又art-jam...第3次*

haha，自從上次同同事畫完第2次  (可以睇返→我的第2次 art-jam!! )
咁岩老世又同我地講話會再有團購優惠.....我地又一齊join啦

星期五放工又一齊去畫.....好開心，今次畫大size呀.....

好似怪獸咁....haha但我好中意個底色!!~

應該估到我畫咩掛??

仲有一朵~

完成lu~~

大家既作品....happy friday night^^

報名amor workshop- book binding basic

有留意我blog既jm應該都知道.....我都幾中意整scrapebook~~
雖然係自己低b既手作仔，但做完出黎好滿意，每次睇返都會覺得好開心!!

上網搵到有間workshop有教人整....wedding photo album, travel album .....
其實一路都好想學......不過拖呀拖呀......
直到岩岩今日見到有新班教整guestbook!!!
即刻好想join，但學其他advance class前要學左basic先.....拉埋好友菇菇一齊去學!!!!
順便試下自己係咪真係有興趣先
(呢個係無底深潭黎ga.....中意之後就會瘋狂買買買~~呵呵)

我地報左名6月25日(星期6)，去上堂呀，有冇jm/b2b一齊架??
響下朵好bor~呵呵呵

係amor workshop度copy圖~~好期待呀!!!

蜂買- $78 買快圖美28版5R高清相紙相冊，無需軟件，無盡回憶。(原價$168)

今朝一早同事就send俾我睇!!!!

$78蚊可以整本簡單既相冊，真係ok抵，
之前係台灣網點點印，我都整過一本俾mr.yan，aroundHKD2XX蚊~~
所以今次咁平，我都諗住買呀!!! 大家都買la~haha

http://www.beecrazy.hk/hong-kong

和mr.yan首次行金都

岩岩過左既星期日....陪mr.yan出mk睇左B+偵探....
其實我唔想睇ga....不過免費飛+mr.yan想睇....就陪下佢啦.....
90mins既戲我遮住左一大半.....
我好怕睇呢d戲ga，就算唔係恐佈都好驚咁....=o=""後悔.......

之後同mr.yan去左行金都!!!!
其實今日都有目的既.....就係想去睇下d男禮....
睇大家既blog都明白，男禮比女仔晚裝梗麻煩，
起碼女仔知自己想點，會去research....但男仔呢.....
多數都會求其簡單....但最後真係睇個陣，d要求無lala又彈晒出黎架wor!!呵呵~~

其實一開始我就打算同mr.yan訂造兩套西裝
(係大埔ga，都ok出名，姐夫&爸爸套西裝都係佢地度做，
very good fit，價錢又ok~同埋夠近!!!haha)，但其實結婚著完之後真係無用.....
所以諗住去睇下租既價錢又如何......

上網reserach 大家睇既VA，e-rave，mode......
個價錢真係over晒....呢個價去租，咁我訂造仲平XD"~~
所以就諗住去金都搵下....

問過價錢....如果租燕尾禮服around$8XX-9XX (有價講的)~
其實如果訂造價錢都幾貴dd咋wor....咁再睇下d款....
我麻麻地銀灰色，但我好想mr.yan著粉紅色+黑色領位
(即係華麗明☆賽，蔡一智著過個隻呀!!!我而家個個week都追睇佢地d靚西裝!!正)
但mr.yan一口拒絕左我呀!!!><"~~行左個圈，有左個concept就算lu....

再研究下....暫時既決定...可能會造一套，租一套....
造個套多數都係黑色，唔要燕尾
自己去影pre-wedding個陣又可以著，希望第時都著得返!!
租個套就未決定咩色，要燕尾，可以誇張d!!!呵呵呵~

有排搞.....

我的八達通~

haha，特登寫篇blog講我張八達通，大家會唔會覺得好奇怪???!

講返差唔多兩年前....我地拍拖5週年....當然都要互相送下禮物仔.....
話說當日上左mr.yan屋企，佢送左隻一半手板size既鬆弛熊公仔俾我....
我個下其實都好呆...唔係掛，拍拖5週年送隻"咁既野"俾我??

不過都算la....有總好過冇....失望實有ga la...(相信mr.yan個一刻都feel到~~)

咁繼續當冇野....之後話有d肚餓落街買野食....
有mr.yan係度我都大安旨意唔帶錢~呵呵
係7仔揀完之後咁梗係等人俾錢la....mr.yan話佢冇帶銀包，我又冇wor....
個下有d騰....唔係掛，之後mr.yan就俾左隻鬆弛熊我話用黎俾錢.....
我話唔好玩啦!!(佢當時個心可能笑緊我)...
之後佢真係俾左隻鬆弛熊我，再捉住我隻手放鬆弛熊上八達通個reader度...
."o都"就俾左錢啦.....個一下我先知原來隻公仔係八達通黎ga....
又呆一呆....感動到呢.....
原來個傻佬買左隻迷你八達通剪左張晶片，再攝入鬆弛熊入面"聯"埋返佢....
.到呢一刻每次用張八達通都諗起當日係7仔個情景.....好sweet~~

不過經歷左兩年....個公仔都dirty左lu.....近日行街都同mr.yan講我想換隻公仔，呵呵~~佢買左新出既雞雞俾我!!!好中意呢....

原來佢剪到張晶片係咁ga bor~~

淘寶pre-wedding拍攝道具~鑽石戒指

哈哈，又淘寶!!!
之前都同大家share過我同公司同事差唔多每個月都會淘寶
唔使出街，返工放工d錢都係咁流走.....=o=""

今次淘寶既野，其實我見好多影pre-wedding既新人都會有ga....
就係1粒巨形鑽石戒指!!!呵呵呵

我係金都，百利都見過實物，差唔多要$2XX，好貴耶....
點知上淘寶見到.....買左先lu~~呵呵呵

實物冇佢網上張相咁大粒....不過都ok既，如果可以誇張d就梗好啦!!!
賣家仲可以去尖，將底部既位置磨平....咁就冇咁易整親手啦!!呵呵

有好多color揀，透明，藍，綠，黃
我呢個粉紅怪(菇幫我改的名)，當然揀pink啦!!!

結婚雜誌*

我相信各jm都會有買wedding magazine當天書咁刨....
自從家姐結婚到而家，我都間唔中會買黎睇下....

我覺得HK既wedding magazine似一本廣告雜誌多d，唔多野值得參考....
今次我想同大家介紹兩本台灣出既wedding magazine~~

新娘物語- 呢本HK都有得買(仲要賣得平過台灣tim)
比較多page講化妝&髮型，而且佢每月都有唔同既topic
之前有教過點擺pre-wedding pose，點樣場地佈置....幾多野睇

另外一本就係"薇薇新娘"，呢本係我係台灣旅行時買ga...
岩岩個期係講花球，婚紗....冇咁多廣告，季刊NT350，
差唔多HK100蚊，但係HK未見到有得賣....

唔知平時大家係睇咩既呢?

同事請飲@銅鑼灣譽宴

今次係我第1次自掏腰包去同事既婚宴....以前都係跟daddy媽咪去....

但有樣野我真係好想講!!!只不過係我自己既意見.....
真係盡可能都唔好平日擺酒!!!!
擺酒都係想各位賓客高高興興咁去"鄧"自己高興....
但有時真係會令到賓客好唔方便.....

話說我同事擺酒係星期二晚....星期三大家要返工....
其實都有同事為此而唔想去....同埋地點既問題....
話說我公司係元朗的 (所以大部分同事都係住新界)，
但去飲既地方係銅鑼灣...(我明可能要就男女家)，但放工要山長水遠咁過海....
飲完就要搭長途車返屋企，第2日再返工....
真係好累....以上純個人感想.....

我地放工特登book車過到cwb....8:30去到，岩岩好，準備進場.....
個場都好靚又夠高....不過都會有d柱位...
我諗佢地應該係睇中左有條樓梯，可以進場，同埋影相又好靚.....
野食就一般，但有原隻鮑魚食XDD"~~
佢最愛美點雙輝既賣相好特別，但味道就麻麻....d侍應服務都幾好

當晚既回禮禮物，係閃燈玫瑰花，進場既時候全場熄晒燈
大家一齊揮動玫瑰花....好似睇演唱會咁~

夠高又有水晶燈....

呢期有朋友去飲都話有原隻鮑魚食~~咁正，酒席咪好貴lor?

Wedding shopping @ Taiwan + Scrapbook DIY

其實我想講.... 我係1個貼紙痴.....
無論去到邊，見到靚既貼紙唔係太貴，我都會係咁買買買
(應該用個掃字黎形容XD")，係澳洲勁買
之前去日本，係tokyo hands買貼紙都可以買幾百蚊(HKD wor)
返大陸or淘寶買cheapcheap貼紙一樣買得咁開心....

所以去到台灣，係買貼紙買到傻左(無法la，其他野唔係好吸引我....)
係文具鋪，光南大批發，夜市.... 邊度都唔放過.....
因為台灣個d真係平好多，係HK citysuper賣緊2x-3x蚊一張個d
係台灣都係10蚊左右!!! 而且係好靚好靚~~好多DIY野都好正!!!!
不過今次特別d，大部分買既貼紙都係wedding
use!!! 呵呵呵~~

買咁多黎有咩用呢?? 其實我打算簽名簿自己DIY整.....
or semi DIY買本簿返黎再加工.... 所以到時大派用場la.... 呵呵呵

好靚，就算唔用望下都開心!!!
P.S.好眼力既你地，可能留意會有一款兩張
就係買得太開心，自己買左重覆都唔知

另外呢張立體cake咭，好平架咋!!!
係台灣d書局買.....好似$1x蚊....
HK閒閒地買張weddings有關既都3X...諗住到時放係reception掛~~

另外呢兩張係日本個陣諗住買黎俾家姐wedding送俾佢，但唔記得左...haha
我中意pink個張....呵呵~

 ***********************************************************************

本身我都好中意DIY，但我係自從打左blog睇其他blog友先知有scrapbook呢個terms....
其實係之前我都整過兩本ga la.... 獻醜俾大家睇下....
呢兩次整都係諗住同mr.yan去完旅行整返本黎回味下..... 呵呵

1st @ Tokyo 2009, 呢本size好細架咋，大過4R....
入面每張background paper都係我逐張逐張cut架....最辛苦係呢part!!

2nd @ Kansai 2010
呢本有A4 size，係淘寶淘返黎ga...都ok架，page與page之間仲有牛油紙隔住~
每次睇返都好開心!!我地去左8日架!!>V<

←牛油紙

@京都

@神戶

仲可以keep埋d入場卷~~hahah!!!