甄太的第1個情人節~~

2014年係同mr.yan渡過第9年情人節lu~~

由於佢成個新年淨係放14號(唔係特別request架wor)
所以我地一早己經諗定節目，就係返娘家拜年啦XDD"~~haha

 

拍拖咁多年，1次都未情人節收過花..... 同mr.yan暗示左好多年架喇XDD"
一直都無反應，今年有埋自己既屋企，我仲同佢講....
唔一定買一紮既，買幾支返屋企插下都好呀.... 佢無理我=o=""

 

情人節..... 同同事出去食lunch仲話無花收，所以要買棵風信子(勁靚又香) ~~

大概3點幾有條友打去我手提話送貨，問清楚我公司地址....
仲諗緊有咩送貨會打去手提，點知轉頭又打黎
第1句: 我地送花架，你公司地址係點去..... 頂.... surprise無左………
不過果下…….num到呢~~

 

轉個頭reception就打電話叫我去收私人件lu~~嘻嘻嘻.....num屎我啦......
估唔到做左老婆後反而有花收....hehe，紮花好靚靚呀!!!!!!!!!!!
 最愛既紅玫瑰，而且個紮法勁中意，好中意個d一圈圈草呀!!!!!!!! 我
問mr.yan係咪指定左咁樣紮... 佢話有幾款，一係分開晒一支支玫瑰，再中間插碎花襯花
一係就group埋晒再襯，佢揀左group埋，老公真係知我心水!!! 大愛~~~

今年有花收，有禮物(知我腰痛買左按摩機俾我:P)
有情人節咭，有蛋糕(朋友拜年送既) ，有甜品(老公整既)
好幸福快樂喔!!!