回到未嫁時❤婚前的一天 29/12/2012

雖然話好多野我可以預備既一早就己經預備好整好晒...
但其實婚前兩日真係好多忙，好似仲有好多野要預備~~
我地只會係兩個地方租衫.... 1邊係元朗租晚裝，奶奶衫，家姐晚裝，男禮
另1邊係旺角租褂~

幸好元朗租衫真的很好，讓我婚前兩天取衫，唔使最後一日周圍走
所以婚前1日，媽咪一早去左做facial，之後join佢出左旺角拎褂，
inal試一試上身，無問題放低按金尾數走得....

再去花墟買頭花，因為我最後決定大部分造型都會用鮮花代替頭飾....
29號成日都落雨.... 我地都好擔心，但無法唯有一直暗暗希望在明天~~~

同媽咪揀&買左好多花呢.....
褂頭用既小紅玫瑰，胡姬蘭，紅豆子
兩種唔同顏色既繡球，葉上花，桔梗，紫玫瑰，小牡丹~~~
買完返到屋企差唔多5點lu~~媽咪好累訓一訓，我就繼續執埋最後物資，整埋個seating plan !!!