期待已久…恨左2年既日本之旅終於完成啦!!
1年前廉航做mega sale…由於我好想去睇紫藤花…
所以就膽粗粗咁買左1年後既機票~~
差唔多2年冇去日本~超掛住!!!又為左就日子買平機票…
原本打算去7日左右，最後去10日!!!!呵呵~~
係今年年頭就開始plan行程…原本打算玩晒全九州，半自駕半鐵道遊…
仲一早book晒酒店…準備出發~~
可惜係出發前1個月熊本發生地震…打亂晒全個計劃…
初初第一次震完….以為影響不大，可以繼續行程….
可惜果個只係前震，2日後既先係主震…破壞力太驚人…
原本熊本都係我地重點玩既地方，打算訓3晚再落鹿兒島…
但最後我地就撤銷晒熊本同南九州既行程…
改左去廣島玩…
今次我地自駕去福岡, 別府, 由布院, 佐賀玩
鐵道遊就坐新幹線去廣島, 山口, 小倉~
又因為轉plan要再book酒店…好彩日本樂天book酒店有得Free
cancel…
但去廣島果2日係Weekend 同埋遲book, 會貴D~
熊本熊，我下次一定黎探你!!!!出發~
Day 1 : HKexpress 12:55 機飛福岡> 17:25到達> 天神酒店放低行李> 夜遊中洲(住天神)
Day 2 : 日產拎車> 河內藤園紫藤花 > 太宰府天滿宮 > 福岡Aeon
Shopping Mall(住天神)
Day 3 : 向別府出發 > 海地獄 > 松阪牛lunch > 由布院 (住由布院)
Day 4 : 向佐賀出發 > 季樂佐賀牛 > 鳥栖premium outlet >夜遊天神 (住天神)
Day 5 : 向廣島出發 > 平和公園, 原爆圓頂, 廣島城 > 尾道 > 廣島本通(住廣島)
Day 6 : 宮島半天遊 > 廣島Shopping (住廣島)
Day 7 : 向小倉出發 > 小倉牛lunch > 旦過市場, 商店街, 小倉城 > 吉烈牛晚餐 (住小倉)
Day 8 : 向山口出發 > 錦帶橋 > 返天神放低行李 > 博多shopping (住天神)
Day 9 : 天神shopping (住天神)
Day 10 : 柳橋市場 > 宮崎牛lunch > 搭的士去機場 > 18:15
HKexpress返香港
Day 1-
5月10號起身天都黑晒….轉頭天文台已經發出紅雨警告…好彩出門冇咩雨….去到機埸好大風都有落雨….但唔算好勁~~~
好快咁check in, 寄行李，就入閘去翠華食早餐~~~
上次坐hk express去台中就要坐無人駕駛, 今次去日本就Gate 5xx, 要搭接駁巴士….同上次去台中一樣, 都係坐香港航空既機….
但好慘既係當日香港同福岡天氣都唔好….全程3個幾鐘既機KEEP住都有氣流…Keep住震….個seat-belt燈差唔多著足全程，我其實好驚好淆底….好彩mr.yan係我隔離.,…捉得佢勁實…落機個下真係舒一口氣…但因為個人太緊張有D頭痛, 即刻食返粒藥打底先….
國際航廈落左機，好順利過關，唔算好多人….拎左行李就去搭巴士過國內機場個邊…坐地鐵直去天神站…今次total 住天神5晚，都係住同一間酒店My stays…網評好好…而且都近地鐵站~~仲可以代收樂天貨….最後會寫酒店comments~~
Check in放低行李後….酒店有間食壽司既，即刻食返幾件止止餓先XDD”, 佢個魚籽係滿瀉架….其他都唔錯，打左底就去行街啦!!我地酒店唔使3分鐘路程就有間大既aeon
supermarket….好快咁行一個圈，收12點，返酒店前先黎買….行去搭Subway個陣經過地下街見到好出名既軟雪糕!!!當然要食返杯啦~~真係超正，又軟又滑既練奶味~~大滿足!!!
去搭一個站中州….
行激安，食一蘭…
最後返Aeon再掃一輪貨就返酒店休息啦!!
