1125過大禮預備篇~* (私)

由於麻麻媽咪都ok跟足傳統過大禮(當然無生雞生豬肉生魚個d啦XDD")
所以我地要預備既野都ok多，幸好我都算樂在其中XDD"，而且媽咪mr.yan都有幫手~~

 

過大禮籃早在10月頭己經係荀崗立興訂&送貨，因為唔係pack好落黎
所以某日我同媽咪就係屋企pack好左(都只係放入籃，擺整齊XD")
之後爸爸有1日就幫我車晒去mr.yan屋企啦!!

 

唐餅因為要得頗多既關係，1早係奇華訂左200個&2盒龍鳳餅，過大禮朝早送去女家^^

 

八式海味，每樣雙份(四包) ，我地買左冬菇(Sogo個隻好好味)
髮菜(奶奶話而家個d假既，唔識買，所以同媽咪係南北行買左，寫明係海藻，媽咪話ok)
另外花膠，鮑魚，元貝，蝦米，螺片，蠔豉就係奶奶買既~~~呵呵，超豐富

奇華箱就係奇華free租4日3夜，按金$800

 

禮金盒- 立興過大禮籃set包埋，入面會放d 西餅咭，金器，禮金，包羅萬有利是& 扁柏
由於有太多唔知咩咩咩利是，為防甩漏，我地1封包羅萬有KO晒!!!
扁柏街市花檔/d婆仔會有得買架!!我d扁柏係家姐澳洲屋企門口有幾棵扁柏樹，叫佢擇返黎，有籽架!!正

 

八式生果，有葵葵俾我既果籃，我地就自己買生果砌....
媽咪1早幫我地買左美國大紅石榴，家姐係澳洲又帶左超香甜大芒果~~所以我地買6款就夠!!!

一田減價，本身諗住去買長柄士多啤梨架嘛，點知去到大埔賣晒
我地買左日本蜜瓜，富有柿，巨峰提子，長野蘋果.... 其他就唔岩心水
就去觀塘吉之島買左黃金梨，另1款既美國士多啤梨!!!
超多超重(蘋果，梨個d樣樣4個，仲超大size!!!)

好彩mr.yan臨時放到假陪我，如果唔係我邊拎到咁多野=o=~~~會重屎我!!!

加埋紅酒2支，就pack好生果籃lu~~

P.S. 有d人話過大禮生果唔可以要橙，西瓜(有個瓜字都應該唔得) ，梨....
但我呀媽話無所謂，最緊要d生果好食worXDD"~
而且我呀麻指明每籃擇回禮都要放橙&利是.... haha，所以我地無跟....

 

至於女家回禮，由於奶奶要求簡單，所以我地只係預備左有芽有泥靚蓮藕(媽咪一早係街市訂)
無要到回禮包set，只係買左發包& 10個煎堆碌碌~~賀帷巾
再加回禮包羅萬有利是，奶奶利是，爺爺利是，女婿利是，就完成lu!!!