報"都可以ga~~hahaha

有興趣既留comments我再話你地知details呀!!!

wedding logo~

Wedding Logo~~~
其實我到而家仲未諗到佢既用途...
不過會覺得呢個係我地wedding 既signature~
所以就整定先la....hahaha

上網見到其他bloggers介紹有個網站可以自己整~~

http://www.weddingchicks.com/freebies/custom-monograms/

試左整以下幾個，你地覺得邊個靚d呀?

No.1

No.2

No.3

 

非視覺Pre wedding, Confirm!!

Last and confirm- 非視覺

呢間shop，其實我係上網research返黎....
見到其他blog友，網上評語都讚好，同埋影出黎既作品都同我心目中想要既差唔多....
比較新，所以會平d，不過就有d擔心... 始終冇其他咁多口啤......

去到expo，有個女仔service我地.... 拎左d相簿睇~
我講左我想影d咩~~佢都俾左好多reference我睇....
咁佢話我想影唔同地方，影兩日會好d lor~haha~~
佢介紹我可以影婚紗城(有教堂，花)
咁另外地方，可以揀地中海(有沙灘，有多幾個教堂) or  楊梅坑 (有沙灘，小橋流水)
影兩日都係RMB 6499，有3本相簿la，油畫，大水晶相架...
好吸引呀... 無論係價錢or地點等!!!

咁我同mr.yan行個圈再諗清楚~~其實我心裡有左答案....
反正mr.yan都冇咩大問題~~呵呵，一於去confirm非視覺la !!! 呵呵呵呵~~
究竟有冇人好似我地咁，早成年confirm影pre-weddings架???

係expo訂6499個package，可以抽3份獎
有簽名布，360度水晶架，迷你相簿，keychain，相架....etc~~
不過抽左之後吾中意都可以換返

而且係expo落訂，仲有一個2/3人高既人形字版(我之前好想要，恨到lu~)
同埋有一輯爸媽感恩照...haha，係for俾長輩影1輯相，around 30張，包衫包化妝....
揀最靚個張會做水晶相架，其他都俾返softcopy你!!
我最buy大陸個d，係所有相都會俾返你，唔使最後係咁sell ~~ 1個價!! 正~

之後佢問我有冇朋友介紹黎?因為朋友介紹，可以多1本10"相簿&1個水晶相架~~
咁我呢d醒目派之前做過research，有d好好既blog友話如果介紹可以用佢地個名~
就係咁，我地就多本相簿，多20張相可以揀lu!!yeah~~

落訂係50%，但我婚期係12年年尾... 咁我大概諗住出年3-4月先影....
而家早左成年book，其實都有擔心....
又俾個fd嚇一嚇我話羅X宮咁大間都執得，大陸個d更容易wor .....
我都有d怯... 咁同我佢地講返話.... 我落左1000蚊訂先.....
其餘既訂我到時上黎揀衫時，再俾返.... 咁佢地都好明白，都話可以!!
perfect ! 又搞掂多樣野!! 叻~

http://www.szfeiv.com/
詳情可以去佢地個網站睇下...d相真係唔錯架!

決定留住最美的一刻*

其實結婚最想就係影pre-weddings相...haha
我諗女孩子總會好期待呢一刻!! 要趁青春留住最美的一刻!! 呵呵~~
一開始我同mr.yan都決定左唔會去外國影.... 因為都幾貴下...
而且mr.yan自己都有玩相機..... 佢會話不如拎d錢去旅行，自己影好過la~~~

咁係香港影...um... 其實我唔係咁中意... 幫襯大公司，
影佢地d園林景麻麻地，而且我最怕係佢地最後會係咁sell我買相~~怕麻煩
如果出去影，一來地方都係大自然既南生圍，迪欣湖...情陷夜中環etc.....
而且好似要周街係好多人面前影pre-weddings，個人黎講我唔係好習慣....haha~~

之後上年家姐結婚，佢去左深圳麥田影pre-weddings....
開頭大家都會話返大陸影，執相會唔會執到唔似你架? 會唔會俾人呃架???etc...
好多問題出現.....so far家姐係麥田又影得唔錯，個妝化得靚過佢係HK影羅X宮....
最緊要價錢平，又多野送~~~haha
而且網上而家都多左好多人返大陸影pre-weddings，3V, 深現.....
d 評語都ok唔錯!! 都加強左我係大陸既.pre-weddings既信心!!

其實我對影pre-weddings無咩太大要求.... (以下純個人諗法:P)
我中意happy face，warming & sweet feeling~~~
我見而家d攝影師影得好靚.... 好似藝術照....
多數景大人細..... 係真係好靚~~但唔岩我feel~

************************************************************************

第1次同Mr.yan行wedding expo….係咁俾人sales影pre-wedding
(有d真係好瘋狂... 嚇到我地勁急咁走)....um... 其實我去之前都做過下re-search
有幾間心水~~所以就有目標咁帶mr.yan去睇
其實個幾間心水，都係大陸既攝影公司.... 哈，我中意影教堂，花海，沙灘.....
大陸好多時一個地方可以有齊晒(真係好佩服佢地..haha) ~
同埋佢地d作品多數都見到主角既樣，係開心既笑容!that’s what I want!!!!

第一間- 麥田
家姐幫襯過，對佢地當然有返咁上下既信心la~~

咁我都係講過，我想影教堂，花海，沙灘咁...
但我唔想影返同家姐一樣既景.... 無理由兩姐妹輯相既background係一樣架嘛~~
有山海莊園，有玫瑰海岸，壩光，石門公園...etc可以揀....
其實我prefer可以影兩日，一來冇咁辛苦，同埋可以影多d景....

呢個係佢係expo 影2日既plan...7899RMB
係expo join可以減600，另外再送600蚊現金卷，到最後俾你買相，加相簿都可以~~
但麥田我中意既景點選擇唔多~~所以都要考慮下~

第二間- 3V
我諗3V而家算係大陸pre-weddings相之中，算係好出名
因為我都見好多blog友，同事都有幫襯過.... 開頭service我地係一個beijing既男仔!!
佢仲驚佢講既煲冬瓜我地會唔明~~~
介紹下原來佢之前係3V同gf/老婆?影過輯沙灘~~happy face!!!^V^~

再睇下佢d package... 佢知我想影花...
所以提議我去影百萬葵園，咁咪冇得影海灘lor?? haha~~

個plan同平時既差唔多~(quote from 3V網站)
不過係expo join就可以平唔知300定500...
同埋有一條度身訂造既婚紗.... wow
但齋影百萬葵園1日又唔夠~
join佢兩日既package就比其他個d貴 (去大陸影其中一個原因都係想平d ~呵)
再諗諗先~~

大日子婚禮攝錄~Amazing Grace!

一生人一次既大日子，梗係想將所有過程細節，一一記低la
而且冇得綵排又冇得再黎過....
所以婚禮攝錄呢一樣野係絕對唔慳得!!!
我唔介意俾多少少... 希望個作品效果好d....

去wedding expo之前其實都上網research過....
睇過blog友介紹的timothy~~相片好靚呀...
不過冇咩standard相睇到... 多數都係snap...
但看一看price...um... 好似貴貴地咁.... 再睇睇~~

去左岩岩2月既wedding expo...
去左睇Joseph photo....

相信很多sis都會知道他們在攝錄界都好出名....
睇左佢地既demo，好靚呀... 有一本好似magazine既逐一記錄晒當日既每一part...
好中意呢.... 再問下價錢.... 唔算貴，但亦唔係平....
不過佢包埋本magazine.... 反正先睇第1間，再睇下先la~~

之後再經過amazing grace....

撞到上年12月幫人做姊妹時拍video既哥哥仔....
真好，佢都認得我!!! 咁又睇下d demo，佢個度播緊其他客人朝拍晚播既片
剪接得好好呀... 睇得我地好開心~~其實之前上網睇過... 佢地都好好評呀!!
而且如果可以搵到呀Grace影既話仲正.... 就問下期la!! 呀Grace ok呀!!
呵呵呵，再睇埋價錢~~ 如果用菲林就逐筒計+逐筒晒相錢....
咁我地怕會影得勁多~~所以加錢轉影digitial~~都算合理!!
而且會包埋整成長片段.... confirm!!

另外我+左$3000蚊做即場派相.... 就可以當回禮禮物la!!good~~

可以再+$980 做朝拍晚播，等朝早冇黎既賓客都可以睇返....
um.... 呢樣野我未諗到呀... 因為個日要搵個兄弟/朋友拎段片去，拎返黎....
不過佢話呢1 part唔使而家confirm!!! 可以遲d先決定!!!

最後梗係要講下價la....
都算相識一場la....
最後以1個優惠價(2p1v)包晒我由朝早出門，下晝註冊，夜晚擺酒!!!
好開心呀.... 又搞掂一樣野la!!

係expo join仲有禮物送，就係上面個list揀4份la~~都好好呀!!
順利呀!!!wakakaXDD~

暫定MUA!! Part 2

唔好意思，再離題多少少.... 哈哈哈
話說當日陪家姐試妝既時候，隔離都有個女仔化緊party妝!!
而MUA係connie~~逗留左3個鐘.... 睇得出connie化妝都好勁ga....
個女仔化完係sharp晒架!!!
開始入正題lu~~

其實到我正式搵MUA既時候.... 我都冇諗咁多... 就諗住搵返家姐呢間!!
因為我上次見過connie既化妝之後，我都好想叫佢幫我試下呀....
咁家姐都怕再遇到上次助手化妝唔得既問題....
所以我地就想問下可唔可以同時叫晒兩個大師傅出馬!!! 呵呵呵呵...

熟客當然易話為d la，但請得師傳出馬個價錢當然唔同la....
不過Jessica好好人(因為我去的時候connie不在呀) ...
因為距離Big day都差唔多有兩年時間.... 佢話正常係大約1年前先試妝confirm!!!
所以佢而家幫我hold起左個date先~~遲d試左妝先confrim都ok!!!

好野~~~又搞掂1樣野~~haha...
期待之後會繼續既化妝扮靚篇!!

 

不過都要頭痕下姐妹化妝lu......

暫定了的MUA~(離題家姐篇)

除左酒席.... 相信新娘化妝是big day另一項大家要鬥快book到既!!!haha~

其實我真係好lazy去research... 因為化妝好人夾人...
上網睇到好靚，到自己試個陣又可能係另一回事....

家姐岩岩結完婚，好多資料我都岩用返.... 其中既就係當日既化妝la!!

(以下離題少少，講返當時家姐既情況)

我唔知家姐係邊度尋找佢既MUA...

只係記得佢個陣叫我去陪佢試妝....
我就跟佢一齊去百利!!
Jessica Ma @ couples!!

仲好記得當日試左原來要試over
3個鐘頭ga....haha...

家姐prefer
simple and clean既妝，唔需要誇張，靚得黎要認到係佢自己黎~~~
jessica幫佢試左日妝&夜妝後，佢都好滿意，就confirm左啦!!

到大約婚禮前1個月... d頭髮長度都唔會太大變化既時候，就去試埋頭la....
家姐冇咩prepare，去到揭下雜誌，再同jessica一齊試下咩頭ok...
出門著褂既頭la，迎賓頭，著婚紗進場頭，敬酒頭&送客頭....haha
有幾多套衫，就有幾多個look!!
原來set頭都好有學問.... 因為夜晚d時間唔多，換衫轉頭樣樣都要快...
所以有先後次序... !!! 再ok~~就正式到Big day當日!!

其實當日試褂頭既時候...Jessica幫家姐試左兩個唔同style既
家姐就中意classic d，但我同mami都覺得活潑d果個襯家姐....
到Big day個日，jessica幫家姐將classic X 活潑mix 埋一齊~~
好靚呀，再用鮮花做頭飾!! mami家姐都好中意好滿意....

到夜晚.... 都唔詳細再講解.... 大家睇下相la...
總知最後，家姐好喜歡佢當日既所有妝所有look!!!
P.S.左邊第1條是迎賓裙，是媽媽親手車的傑作!!~
中間blingbling的泡泡裙是敬酒時的~~大家都好喜歡喔....

係couples join 新娘化妝，其實係有包埋頭飾的....
但因為我地自己都有預備頭飾(遲下有機會會講下我們的廣州深圳行...)
而且借頭飾係要俾按金，個按金係遠遠超離頭飾既價錢，我地都明白...
其實佢地咁做只係想大家小心d... 好好保管，不過既然我地都有頭飾....
加上家姐係勁大頭蝦既人.... 所以相入面既所有頭飾都係我地自己自備架!!

BTW，上次Jessica幫家姐化既新娘妝真係好靚....
但佢帶黎既助手，幫我同mami化妝set頭，完全唔得....
朝早我同mami個妝同頭都ok... 但夜晚完全唔得，
我地忙到都唔得閒理自己，到最後睇返d相，OMG，點解個樣唔同晒ga....
佢幫mami畫左超粗黑眼線... 搞到mami笑係上黎好似見唔到眼咁...
幫我化個妝d眼影色超怪... 眼尾有一達紅紅地咁... 同埋乜而家仲有人打鼻影架咩??
打都唔係問題，問題係打到超深，明明我個鼻超扁的=.=
但影相出黎係好似隆左鼻咁，而且粉底明顯深左1個tone
搞到我成個泰妹咁... 激屎我!!

to be contineue....

第2次*睇場~落實了!

2011年2月6日(年初四)

因為上次睇場唔岩，又怕心水場會俾人book左... 今朝一早就同媽媽&mr.yan約左去紅磡等!!! 睇最岩我心水既場→煌府鑽石廳!! 上網睇相己經覺得個場好靚，又有水晶燈.... 去到未夠11點，佢未開門，但照樣都可以俾我地四圍參觀!!! 個海景廳都好靚呀!! 仲有窗tim... 不過我地擺唔到咁多圍數.... 再轉去睇鑽石廳!! 好中意la... 同mr.yan仲踩左上台feel下~~haha... 但佢未夠鐘未有人serve我地... 我地就行左去樓上見到有個景逸軒... 好似ok咁wor~~睇下la.... 有個經理請左我地坐低..... 但坐左成10mins都冇人理我地(得d呀姐以為我地飲茶，係咁問我地飲咩=.="")，我自己去左拎d leaflet黎睇下... 嘩.. 唔平bor~~個經理終於都理返我地.... 原來呢間係海逸酒店其下既中菜廳，唔怪得la.... 哈哈~~問下原來我地揀個日子full左架la己經~~返去煌府..... 門口既知客問我地有左日子未.... OMG，點解咁快俾人book左架!!! 即係好失望……..佢問我地有冇其他好日子? 無......

海景宴會廳~~有窗的~

大場都ok!!

我中意既鑽石廳>.<"

未開燈睇場~~好多水晶燈呀~~

 

打俾爸爸... 爸爸話HK咁多好酒樓... 唔緊要la，擇左好日子唔好咁易改!! 好la~~我地by taxi落觀塘再睇~~

睇左clubone... 上網睇d相好靚咁... 但現場原來個場好長... 但個台比較窄... 我地一大家族應該唔係好夠位企...um... 而且mami話佢地張12人台好細，demo張12人台放10個位先岩岩好，如果12人一圍會好迫的.... next!

聘珍樓... 相對MTR站好似比較遠，同埋入口比較隱閉(俗稱鬼崇XD"~)，上到去，經理都好好招呼... 我地擺20圍會間個大場俾我地... 但睇埋新娘房~~真係想講超細!! 而且因為唔係包場，會有其他客人，新娘係冇獨立toilet，同人share，而且新娘房唔係場內，換衫行過其他人出出入入係會見到的..... 就算個場靚都好... 但呢樣我真係唔ok~而且經理話我地個好日子，都有人book左!ok~又next~~

睇到有d灰.... 行返去睇觀塘鴻星.... 其實一路行己經諗，觀塘百樂門同譽宴我地應該包唔到場.... 如果真係唔岩，就去返鑽石山聯邦算la.... 反正其實都岩心水~~只不過兩姐妹同一個場嫁~haha!! 去到鴻星... 個樓底又係好矮!! 男仔高d企係度都遮住個名.... out!! 飲茶醫肚算~~haha! 不過鴻星d野食真係good的!

飲茶期間!! 己經叫家姐打去聯邦問下個場有冇俾人book到，ok無問題!!! 爸爸都好緊張... 因為佢都估唔到咁full的~~即刻drive車約係鑽石山等!!! 搵左經理~~~決定係lu!!! confirm!! 鬆一口氣!!! 我地20圍佢會包個大場俾我地.... 但menu而家係未落實... 不過都應該ok，佢個任飲package，算係比出面平d... 同埋親戚飲完家姐個餐都話食物好，招呼好!!

2012年12月30日~~正式成為Mrs.Yan!!! hehehe~~

家姐結婚個日影的~~

第1次*睇場~

2011年2月4日(年初二)

跟爸媽姐和姐夫一行5人(沒有mr.yan，因他要返工呀) ，在mk睇完新少林寺後，即興地落油麻地&佐敦睇場... 一行5人，人地以為我們真係好認真有誠意喔....

真好，有爸媽姐陪我!! 因為我真係唔知係點ga....haha，因為家姐在聯邦擺.. 所以媽媽話去油麻地個間睇下bor.....

um.... 招呼我們的經理說年初三間左很多房俾人食飯... 所以睇唔晒全場，不過他都照帶我們去....上到去... 己經覺得樓底很矮，始終是舊場... (3/f得9呎高) ，因為我們說大概擺20圍，所以經理帶埋我地上4/f，25圍可包場.... 點知4/f仲矮(得8呎) ，而且裝修很舊，超級金碧輝煌... 完全唔得!! 走lu.... (由於太唔得，相也沒有影，哈)

過對面...佐敦彩福，彩福在這裡有3個場，欣宴(24-28圍) ，國宴(20-22圍) ，皇宴(14-17圍) ，側面的入口可以去欣宴&皇宴的場地.... 和之前的聯邦對比，相差太遠，樓底很高有25呎，裝修很西式... 另外17圍的皇宴雖然是中式，但感覺也很好... 不過經理說今年的5月皇宴會裝修，會變成西式場地，因為大家也較愛西式.... 皇宴最盡只可擺17圍.. 最後想加也不能加.... 欣宴我怕我們也擺不到24圍，而且經理說我們揀的好日子，己經有人落訂了!!!=o="，那一刻我真係有點呆... 仲有兩年，真係有人咁早落訂....haha，自己都要快點才可以了!!

很大的台~

樓底又夠高*

經理說還場有1個國宴的場... 附合我們的圍數(20圍) ，但門口是在nathon road，跟這兩個的入口不同.... lift一出己經的國宴的場!! 一看，心裡大叫(我很喜歡!!!!!! !) 心形的background，水晶燈，有1條小catwalk(這個其實我麻麻) ，經理說場地是新裝修，平時除了擺酒和訂台食晚飯外，不會開放茶市，所以折舊率比較低... 有貴妃椅，有piano.... 睇埋新娘房，超級大，很多鏡.... 全是我喜愛的~~omg!! 好中意好中意(第一次睇靚場的比較興奮的:P) ，但跟經理傾下價錢，個心情即刻down晒，如果我們擺20圍酒席，要選用他們的2號餐，都係普通婚宴菜式，但因為2012年年尾的價錢尚未落實... 如果而家落訂，計通脹要加多$400蚊=o=(2012的經濟真的有那麼好嗎? ) ，再加無限量入既飲品，每圍又再加，計一計over budget.... 再看看吧....

在天橋上的是剛剛成為新娘的家姐~好靚呀~

心心台~

新娘房入面既貴妃椅~

有大塊半身鏡同全身鏡!

 

今日的最後一場... 佐敦莊士敦廣場的譽宴... 又是一出lift己經是場地.... 樓底也高，backdrop都ok~圍數也差不多... 經理介紹的時候，說很多新人是為了那個飛天南瓜車而來.... er... 說實話我一點也不想坐那個出場...ha，再看看新娘房，比較細.... 如果當日多姐妹的話，我相信是會很迫很亂的~~再傾下價錢，係唔係油尖旺的price level差不多既呢?這個場的價跟彩福國宴不相伯重.... 同一個price我一定會揀彩福lor.... 就係咁... 完成左我人生第一次既婚宴睇場lu!