北上飲湯*

難得mr.yan放假，就同佢返左東門行下.....

至於點解話飲湯，因為之前無咁熱既時候，我差唔多隔個week就返去....
d同事就笑話我上面有個男人煲定湯俾我飲(好似人地d阿二靚湯咁XDD) ，
所以就稱呼我返大陸就叫去飲湯啦!! 呵呵~~

不過今篇blog冇咩相睇，大家都知啦
係東門拎個相機or電話出黎唔係咁方便，財不可露眼耶*

其實東門冇大家想像中咁得人驚(定係我自己大膽唔驚?)
因為好細個個陣，呀爸己經成日帶我地返去行下，食下野
大個左，佢都好放心我自己同朋友上去
最緊要個人醒目d，挻起心口行路，唔好縮下縮下，隻眼仔要四圍碌~~
咁其實自己驚覺性高d，都唔大問題~~
人地同你講野行快兩步唔理佢~~~
不過我都衰過1次，就係俾人換左假銀紙....
不過損失100蚊，買個教訓，之後就會梗加醒!!!

今次返上去除左按摩同食野，就係想睇下d婚嫁野，買下俾電話著既新衫....
但我勸大家係大運會完之前都唔好返上去，好麻煩
搭地鐵都要過X光機check袋，人又多又亂，又唔排隊wor...

係東門出左去，新太陽廣場後面，有個叫新2000廣場架~~
個度地下有幾間好似立興咁買婚嫁野.....
我問過d野都唔算好貴，都可以講價~~問過有個長頭紗幾靚~
佢話5m(我估3m，應該無5m咁長) 都係RMB68蚊，仲有價講XDD"~
另外仲有幾間shop可以租衫or度身訂造衫，婚紗未講價前around千幾蚊~~

有得任試，我試左兩條...hehe，但無幫襯，
所以無講價，我估講左700蚊都應該得XDD"~
仲有jm裙.... 好多野~~大家都可以去睇下~

佢俾左咭片，地址:
1.東門(老街站A2出口)，新2000廣場(金莎廣場)一樓
2.東門步行街旺角購物廣場2樓139鋪

之後行東門，買左S2既殼，真係平過Hk好多，又多款XDD"~
再買下其他野，行左百佳買零食~~
返羅湖火車站按摩!!! 好抵架~~按3個鐘連埋tips，每人都係HKD150蚊~~

買左兩個殼，1個$10蚊人仔，1個$15人仔~~
左熊熊手機托，放係公司放手機~~正，人仔$18~~
仲買左直子既新書??唔知大家有冇睇開既呢??
都幾好睇，好得意，反正圖多過字，買簡體字版平好多XDD"~
仲買左lemon tea味既薯片，mr.yan食過話正架wor!!

去dina，多數係商業城5/F小桃源食~~好食~
抵唔抵就一般!! 當然平過HK，我地兩個人左1個天麻魚頭煲(每次去必食，正!)
煎釀四季豆，籠仔海鮮蒸豆腐，2個飯
無加1，但有小食錢(青瓜) ~擺單RMB110!!!! 都可以~~

滿足的一天~~