又整gel甲for pre-wedding- 差!* (私)

影pre-wedding前既動作... 又整指甲XDD"~

同樣地都係買團購coupon!!! 呵呵

今次係銅鑼灣，時間唔算難book.... 去到個地方都好靚~~~

因為之前整gel甲係自己"met"走d甲架，所以個邊崩晒=.=""
同埋有d軟.... 本身團購coupon係做soak off，但因為太肉酸我想延長
個女仔就話soak off延長會好易斷，所以佢suugest我做返hard gel，延長+$80蚊~~

都叫做過幾次gel甲，今次個女仔手勢唔多得，同埋好似搽左1層gel only
之前我記得好似唔只搽1層ga.... 揀色，本身揀左隻淺蝦肉色閃粉，佢話做完會黃
咁我揀左白色粗閃粉..... 其實白色做完出黎都有d黃....
coupon包50粒閃石，但佢話做閃粉唔痴都得
我唔蝕既心態下，叫佢隔住手指痴兩粒~~~呵呵

效果都ok，但手勢真係麻麻，唔貼邊，整得唔靚.....

團購coupon $68+ 延長$80，$148我都覺得ok既本身....
但返去第2日左手食指隻甲己經甩左………………..=o=""，唔掂!!!!! 激屎我.... 相都未影就甩左......

唯有係屋企用閃粉指甲油搽下，希望影相唔覺.....

 

整左唔夠5日，己經甩左三隻，1隻崩左，兩隻想甩..... 差爆!!!

上次觀塘$58蚊好好多, 又靚，手勢好，keep左個幾星期先有1隻想甩..…

整完指甲附近有$12蚊店，行個圈....
之前睇過A4 size相框既話要$25蚊ga (靚d個隻)
點知而家有個新款又靚仲要$12蚊咋，即買用黎整welcome board^^