Day 2- 國家大劇院>故宮>國家體育館>天壇>王府井@ Beijing 2013

跟團一定好早morning call，差唔多日日都係6:30/6:45...=o=""
幸好同mr.yan都唔算係超懶床的人... 呵呵
每朝酒店食自助早餐，都ok既，有中有西....

 第1個景點係外觀國家大劇院... 影下相，本身有得行下天安門廣場....  

 

 

不過我地揀中好日子，人大開會
所以封左，所以我地係天安門影左相!!

 

就開始行故宮lu~~ 北京天氣都好好，未有新聞所講既大霧。
對上個次黎北京係奧運前，所
以太和殿封左維修，今次終於見到，好宏偉呢..... 

不過真係好多人，而我地祖國人既素質仲係好……差!!!
所有沿途影相d人唔會理，睇咩都要被迫被推撞，隨地吐啖....
仲有團友見到有小朋友就地開大=o=""，好的景點都破壞晒.....

只係行中軸線，天安門→午門→太和殿→乾清宮→後花園
都行左3個幾鐘..... 都幾累~~~之後就去lunch團體餐!!

 再去國家體育館，睇下d金牌，姚明d衫，波鞋，劉翔個欄咁XDDD"~~

my'sfoot VS 姚明'sfoot

之後就自費活動去天壇，天壇我都係第1次去咋~~~好大風....
不過又真係好靚，不愧為北京地標之一!!

 

 跟住就去睇溜冰雜技show，夜晚就去dina....
因為跟團唔會去王府井，所以就同另1pair團友一齊出左去行下
黎到北京點可以唔去呢??? 好多街頭小食呢~~~
王府井小食街仲好多野行
不過去到10點差唔多收lu~~極速行一圈就要散lu

諗住搭taxi返酒店，導遊都講左要around 100蚊，同埋好難搵車.....
真係好難搵，而家搵親都係黑的
要講價.... 最後個女司機我地嫌貴諗住問過第2架，
佢... 即刻搶住去同個司機講.... 等個司機開我地仲貴價，俾個女司機接………..
double200蚊先返到酒店
不過好彩係佢識路lor (我地住個度偏遠) ~~
算啦，4個人share ... 又1個happy day !!!

是日係mr.yan正日生日tim ~~~呵呵呵*V*
跟團去旅行正日有鮑魚..... 面送tim架~~仲有生日咭都有幾心思XDD"