DIY-thank you card for 姊妹s

當日姊妹團咁幫得我手....當然要送返小小心意俾佢地多謝啦!!!
除左韓國手信外，每人我都整左張咭~~~
買左咁多材料，當然要用下啦!!!
不過由於工具有限...所以都係簡簡單單咋~~希望佢地中意啦


 

甄家新抱第1次回鄉~~

haha，一直以為自己有打過呢篇blog，但原來無.....
係未嫁俾mr.yan之前，爸媽好似唔多願意俾我跟mr.yan 鄉下，去旅行又ok wor~~haha
嫁左後，當然要跟夫家回鄉下啦!!!

我地3月去完北京返黎第2日，又即刻再北上過~~~
因為甄家新抱終於第1次跟夫家回鄉呢~~~~
老公鄉下係開平，我地係太子個度坐旅遊巴返去，都要差唔多4個鐘~~
8:30車，返到去都差唔多1點~~~

上車要痴貼紙架XDD"

❤Happy Ending❤ 婚享lu~~❤

Wow~~~

係結婚後3個月內，己經完成晒所有婚享+ vendor review~~

籌備2年既大日子，真正告一段落了....

新生活亦開始左差不多3個月.... 有所不慣，但亦好期待&感恩...

跟mr.yan一齊多年，雖然之前未一齊住過，但d習慣大家都好夾到既~~

嘻嘻~~

 

係度多謝曾經係網上婚享過所有既b2b，亦好感恩因為結婚識左d朋友!!

之後既blog都係我地既旅行遊記，所碎事，DIY，煮飯仔咁~~~

各位b2b，jm加油!!!!!大日子當日只係1個開始~~之後既婚姻生活先要用心經營!!

Vendor review - MUA Connie Szeto@ 囍Couples

大約婚前1年3個月我就confirm左connie做我既MUA ~~
當時覺得佢化妝ok，不過頭髮未夠長，當時時間又唔太夠，set頭覺得仲有得改下.....
家姐之前結婚都搵同shop既Jessica做MUA，因為佢可以婚前1個月final再試頭，所以就join左
我就搵connie，媽咪家姐就搵Jessica，姊妹佢地就會有助手~~

到婚前1個月connie因為有事唔係HK一個月，我都好擔心無得試頭....
最後佢suggest，搵另1個MUA (Ling )幫我試頭
如果ok既話，Big day，就一個化妝，另1個set頭.....
試左又覺得唔錯wor .... 咁就照去lu~~

 Big day當日，因為有兩個MUA，所以無助手，佢地分工幫我(新娘)  & 3個姊妹化妝set頭
佢地話預多d時間，5點就到左我屋企lu~~叫左第1個姊妹5:30到我家姐....
我化妝既時候，set頭既ling就幫姊妹化妝....
婚前幾日我己經溝通晒同Ling點set頭，買咩頭花....

佢地分工d時間好夾... 而且又快手.... 我預算佢地8點前KO晒就得
點知新娘我7:30就搞掂晒，仲可以周圍影相，周圍搞搞震
另外3個姊妹都係8點前完成lu!!

著數左，有MUA幫姊妹化妝....wakaka
朝早姊妹話我既褂妝好似淡左d，我自己又覺得ok
因為褂己經好紅好搶，我唔需要太濃啦~~

到夜晚轉頭化妝，其實有多個MUA真係著數左.... 入房d時間好趕...
每次一入到去化妝既connie就會即刻幫我除晚裝轉晚裝，一路整既時候
呀ling隻手就不停係我頭度拆呀拆.....
到換好衫坐定定，呀ling set頭，connie就補妝 +帶首飾....
令到我係新娘房既時間快左好多.... yeah ~~

夜晚同左connie講要濃少少，可能我自己慣左earth tone色
佢用黑灰加深，有d唔慣，但都ok既....
set頭呀Ling都好快手，因為我面闊唔可以set晒d頭髮上去... 限制多左
而家好興扭辮仔，set到好浮誇，呀Ling都無既....
簡單為主+鮮花裝飾，我d姊妹都話好，好come睇
希望過多幾年睇返都唔覺out啦XDD"

 至於媽咪家姐佢地搵Jessica做MUA，媽咪勁like佢個妝，
因為之前家姐結婚，非視覺影結婚相，幫佢畫眼線，都令到佢無咩眼白
影相好似無左隻眼咁，佢唔中意，今次jessica幫佢化個妝
令到佢好sharp + set頭好elegant，佢好中意呢~~~

 3個MUA，而家係3間唔同既公司架~~~ haha，唔知仲以為我join 3間好貴tim XDD"

 

Vendor review - 晚裝男禮@元朗雅麗

一路都無公開講過我租晚裝既地方.....係元朗雅麗，9分呀!!!

因為婚紗會著返家姐結婚訂造個套... 所以我只需租3套晚裝for迎賓，敬酒，送客~~

另外mr.yan租1套白馬王子，奶奶租兩套旗袍，家姐都租左兩套晚裝

結婚1年前己經confirm左係元朗雅麗租衫，因為有我size，款有我中意既公主泡泡裙
試衫轉款方便係元朗返工既我，最重要係雅麗姐姐service真係好好....
未join之前都俾我係咁試，又會主動揀款俾我，join之後任試，
有兩次轉款機會, 每次都會任我試~~
而且係雅麗租衫會包晒首飾頭飾披肩鋼紗..... perfect!!
Final fit個陣會襯埋披肩，首飾頭飾，姐姐好好，因為媽咪係自備衫，但佢都肯借多套俾媽咪

拎衫個陣8套衫佢會1個大o急pack好晒，就用個透明工具箱，裝好晒d首飾頭飾飾~~
都唔算好倫盡..... 因為我婚前1日好忙，問下佢可唔可以婚前2日拎衫
佢check過有期都肯俾我早兩日拎~~太好!!!還衫都係拎出黎check下睇下~~~

8套衫租左幾多錢??? 超值超平!!!5k有找~~~當晚都好多guest讚我d晚裝耶XDDD"

我係揀左以下3套晚裝~~
桃紅晚裝，係第2次轉款個陣見到佢....桃紅+bling bling+心形胸，
mr.yan話我未試己經決定轉佢咁，試左梗係揀佢啦!!!!大愛，所以迎賓最多影相位著~
奶奶著閃湖水綠旗袍~~

紫色晚裝，for敬酒，好修身，而且上半身好閃，後面有大蝴蝶，岩晒敬酒唔同角度影相~~

送客，閃黃色晚裝，呢件黃色第1次揀左之後無轉過lu~~初初打算迎賓著，但有桃紅之後，就轉左送客著~~
好靚+ 皇冠造型，超公主....當晚大家係話我似beauty and the beast (mr.yanXDD") 個呀belle呀~~wakaka

mr.yan既白馬王子男禮，本身有跟白褲，註冊個陣成套著晒，送客就換返件白色外套only~~
奶奶絲yong深紫旗袍，影到佢好修身(本身就瘦=o=)

家姐租左兩套，不過呢套佢好中意，所以另一套無咩影相ja....淺銀灰色，好靚又岩晒佢身份!!!

Vendor review - 裙褂@金都金百利

因為媽咪對褂有d要求，我又唔係咁容易搵到合適既....
所以褂都搵左好耐呀...
冠南華又真係太貴，鴻利又唔太fit，永隆個d媽咪又唔岩心水~~
榮華個d本身都ok，不過太海鮮價，媽咪唔like褂龍鳳既眼係綠色.....
最後咁岩係金都1/F金百利，見到係黑眼晴，又試岩size，價錢又ok，咁就confirm左~~
返屋企上網search過，又無咩comments .... 都有dd擔心既，因為人地話金都多黑店嘛~ :P

到婚前1個月final fit ..... 係啦，人地婚前會瘦，我就相反.... 好彩可以換size XDD"
有compare既話，套褂當然比唔上冠南華，但淨睇我套褂，都超新淨，夠sharp又靚!!
當日好多人大讚套褂，當然襯埋個褂look梗靚啦!!!

Vendor review - 方鎮光律師

註冊律師，方鎮光律師
7分，不過唔係扣個律師，係扣左係之前做documents既秘書小姐度!!

我12月大日子，都係同年1月先book，因為我個期都好旺...
我揀左5 :30註冊，希望唔好入席前太趕，而大家都會好focus我個註冊moment ~~
好多出名既律師5:30己經無期/再唔係就太貴，本身諗住book葉謝鄧....
但老公唔中意，佢話佢地成日賣廣告專搞divorce，佢話唔好意頭wor,
[book左既b2b唔好介意，我老公個人想法only]

(幾時變得咁迷信架，不過又好彩係.... 因為之前去朋友結婚
搵左葉謝鄧，聽到人地既3姑6婆真係咁講wor…..=o=””)

book方律師之前上網其實無咩佢既comments ~~
但因為朋友book過現場睇覺得幾好，就相信朋友，直接book左方律師...

到大日子5:30證婚，因為一直係新娘房入面....
問左老公，律師around 5點鐘就到左，仲同MC傾左幾句，又同老公rehearsal過d程序....
因為之前我講過話要莊嚴&簡潔，方律師完全做到!!!
咁亦都多謝我既親戚朋友，佢地無喧嘩，又停左打牌XDD"
進場後，我地上左台，方律師簡單介紹左註冊既程序: 宣誓>交換戒指>簽名
就開始為我地進行註冊，step by step，無甩漏無讀錯!!!
到我地簽晒名後，就keep返個輕鬆氣氛，再叫我地錫錫!!!
好好，成個程序好smooth .... 禮成!!! haha
握個手多謝方律師，就開始影相，同唔到佢講拜拜lu ~~

咁提一提各位b2b，因為而家有多種唔同既註冊程序
有d係講左我願意先，再讀誓詞，有d就係讀誓詞個陣
律師企係背後，佢讀一句，自己跟住讀一句….因為我自己緊張唔想講太長
亦唔想我跟律師一句一句咁讀(咁樣所有註冊既相都會有律師企係側邊，避唔到)
所以我係選擇自己跟誓詞咭讀，一來望住咭唔會讀錯又有d安全感
讀到老公個名/中間部分就望下老公，另外d相就全程只有我地兩個!!!
最緊­要同律師溝通好!!!

可能個晚太忙，律師又有下場掛，我地竟然無1張同律師既正式合照，唯有呢張啦!!!
haha^^好多謝方律師呀，真係做得好smooth好好~~

講返扣份位，搞到我擔心左一排,

話說打電話黎同聯絡約時間既小姐.... 第1次打電話俾我....
我最初係book左5:15-5:30開始....

佢就問我.... 有冇得改時間???
可唔可以6點/7點後..... 我己經一口拒絕....

我都明白佢當然想盡量安排好d時間，賺最多單啦....
但時間己經定左，reject左就算.....

約左簽文件時間，佢就話會double
send email confirm

點知到我收到email confirmation之後，我見到佢寫時間係19:15.....

我第1眼諗.... 唔係駁我睇唔到呀fa??? 咁明顯既錯誤??

算.... 我都即刻send email & 打電話返去... 話寫錯時間...
點知個小姐又繼續遊說我改時間....

個下即刻火起.... 有冇搞錯?? 己經講左唔得.... 點解不停問，我話我帖都印埋....
無得改.... 之後佢大我.... 話可能驚到時律師rush.... 我
咪答返佢.... 你地唔係安排好架咩bilibala….

到之後上律師樓，見到黃家興律師，一入去就同我地say
sorry... 話
可能聽電話個同事唔識講wor.....
叫我地放心.... 方律師一定ok....
咁好開心最後真係好順利無問題!!!

Day 5- 足浴按摩> 返HK lu @Beijing 2013

最後1日，由於我地坐3點零機返hk，食完lunch就要走....
所以都無咩行程...
食完早餐，我地就去左咩國家運動員專用地方，包按腳1小時~~
haha，估唔到又係sell野既地方....
我團友又被佢地sell到=o="""

我地只係額外+修腳，盛惠60人仔~~~
按完去lunch，就到機場~~~
返HK lu~~5日時間過得真快....

平團搭cheap機都預左...6位細機
3粒鐘有氣流，超鄧勁辛苦....慘過澳洲坐8粒鐘
又訓唔到食唔到....只想快d落機...=o=

Day 4- 同仁堂> 南鑼鼓巷> 頤和園> 大董烤鴨, 簋街@ Beijing 2013

今朝一早又係購物點~~同仁堂!!! 原來係王府井度，我地之前個晚有經過都唔覺呢XDD"
搵中醫睇下大家，再sale下.... 點知健康呢樣野真係好易中招..... haha
因為成日捱夜+肥... 所以都知自己個肝唔好
買左1個療程既中藥，希望有幫助啦!!!! 我都要開始keep返個身體
保養下預備for little glo or little fai XDD”
另外受奶奶所托，所以買左最出名既安宮牛黃丸
其實同HK賣一樣價錢
不過團友話HK斷左貨wor，唔知啦奶奶話要就買!!!
另外再買左d茶.... 同樣都係保健!! 財散唔緊要，最緊要身體好!!!

 

之後就去南鑼鼓巷!!! 係條好有特色既工藝街(即係有野買!!!)
但只俾30mins我地………一開始就衝呀衝呀.... 買左d野，但30mins真係超唔夠
購物點勁耐，但真正行街就30mins... 唉..... 最後仲俾我發現有眨石賣!!!!!!!!!!!!
仲要係寶樹堂價錢既10分1~~~大家都dump晒心口~~~好彩我只係買左1條手鏈(算少野，其他團友手鏈頸鏈杯)
我唯有買返多幾條，balance返，送俾爸媽XDDD"~~

北京的藍天呀....

Day 3- 明十三陵> 萬里長城> 寶樹堂> 鳥巢,水立方 @Beijing 2013

食完早餐，就去購物點..... 睇玉石.... 我地d後生... 有興趣不過價錢太貴，齋睇XDD"
而且食水超深，話說有1棵提子玉石既擺切，賣人仔550....
點知一模一樣之後係mr.yan既鄉下鋪頭見到，賣人仔115咋...... =o=""好彩無買!!!

 團友都有少少幫襯.... 就出發去明十三陵lu~~~
又一個自費項目.... 之前去過.... 其實.... 未去過去睇下都ok，去過再去就…..
其實無咩野睇XDDD"，不過全trip唯一遇到風沙就係明十三陵.... 唔算好大，未帶口罩XDD"

不過望遠處真係見到d沙被風吹到一轉轉咁....
係上車地點己經有好多檔仔等緊我地，賣紅棗，柿餅等....
因為北京真係無咩手信買，試食過又幾ok我地買左俾屋企人啦~~呵

十三陵唔俾mr.yan係入面影相~:P

Day 2- 國家大劇院>故宮>國家體育館>天壇>王府井@ Beijing 2013

跟團一定好早morning call，差唔多日日都係6:30/6:45...=o=""
幸好同mr.yan都唔算係超懶床的人... 呵呵
每朝酒店食自助早餐，都ok既，有中有西....

 第1個景點係外觀國家大劇院... 影下相，本身有得行下天安門廣場....  

 

 

Day 1- 自費涮羊肉>世貿天階@ Beijing 2013

wakaka，今年真係驛馬星動~~yeahyeah...
離開了工作差不多4年的公司.... 雖然十分之不捨...
但也十分期待未來... 在未搵到新工之前..... 暫時辛苦mr.yan啦...

 

辭職後當然想去個旅行，又差唔多係mr.yan生日...
但因為要去honeymoon，所以只能揀個平的地方去....
原打算去長隆玩兩日，但每人也差不多要1000蚊... 貴=o=

相反去北京仲平，反正mr.yan之前都話想做好漢!!!
格過價，最平東瀛遊，團費只係$1089咋!!!!
加埋雜費 + 自費活動都係HKD 2500左右1個人~~
有飛機搭，住4晚準5星酒店，周圍玩都真係抵到爆!!!!

 

 之前未試過同mr.yan跟團去旅行，haha，第1次好新鮮呢...
中午12:30機，跟團要早check-in，一早去到，食左m記早餐
仲可以周圍行下d名店tim~~~坐cheap機，要搭無人駕駛列車，再行到老練咁遠上機
6坐位細機，有氣流都坐得唔係舒服，又無電視睇....
3個鐘就到北京lu~~~

未有想像中凍.... 坐車出到去第1站，就係自費dina(全trip唯一一餐自費)
放低我地係秀水街，無咩好揀，大家都揀左打邊爐，食羊肉牛肉，
好好味wor，每人獨立一鍋
我揀左tomato湯，mr.yan揀左麻辣，佢話超好味超正!!!!

 

食飽行左個圈.... d手信/擺切開價超貴，完全唔想還價幫襯.....

 之後再去天貿階梯，就係頭頂，有個超長既LED mon
但無咩野睇..... 落車15mins影下相就返酒店lu~~~
 

酒店住北五環，出市中心都要40mins左右，幾遠，但乾淨，又夠大~~lobby有wifi!!

 

 

Vendor review - Amazing Grace 星映傳情

一開始book到呀Grace己經放心晒，當日對佢真係讚不絕好!!! 真係好放心交俾佢~~
2P1V, 攝影係Grace + 阿豪，video係阿全
package會包成長片段.... 雖然都係template野，但主角係自己真係好好睇XDD"
而且佢個template都算幾cheerful.... 唔算好娘野... 我覺得好ok!!!

雖然事前無開會溝通過.... 但當日呀Grace都做到晒我想影既野~~~
Package 時間係8:30-11:30, 本身中間係book埋註冊，但最後我揀左酒樓註冊，所以變左去外影~~
阿Grace差唔多跟足全日，而阿豪+阿全就外影時同兄弟返左shop整朝拍晚播!!

8:30am，阿grace話驚我住村屋唔識到，預早左.... 佢7:45己經到左我屋企，幫我影下snap.... 

而阿全+阿豪就8:30先影兄弟，再到姊妹....
所以兄弟等我地拍片個段時間.... 係度話太凍等左好耐wor~~haha

全程影相都好落力架佢地3個.... 花車都影左好多(當然我地都有時間既) ~~
我好中意呢張相，笑得好開心，超自然!!!

係女家有我大姨媽幫手講吉利說話.... 去到男家個陣阿豪&阿grace就主動波講晒d吉利說話~~勁好....
佢地其實都好pro，當日係男家拜神既儀式，全部係grace教奶奶&我地~~
之後斟完茶，有時間抖一抖.... 佢都利用我d金器同我老公影下相

落去食飯個陣，係lift口，係信箱都唔放過每1個moment~~~
真係feel到佢好用心幫我地影低每1個moment!!!

外影揀左觀塘海濱公園.... 只有Grace幫我地影相.... 超落力!!!
而且佢好識分配唔會話淨影姊妹忘記兄弟，但又抽到時間淨係影我地倆小口子....
1個鐘真係好快就過左!! 

夜晚，呀grace除左影相外，仲幫我統籌晒d影相次序，問題，仲有幾時換衫化妝既時間.....
真係好好..... 知道註冊後無咩人影相，都叫我盡快換左迎賓時....
高峰期7點好難換..... 佢有私家mic，大聲安排XDD"~而且有時影得多女家
又會叫爸媽休息下，男家上台.... 之後即場派相由6:30開始到大約敬酒前.....
因為有男家親戚6:30前影左相，以為有點知無..... 唔知呀grace幾時知道XDD"，我8:30進場後....
即刻叫我上台補影返，好識do!! 敬完酒叫我影兩相要快d換衫
因為如果d賓客開始走我先去換送客就少左時間影相!!!趁我敬酒/送客換衫時....
逐圍賓客問有冇人影相.... 到我換完送客衫就MC開咪逐圍叫，完全無影漏人!!!!
勁正，影晒先再出去送客，夠晒時間!!!

最後我自備左好多道具俾guest影相... 佢都唔放過，逐一同我地影返晒先....
影到我地嗌夠晒，台都拆埋... 11:45先收工!!! 真係好多謝佢地呢~~~

 另外我地加左朝拍晚播，睇個陣我睇得好開心....
佢地真係cut得唔錯，因為班兄弟跳舞奇差，但cut到佢地跳得好正咁~~~
我d姊妹都話正!!!

不過影相好唔好好主觀的~~amazing grace d相係ok的
但如果你話中意玩feel，moody d，特別d.... 佢地未必適合，
但一般要影standard, snap佢地完全無問題!!
絕對推介!!

 

另外加錢要埋即場派相，佢地會有額外一隊crew架，所以影相時有standard photop,
Snap
photop & 派相photop，有助手幾個，佢地係會帶埋printer黎即場印相.....
影相時我會舉手指同助手講要晒幾多張... 影完助手就會派咭仔俾guest
咁guest就拎咭仔去小booth度拎相就無問題，完全唔需要麻煩兄弟姊妹!!!
而且印相前，佢都影左幾張demo俾我睇過無問題先開始print俾guest!!!
正~~當晚包180張，岩岩用晒wor~~我自己無count，總知個個有份就無問題啦XDD"~~

當晚派相::::

Vendor review - 鑽石山聯邦皇宮

收齊晒相正式開始我個vendor review!!
好感恩整個婚禮過程非常順利，沒有遇到不好的vendors....
由於花球，車花報置(媽咪整) ，主花車(兄弟借)，candy corner (100%自己搞掂)
所以以上項目係無vendor review架!! 留意留意:p~~

只係憑自己親身感覺&經歷，作小小的婚享~~

第1個當然係我大日子既地點!! >>鑽石山聯邦皇宮!!!我俾10分~滿分!!

 有留意開我blog既朋友，當然會知道其實鑽石山聯邦都係早兩年我家姐結婚擺酒既地方
兩姊妹揀埋同一個地方當然係好啦!!!
地點係鑽石山，地鐵站上蓋very 方便，好多bus都途經，所以絕對唔會話好難去/搵唔到!!!
而且商場有戲睇有街行有機鋪打機有大型supermarket有電器鋪....
好多地方打發時間，唔怕朋友睇完證婚無野do呆坐等入席!!

環境- 高樓底(酒樓黎講真係算高架啦)....
而家好多酒樓我老公企埋backdrop都遮左少少字架.....
而且大水晶燈都very有氣勢，爸爸超like!! 

係台望返台下既感覺~~

加上場地係6角形，能夠集中賓客係中間(太多圍數總有少少係側邊無法)
因為試過去飲長方形既場，坐最後，真係有被忽略既感覺....

因為屋企擺過1次酒.... 所以都對場地有所認識
而且家姐上次擺酒係有少少不足既地方
(侍應每次斟酒俾客人都1杯滿，所以家姐唔夠酒&其實好多都飲淨係杯，waste左)
但今次反映左之後.... 當晚確實無咁大杯酒!!!
最後還有酒淨~~真係有聽意見，good!!

大日子前每次落訂都explain得好足，而且我地有少少擺圍數既要求，佢都滿足我地....
因為原來訂20席.... 最後加到27席....
爸爸唔想擺近門口位，佢都開左個小偏廳放3圍~~good!!!

 食物方面，就係因為家姐擺酒個個都話好食，所以book返(好大原因，擺酒都係想人請得開心好味je)
咁個晚我既同事，親戚feedback返俾我聽，真係好好食，而且夠大碟，12個人係夠分的!!!
佢地係主動同我講，吾係我問架，所以應該唔會係大話~~呵呵
有個同事話連d橙拎返屋企都好食~~係sunkist架XDD"~
另外經理都提議我將個沙律卷轉蟹夾，只係加少少錢!!
唔會強迫~~我有加到，當晚食左半隻真係好好味!!!

而家興無翅婚宴，有d酒樓要轉燕窩or其他要加錢，但聯邦係唔需要加錢
可揀翅/燕窩，我地揀左燕窩，又係好好味!!! (留起左夜晚回家食左兩碗XDD)

入門位::

recpetion:

相簿table +有位掛起我張大poster~~好多朋友都有係呢個位影相XDD

有架俾我放我張seating plan~~

my candy corner:::

BD當日，係台上一定會有waitress係我身邊照顧幫我拎衫尾...
扶上扶落.... 但入新娘房就無(我自己都無咁既需要....)
因為我5:30係酒樓註冊，之前1路係新娘房化妝
但我4點未夠去到酒樓，己經掛起左nameboard (自己提供的) ，鋪左blanket & 排chair~~
兄弟姊妹既MC都有同經理開左小meeting講下當晚既程序，當晚既歌&碟好順利播出!!

經理侍應主任服務都好好，我地27圍，經理話around會有25-26個侍應....
再加經理主任，我d姨媽們都話佢地好好service，唔hea....

另外有1樣要大大讚!!! 話說我DIY既menu.... 自己對過又對...
都發現唔到問題..... 直到酒樓員工幫我逐圍放個陣.... 發現我漏左個送.....
應該8個送，我打漏左個.... 變左7個....
本身佢地話用返酒樓果個代替我既，因為意頭問題，一定唔可以用7個送...
幸好媽媽幫我口(我係房咩都唔知) ，佢話menu係我DIY，唔可以浪費我個心機....
又好彩我個menu係做左個壓花folder.... 再入埋攝張menu紙..... 酒樓佢地就幫我print埋張menu紙
逐張cut返攝入folder!!! 真係唔該晒多謝佢地.....
我個menu做得好辛苦架~~我好中意架(但最後無提醒兄弟姊妹幫我keep返，無晒><")

到最後埋單，都只係問一句服務好唔好，我地放低個數，都無再R~~
而且仲搵員工幫我地搬物資去停車場，唔需要麻煩兄弟~~
酒樓有包回門乳豬，第2日去拎，超香脆!! 正

有讚有彈.... 其實都無咩.....
講場地靚唔靚，當然唔及而家新式好西化既酒樓個d啦....
但book左場地到擺酒兩年，都見到佢地有加到唔少設施既....
backdrop 加左d吊飾，門口有個rose頂.... 結婚蛋糕dummy都換左，又多左d 電視機~~~
不過唯一美中不足既係個stage係鋪red blanket....haha
其實backdrop佢有中式有西式.... 但西式chiffon襯red blanket 係完全唔襯!!!!
好彩有葵葵送贈白色毛毛blanket 俾我，咪我一定會花少少錢鋪左佢..... 個feel當堂唔同晒架!!!

兩種唔同color 既stage係咪爭好遠呢??