第1次笋崗行*

哈哈，笋崗呢個地方... 相信各準新娘子1d都唔陌生....
唔需要我再介紹係咩黎，同點去，大家睇bubibu個blog... 有非常詳盡既解釋!!!!
我都print左佢個blog出黎做天書....正

己經一早同媽咪約左話今個星期六1齊上去....
點知到左今朝落雨..... 冇得上好失望....
兩個女人係屋企又冇野做wor，到下晝兩點幾冇咩雨，決定出發la!!haha

家住新界北上超方便.... bubibu教可以去西廣場搭18 or 61號
但我地係深圳火車站前個bus stop搭左102號....
係帝豪酒店落(前1個站係桂園中學) ，落左車去後行....
就見到個兩座黃色building....

今日既目標係利是封，佈置，想搵下有冇candy jar，玩新郎遊戲個陣既衣飾....
(茶杯，cushion，紅傘個d用返家姐既)

以為落雨應該冇咩人行架la.... 點知都係咁多人....
一去己經見到立興好多人.... 係兩座之間行左個圈.... 又見到鵬鵬....
問左幾間價.... 可能立興好多人，問左50個裝既利是封，開價8蚊
但隔離電梯有檔開價7蚊，上頭set 9蚊... 好la，咁諗住再講下價都ok la
開始揀，點知佢樣樣都話實價，樣樣都冇價講....
雖然ok，但返大陸唔講價.... 好似俾人搵笨咁架嘛....
50個裝既利是封7蚊，50個中紙杯4蚊，d佈置既囍字... 都冇咩價講....
同媽咪都揀得好冇心機，揀左5-6個....
想買花炮既，佢介紹"扭"個款... 3.5一支，但我地之前扭過... 要超大力先扭到....
女仔跟本冇可能扭開，所以要press制個款，4蚊支，ok la，要8支....
點知佢d貨個package係甩晒紙咁... 唔靚，佢又冇新，咁就唔要住la....
最後見到d手花幾靚.... 佢開價8蚊，呢樣終於講到價，成交要左8個
係粉紅色玫瑰(pink wedding) 喔.... 到最後埋單$133，講到口水都乾...
先R到個價值兩蚊既包羅萬有利是封.....

唔係好識講價既jm，可以係呢間"飛雁"買，岩岩係立興對面，電梯隔離!!
佢d價其實ok.... 不過中意講價既jm，呢間唔岩你~~哈哈哈

 

靚靚手花>V<，溫馨提示，本身除左呢隻深粉紅色，仲有隻淺粉紅色既....
媽咪同個sales都話淺粉紅靚d，(但我個人覺得深粉紅靚d)....
心大心細既時候...媽咪就話不如影張相睇下，邊個影出黎好睇d....
好彩影一影咋，淺粉紅色影出黎睇唔到個花形ga...同埋好似變左白色咁....
大家要留意下，除左現場靚....都要影相靚架!

買完呢間，再去立興睇下.... 有冇花炮. ... press制個隻開價$3.5
抵wor... 仲有價講.... 再揀d囍字佈置.... 樣樣都有價講，講得好興奮...
買左3副啤牌... 其實唔知有冇用(家姐都冇買到既) ，不過10蚊3副....
幫我地手既哥哥仔，好好人... 咩都拎.... 咩都拆俾我地睇.....
之後媽咪想買個如意結.... 揀左個中size(返到屋企，媽咪覺得都係細
下次睇下有冇得換) ，中間襯個囍字，襯襯下...
哥哥仔好好話送埋個兩個囍字俾我地....
到最後埋單，再R到兩疊利是封仔~~yeah!! 開心好多....

今日得好少時間，搵唔到candy jar
睇岩到d搞笑bow-tie，個價錢唔岩，下次再格下價先....
搵到檔轉買羽毛筆，但冇時間返去再睇....

另外仲係其他檔買左d balloon做decoration....呵呵呵*

得閒要再去行下先~~最後係商業城買左個頭cool，影相用:P

戰利品大晒冷*

款款利是封我都好中意呀....haha，
紅色個d用黎入帖既，黃色就當日派俾兄弟姐妹
立興送既兩小疊，就派攝影c，化妝c!!
又題外話....話說上網reserach既時候大家都有show自己既戰利品，
我見到其他jm有買粉紅色既利是封，我己經覺得好靚....襯晒我個pink wedding
點知同媽咪講既時候，佢唔俾我買粉紅色，佢話傳統正室一定係用大紅!
佢講明帖&利是封唔可以用粉紅色 (但夜晚個theme wedding又ok wor=o=")
咁好la....佢講明...我都ok~

立興送左囍字兩個+兩小疊利是封，好辛苦先係飛雁R到既包羅萬有....

咭片~

係其他商場，見到人地用pink X white既rose做裝飾波波，好靚喔....