DIY Guest book "初步完成" (私)

夏天熱屎辣辣 , mr.yan要返工又唔得閒陪我....
唯有係屋企搞下DIY....如果買左絲花，我想整埋花球tim

上次係amor workshop學左book binding，而家將佢學以致用!!
就係放大整guest book!!
本身workshop都有guest book學@@"~~
但佢係教用花布包.....睇過d花布唔係好襯wedding用
而且最concern係我覺得有d貴(結婚己經好多錢洗....)
問過olivia，佢有material可以散買，咁就perfect晒!!!

其實好簡單....haha~~
係olivia度買左兩張4mm厚既咭紙，兩張80cm長既靚紙做拉頁
同埋一張大book cloth就可以開工!!!

首先張咭紙係有預大度....所以要cut返岩自己既size....
以為4mm好難cut，但有把好利既cutter就搞得掂!!!
內頁紙有80cm，打算分4版20cm一版，所以cover同底就22cm ok!

cut完再cut book cloth，用白膠漿痴好

拉頁係workshop有個tool可以幫我地刮痕容易摺
係屋企冇果個tool就用左大家樂膠刀!!!haha
不過要好大力來回好多次先有d容易摺既痕!!!

摺完!!!

初步總算完成!!!yeah~~由於未諗到封面點樣decorate...所以未痴埋佢地~
同埋內頁我打算版版都會有d唔同既裝飾，我d貼紙，印仔大派用場lu!

封面點decorate好呢?

幾時宣佈????

請問各位同我差唔多日子BD既b2b(2012年年尾)，
公開宣佈左大家既大日子未既呢????

其實我係未正式公開宣佈呢......
因為我好早就BOOK左酒席(今年2月)，差唔多仲有兩年時間.....
所以就冇打算咁早宣佈~~~
淨係話左俾最要好既朋友知 (真係好開心同人share丫嘛)~~

自己暗啞底擇左日子正式宣佈
(有朋友問，真係連公開宣佈都要擇日架??haha
笑屎我....唔係，我想只係一個特別既日子同大家講je....)
就係今年既anniversary...10月2日*
我地一齊過左7年之癢...haha，正式宣佈我地結婚了!!!

直到最近身邊有人宣佈被求婚了....真係好替佢開心.....
但見到人地公開左，好多人替佢開心恭喜佢....
就好希望10月2號快d黎啦!!!我都等緊大家替我高興gaXDD"

yahoo blog升級""

相信近日各blog友最hit既話題就係- yahoo blog要升級!!

雖然我打左yahoo blog唔係好耐，
但所有文都係關於我wedding既一點一滴架嘛.....
雖然佢話升級連舊文都會轉去新blog....
但從各blog友文中得知，yahoo講野可信性唔高....
唯有blog友們自己搞搞佢....就係做back-up""

113篇blog話多唔多，但都唔少.....
好彩有blog友Louisa.L既備份教學...
超詳細!!!大家可以去佢blog度學下ga....
除左要多謝Louisa咁好既教學，之後要特別多謝好友菇!!!!!

因為glo跟足Louisa既教學!!都冇個橙色Firefox制係左上角....
以為係glo部電腦有問題，想放棄ga la....(glo係電腦白痴=o=")
同菇講glo部腦都係唔得，點知菇+菇爺勁好....
好輕易咁就幫glo將呢個問題解決~所以glo都係度share一下^^
(真係好簡單，可能大家都識...係得glo唔識....)
但唔知有冇jm都遇到呢個問題呢??

我個Firefox裝晒d野，左上角都係咁....無橙色制ar...求救中....

一個凌晨既電話(係呀，我地凌晨個陣都未訓XD")~
指點glo係上面bar位空白位置right click→選單列

神奇既事就發生啦!!!橙色制~~~呵呵呵
咁簡單既野...但偏偏glo就唔識，請大家唔好笑我....

thx my best 菇菇>3<

書展中的收獲~

每年書展都會去.....
以前去...係因為要訂雜誌做功課
(係書展訂，可以拎到既禮物，就可以cover返個價錢，
雜誌根本就係送，所以成本都係廣告lor=o=)

而家去....就去買下自己中意既書...當多個gathering!!
反正身邊總有人有free ticket, 呵
今年放工同同事一齊行夜場，真係好多人呢....

除左書，我既目標仲有d 手工藝items!!haha~~

最後收獲

Kelly, weak7我相信大家可能比我還要熟....
我係呔仔出世無耐開始追blog....
有時同fd出街都會問，你有睇呔仔最新個blog，
d相真係好得意咁~~wakakaXD"，
睇返weak7向kelly求婚既手作仔+平時係佢屋企既手作
佢真係好勁!!!!最重要佢地係我生日果個註冊ga~~呵呵

婚事手記....其實只係講作者同佢朋友結婚既1d趣事....
無咩資訊，但好搞笑XD"，從男人角度睇wedding~~

朋友總笑我中意睇圖多過字既書....haha
馬仔，路邊攤既書真係好好睇，
我根本就係百睇不厭，每晚都會睇返幾個故仔先訓!!!

杜如風- 唔係早兩年同mr.yan去東京旅行，根本就無留意過佢.....
但煲晒成套流行東京後!!加上實地考察過佢介紹既食市!!正~~

要行到上hall3先有手作仔野買，多謝同事們s...
特登陪我一個去....好彩最後都有d收獲!!!happy~
係咩下次再詳講~~

唔知大家行書展買左d咩呢???

馬灣一天遊*

呢幅相真係影得好靚>3<，所以放頂↑↑↑

明明係7月24號去....拖拖拖....拖到9月先出blog~~~
係大熱天時.... 其實我真系好怕出街，又熱又笠個種感覺no good，仲怕曬黑tim.....
( glo好易曬黑ga，mr.yan己經咁白，我唔想同佢既對比爭咁遠=o=")連街都行少左(即係錢都洗少左)
當大家同陽光玩遊戲既時，我多數都係同冷氣做朋友~~~haha!!! 

不過Mr.yan又連放幾日假.... 想行街咁悶，就去影下相郊遊下~~~~~
就去下未去過既馬灣公園，想去好耐lu~~~

拉麵迷推介- 豚王 & 一風堂

mr.yan好中意食拉麵....
自從去完東京返黎之後，佢簡直係深深愛上拉麵....
返到黎hk有人讚好既拉麵，我都會陪佢去食下(係陪...因為拉麵我一般~呵)

我地第1次去東京既時候....食左一蘭，無敵家，康龍....
一蘭mr.yan食左之後簡直中毒咁~~haha，佢超中意食，係大愛!!!
佢瘋狂到係一蘭倒左碗湯落個膠樽度，拎返黎HK煮面食~(煮左一次je)~~

到第2次我地去大阪，除左一蘭，我地仲發掘左一風堂，神座~~
一風堂簡直又係令我深深愛上拉麵...唔講湯底好正之外，
佢d任食配菜芽菜，係超好食ga!!!!!!!
去左關西8日，我地食左3餐一風堂，2餐一蘭，1餐神座!!!
哈哈哈~~癲左~~返到黎HK，我成日叫學緊日文既mr.yan，
學成後去傾左一風堂個代理返黎做la....我真係好中意食ar!!

睇: Day 2 Part 1- 池田"日清博物館"+邂逅一風堂

不過一直以黎mr.yan係HK搵唔到令佢覺得正既拉麵鋪....
直至豚王既出現......我地第1次食係上年12月~~完全搵得返日本個種湯底既味道ar!!!
真係掂~~~第1次食既時候，我仲發現日本師傳既頭巾係寫住一風堂既呢~~
haha.....自此mr.yan時不時都會走去食~~我都食過第2次......都keep到!!讚

好似一蘭咁有格仔揀~

有證據ga!!師父頭上係帶住一風堂既頭巾XDD"~~

不過好煩既就係....佢每日限售200碗，唔想勁等既話....
又要一早過海去排隊....對於我地呢d新界人比較麻煩~

yummy!!!

豚王好似日本既一風堂咁，有幾款唔同既配菜任食~呵!

係岩岩過左去既星期六，難得過海去婚展....就約左mr.yan去食我第3次既豚王!!!!
佢11點開，我地10:50左右去到....原來己經入左第1 round客，
不過佢鋪位太細，得17,18個位左右.....等......等左50mins先入到~
算等得最耐既一次......食完就好滿足去行婚展!!!!

到星期六夜晚(可以話係星期日既凌晨la，因為己經兩點)....
mr.yan打電話俾我....訓緊覺架嘛，好少可佢咁夜打俾我....
問我第2朝(星期日朝早)去食拉麵好唔好....大佬，岩岩先食完豚王咋wor，又食??
我話唔la.....佢話:一風堂wor...haha，原來一風堂係HK開左wor!!
勁開心~~好呀好呀，就約左第2朝一齊去食.....
第2朝8點幾就醒左，竟然好似去旅行咁興奮到訓唔返XDD"~~

好感動既招牌喔~~~

不得不講下隻spoon超大隻@@"~點解??
佢11:30開，我地11點去到~~開始有d人....
見到個招牌就令我好感動la....(mr.yan話我太誇張=o=)，我真係期待左好耐...
諗住有排唔去得日本冇得食....點知有人幫我夢想成真ar!!(傾左個代理返黎)~~
唔知幾時有人傾埋一蘭既代理返黎呢@@"~~
11:30有得食lu~~~不過我覺得佢係改良左個湯底....
日本果個濃d，同埋感覺上膩d~比較上黎HK呢個冇咁濃又無咁膩!!!
不過都依舊好味~~~仲有個唔知咩叉燒包~~新野黎wor，試下!!
又係正既~~~~勁滿足!!

食左一啖先記得影相既叉燒包~~正!!!

而且一風堂係TST，方便好多唔使過海，而且開11:30-23:00，
雖然要等位，但起碼有得拎籌係商場行下，唔使豚王咁無野遮排隊!!!

 

黃色手花公仔-出場! (私)

pink wedding，諗住jm裙一定係pink色!!!
所以當初搵菇幫我整手花公公既時候....
就打算用黃色!!唔使撞得咁交關

點知菇竟然整左隻超靚靚靚既粉紅色俾我，詳睇:我的靚靚靚pink手花* (私)

aiyaya~~即刻心都動晒la!!!!
而且媽咪話你pink wedding梗係用pink啦，
反正條裙都唔會用呢隻shocking pink!!!
即刻同菇講~~~不過菇己經開左工，
幫我整左1隻黃色公公!!aiyaya，點解都咁靚架???

最後決定左~家姐會用呢隻黃色公公做手花，其他既jm+伴娘就會用pink!!

多謝晒菇~~錫晒你>V<~

粉紅色係希臘式斜膊裙，而黃色係交叉帶!!

 

同mr.yan行婚展again~

知道菇今次婚展會去非視覺幫手，一早就打算去行下!!
睇下仲有咩搞~~

點知我地去到既時候，菇未到XDD"
就搵左酒樓經理帶我地入場，順便就拎左本coupon
因為打算今年年尾or出年年頭就會去影希女個輯相

周圍行下....唔行都唔覺，1行就發覺....
其實好多野我同mr.yan己經搞掂晒XDD"
影相就訂晒，衫又唔使煩，deco酒樓又有~~呵呵!!!
想睇男禮，但淨係見到得e-rave
林峰呢套真係幾好睇!!!今日菇同蜜bee都讚mr.yan夠高著西裝good~

無無聊聊，咁岩mona lisa搵左江若琳出黎行show+唱歌，就睇下XDD"
原來江小姐真係好細粒....haha，同埋佢講野麻麻地
MC係咁問佢件婚紗有咩特別(前短後長)，
佢repeat幾次淨係好潮好fashion...冇其他形容詞，好彩MC dull得返~~

我好中意佢個皇冠頭飾呀!!!夠晒cute~

行場好恐佈，同mr.yan周圍係咁俾人sell...
係咁隊野俾我地.....唯有出返會場外等菇!!!
yeah!!!睇到佢d結婚相la~~好靚!!好中意呢...
希望出年3月天氣一定要好呀!!!

另外就要睇今日既重頭戲啦!!!!!!!
超靚靚水晶花球....菇真係超勁!!!咩都識整....

幅相完全表達唔到水晶花球係現場睇係有幾閃有幾sharp!!wakaka

不過呢個咁閃咁靚既花球，係佢幫人整的，我地借黎影相~~呵呵
靚過都好!!!!

齊人照~~~

之後我地走先lu.....
去左amor workshop買materail整guest book!!
有mr.yan陪住我幾時都咁開心~Love so much!!!

P.S.今日發現左馬莎原來有d SWAROVSKI 既首飾
有條個款仲要唔錯，都唔使$300蚊
抵玩，遲d買條玩下先!!!hehe

非視覺影婚紗相-介紹人~

從好jm菇菇個blog度偷左張相黎賣下廣告先XDD"

雖然我仲未影非視覺輯相(要等到出年3月先影...><""可唔可以快d....)
但最近菇就己經影左lu~~佢仲每日係msn同我share佢影相既趣事!!!
真係每日都講黃sir佢地有幾好
唔知道既話真係以為菇係非視覺代言人lor=o="""
詳情可以去菇個blog度睇下.....

大日子 - 婚之Pre-Wedding Photo II(非視覺) part one
大日子 - 婚之Pre-Wedding Photo II(非視覺) part two
大日子 - 婚之Pre-Wedding Photo II(非視覺) part three

不過見到佢輯相，我真心覺得好靚!!!呢張相仲要未執過~~~
唔知到時我影會唔會都咁靚呢~~haha
黎緊7月有婚展la....大家可以去睇下岩唔岩啦!!!

有左好多新promotion~~大家想join既話，都可以搵我做介紹人ga!!多本相薄呢~~

 

Sothys facial & 剪頭髮 @TST

呢期浸迷團購 + 一路都浸迷既淘寶.....真係唔出街d$$都係咁流走ar......

早排幫襯左買$88蚊既Sothys facial......其實都擔心佢會hard sell....
不過我個fd話sothys係好野wor.....是但啦，唔帶咭上去sell我都無用!!!!
買左兩張~~反正facial唔係試一次就知係咪好野丫嘛!!!

1.  智能水份護理          
   
2.  緊緻活膚護理 
   
3.  排毒潔淨護理          
   
4.  平衡油脂護理
   
5. 紓緩敏感護理
   
6. 降紅微血管護理  

護理程序（需時75分鐘）： (我今次做左90mins，係咪賺左呀XDD")

1. 深層潔面           
   
2. 深層清潔面膜             
   
3. 去死皮膏            
   
4. 黑頭導出精華液             
   
5. 奧桑離子噴霧       
   
6. 專業無痛清黑頭             
   
7. 眉型修改           
   
8. 高頻率電療消炎
   
9. 面部晶瑩按摩       
   
10. 香薰肩頸按摩            
    
11. 活性修護面膜       
    
12. 美目修復眼膜             
    
13. 香薰滋潤唇膜      
    
14. 香薰軟膜               
    
15. 眼霜、面霜、防曬

間鋪頭係百利樓上....超方便各位準新娘~haha
約左兩點，點知早左1:30就上左去，不過唔使等...都可以即刻開始!!
一開始佢叫我換左袍先!!!我即刻呆左問....唔係做facial咩，點解要換衫呀XD"~
佢話因為個package係包肩頸按摩...

不過唔按摩可以揀精華導入，咁我梗係揀導入啦!!
一開始先清潔，做facial果個人話我皮膚唔錯~wakaka，
不過佢話可能我落防曬麻麻地....所以有油脂粒係髮邊，同埋有幾粒黑頭.....
去死皮 !!!!跟住第一次針清好痛，係咁流眼水....
之後就做精華導入，好舒服!!!最後敷水份智能mask+倒膜~~
做完個facial真係覺得好有彈性好舒服喔!!!!!

諗住佢會sell啦~~點知佢叫我填返d資料!!!explain返佢d course~
我話我仲有左coupon，咁佢就放左我走!!!haha~~
不過返去check返，佢冇幫我修眉呀!!!!!!!!!!!!!!!!!唯一美中不足~~
不過其實$88蚊做到呢個facial我都好滿意~~~我覺得個效果仲好過covermark!!!!
我自己覺得skin係bright左....返去問媽咪我有咩唔同(我無話佢知我去做facial)
佢估左幾次就估到我去左做facial啦!!!佢話佢都睇得出我乾淨左同有光澤左~~hehe

講返佢個course!!!佢話原價呢個facial係$380，join10次就有8折，20次就7折!!!
做得好舒服~~我都考慮緊，不過我想問大家做facial有冇得講價架?
可唔可以講到join 10次都有7折架??haha
你知啦...結婚又好多$$要洗，又怕佢地會無lala執左，
俾一大舊錢等陣拎唔返好肉赤架ma.....
不過題外話，我覺得overall間shop係好既，不過都有d麻麻既缺點
第1佢無drawer 俾客放袋然後lock住，因為佢係間房會行出行入ga 嘛....
我做倒膜個陣遮住晒睇唔到架wor...
所以由頭到尾我話張個袋放係我隔離，自己摸到會安全d (我係咪太有戒心呀??)
第2 做倒膜都需要一段時間....如果可以播d music唔好咁靜....
我又訓唔到架wor，都幾悶~~

******************************************************************

之後又去返搵我既指定髮型師修下我pat陰.....
佢話我黎緊試妝影相，唔可以剪得太簿碎，所以修一修keep返個長度就ok!!!
快靚正搞掂~~~P.S.我明明3月個陣去剪同佢講我出年12月嫁
問幾時到佢，佢話未有咁快....點知隔左3個月，佢就同我講出年1月嫁，
快到咁既~~haha呢兩年真係好多人結婚耶!!!!

WISHESDOVE免費送你Wedding Logo Design

係葵葵個blog搵到好野齊齊share!!!!

免費送你Wedding Logo Design

WISHESDOVE 五週年啦~

Wedding Logo 是婚禮上一個好重要的元素。要有自己的Wedding Theme一定要由有自己的Wedding Logo 開始。WISHESDOVE藉著五週年希望回饋一下大家﹐特意舉行 LOGO Design Months。參加方法很簡單﹐只要各位Bloger於自己的Blog放上這個POST的連結﹐再同時將post左既link 連同以下資料EMAIL比Elaine就可以完成登記啦~

Email:

Names:

Big date:

Contact no.:

Selected Logo no.:

登記成功的blogger會於3個工作天內收到email回覆登記編號。登記期至2011年7月30日。

一齊apply啦!!!

P.S.原來呢間shop係上次婚禮嘉年華都有參加ga，亦係唯一一間我同菇有係佢地個booth睇過研究過既!!!d回禮禮物真係唔錯既呢~

我的DIY結婚證書套 (semi-finish) (私)

其實一早想出呢篇blog，不過好多野想講，唯有逐篇逐篇.....
上星期六同菇&蜜bee行完SSP後....返到屋企食完飯就即刻拉埋glo媽一齊開工!!!
想做係上黎就好快手.....咪有排拖......

做法好簡單.....因為我係公司拎左個硬版folder返黎!!!
wakaka，根本就係成個證書套既樣....只係包一包整返d deco就完成!!!

不過包布同包紙好唔同.....包布難度高d
(雖則係glo媽心目中都係好簡單，that'y 唔拉埋佢一齊整唔得 )

好簡單cut好塊布，用雙面膠紙痴好~
呢個係完成後既內頁，未整好
應該會買張硬咭紙點係中間，再係corner位加lace，方便到時攝證書!!
(可以見到個folder真係一流XDD)

初初包好既正面，相當平滑~~yeah!!

係SSP買左個閃石扣返黎....其實心形，圓形中間都會有支棒，方便穿過去....
唯獨呢個款冇....但最中意呢個，佢後面有兩個lon可以穿線
我初初係諗係到時釘落絲帶度，
點知呀媽一見就穿左線話咁就可以穿絲帶，唔使釘....真係勁!!呵

完成!!!!無痴實的lace，自然d!!好簡單既款式!!!不過相當中意&滿意....
10個like，仲有淡淡既粉紅色~~hehe
簡簡單單，我相信BD個日應該係註冊完會拎出黎影相外.....
應該冇咩機會再大派用場~~haha

暫時既材料費不過$30~~抵到爛!!!!happy~