第1次正式試衫 @ 元朗雅麗* (私)

其實一直都無諗住係HK租衫for BIG DAY用.....
因為家姐結婚個陣，我地全部都係GZ訂造，所以好順理成章地，我都一直打算係GZ訂造，又平又方便，唔使租衫還衫~~~~
不過有得必有失....我地訂造個d，一定無租個d咁誇張，無公主pompom feel個d~~~
而且HK租衫個d size....唔好提la.....我同我fd去試姐妹裙，我fd都算瘦個d....
點知試左好幾條姐妹裙，得1條可以拉得上揀鏈，究竟係demo太細size，還是HK女仔真係咁瘦???(下回再詳講)
所以我都無諗過我係HK會租到~~呵呵

日日同呀菇返工都Msn，終於知到佢約左媽咪去元朗試衫!!!
呵呵，咁我係元朗返工嘛，當然想8掛下....而且咁岩上網睇到雅麗有d大 size晚裝，所以都想睇下係咩野事，一於屎跟住呀菇!!!呵呵~~

呵呵呵~~呀菇(正確係菇媽遲到)，所以glo就獨自一人上左去雅麗先~~
上到去，個姐姐超nice，知我想睇d大 size晚裝就揀左好幾條俾我試
我講明今日媽咪唔係度，今日唔會join住，佢都俾我試....而且全程態度超nicenice!!!!
真係要讚.....菇媽揀衫個part我就skip唔講(等佢自己打blog先XDD)
最後好搞笑既原因，菇無留低睇我試晚裝，反而就係我同事上左黎陪我試，一齊睇^^

趁菇走之前，試左褂一齊睇下....我既size係雅麗得一款小小五福可以揀.....
第1次見自己著起傳統既褂，好開心呀~~~果然我係百分百中國人:P，褂個種感覺同婚紗好唔同呢....
不過講真雅麗d褂，可能大size得1個款，同埋唔算好新淨，唔係好夠sharp，但都ok既~~~試完褂就試晚裝....

佢揀左4套俾我試 - 黃色/紅色/深紫色/紫藍色~~d衫都好新淨
第1套試紅色....本身佢拎出黎個陣，我麻麻地，個pattern我怕好成熟咁
點知呀姐好nice咁講，試左先，望同試上身係兩回事，點知真係，試左上身，真係唔錯，仲要好修下~~~
正!!!感覺都幾中意~~

個呀姐全程係隔離，我著住時偷影唔到，唯有偷影下條裙啦!!

再試黃色，不得了la~~呢條一試就好中意啦!!!!我同事話好靚呀~~感覺唔肥...而且我皮膚都襯到黃色~~~嘻嘻~~好中意呢....

大愛>3<

再試深紫&紫藍色，兩隻色我都麻麻地，但呀姐姐揀到埋黎可以試，梗係試la....不過真係麻麻地~~~

真係估唔到，試條條晚裝都可以著到上身，拉到拉鏈~~好勁呀!!!!!!而且雅麗個package好抵~~~
5套(1平腳婚紗，2晚裝，1褂，1男禮)先$25XX，而家11月尾前join仲可以減500，即係大概$2100左右有5套~~~超抵wor!!!
搞到我都心郁郁想租.....不過婚紗我己經有了(我件the-one，遲下出個post講下先)
所以5套可以既話我想2-3套晚裝，1套男禮，1-2套99衫~~呵呵

突然有變數tim~~~haha，不過我真係join，我11月底前1定會join~~平d嘛XDD"