訂過大禮籃@ 荀崗立興*

本身打算係大埔摩登訂過大禮籃(因為家姐個陣都係摩登訂) ，點知而家加價通脹....
過大禮籃訂既話要$468... 只包紙既對聯.....
 咁其實so far因為地點近，又未算最貴，我都諗住係返大埔訂.....

之後約左同事一齊返荀崗行街(睇家品，得意野)
有blog友之前都係荀崗訂過大禮籃.... 送貨都HK都話ok....
而且價錢計埋運費都平d.... 反正上開去... 就諗住訂埋啦!!!

 

一開始我去左飛雁問價先.... 人仔236，包一般過大禮籃既野，無禮金盒，得4個大利是封
包紙對聯，如果要搵布對聯+人仔30，唔要大利是封要禮金盒+人仔8蚊
最後佢total話人仔268.... 貴!! 又係屎都唔係減價...

 

去返立興問，超pro咁... 己經有張A4紙俾我，列明晒有咩~~
立興都有禮金盒先人仔238，package都係跟紙對聯
可能仲早，哥仔勁好，俾我R到free換做布對聯....

另外見到有d新款利是封好靚，見平平地買埋(正方形人仔7蚊50個)
再買多左d囍字貼(因為之前唔記得24van/新屋都要痴)
我d同事見到我講價話好正，樣樣係咁叫佢減，再最後減......

Total過大禮籃連其他野，人仔260!!!

過大禮籃可以落訂先，收到俾尾數(俾人仔)
運費另外俾HKD courier公司，因為俾左錢費事等咁耐先收貨....
所以明明11月尾先過大禮，我都叫左黎緊今個week送籃黎~~~
最多放係mr.yan屋企je~~呵呵，收到貨再同大家share ~~

 

之後係二樓另1間買結婚野鋪頭，見到有好多透明袋買....
因為過大禮生果籃會由本小姐自己去包XDD"(多謝葵之前送左兩個籃俾我)
放晒d生果，套落透明袋入面，加個花仔貼個囍字就搞掂晒!!!
不過最少買10張，人仔10蚊10張都ok既，我諗HK生果鋪都收2-3蚊張啦..... 正!!