Day 8- 荷蘭: Keukenhof花展, 風車村, 木屐廠, 鑽石廠@ Honeymoon 2013

今日係4月30號，係我地結婚4個月既日子，亦係荷蘭既Queen’s b-day!!

德國既早餐，係咁多日之中最豐富!!! 有好多salad料，又有panmaham
又有煙三文魚，又有酒，coke，好多唔同juice揀，超開心，食到飽飽~~

今日向荷蘭出發!!!! 朝早坐約3個鐘車
就由德國既科隆去到荷蘭既阿姆斯特丹!!!!上網search blog既時候，我己經深深中意左荷蘭呢個地方
因為d tulip，木屐，風車真係好正呀~~~再search埋queen's b-day
就見到呢個國家既人民係幾咁高興一齊去慶祝自己國家既女皇生日...
我地國慶只會開心係有日假放，可以訓晏d咋XDD"

不過都有d擔心，因為話呢日會封路得好緊張....
問導遊佢話我地既行程主要係郊外，所以唔大問題~~
去到荷蘭係車上己經見到一遍遍橙海.... 勁正，又係食個lunch先~~~
食飽~~~就先出發去花展lu~~

Keukenhof花展，係全世界其中1個大型花展之一
除左有tulip海之外，仲有好多其他唔同種類既花花
仲有櫻花，水仙，百合....etc
呢個亦我揀4月先去honeymoon既原因之一，我好想去呢個花展呀!!

入到場勁興奮~~~不過因為今年3 ,4月仲好凍，我地今日凍到仲著緊羽絨!!
所以有d花花，特別花海係未開晒.....
但其他花圃，花天花地，就黎要up返中學個篇"花潮"先形容到!!!!
真係靚到嘩嘩聲.....

河既對面就係花海啦!!!

最重要呢度係無龍友!!! Hk既花展.... 一來無咁大型
而且大部分都俾d龍友坐係度蒲住.... 我地其他人完全影唔到.....
所以心情真係highhigh~~~
最後仲買左d手信, 紀念品~~wakaka

 

睇完花展，就出發去風車村lu~~~

 

成個風車村係遊客區，有芝士廠啦，木屐廠....
去到先去睇木屐點樣制作，再去試埋d芝士，就自由活動lu~~~
d芝士好好味，不過羊奶cheese我頂唔順，最後買左original牛奶cheese, 煙芝士
同埋荷蘭好出名既waffle~~好好味架!!!
仲周圍影相，今日又係好好天，不過其實超凍超大風... 好開心，d相好靚呀^^

 

本身個團去左花展，就會唔去遊船河&鑽石廠....
不過導遊.... 想我地睇多d，話帶埋我地去鑽石廠wor~~~haha....
去到簡單介紹下，鑽石廠話佢地最巴閉係有專利既121面切割~~~
之後就拎d石出黎俾我地睇下..... 30分，50分，一卡我地都一般咁.....
最後佢拎左粒....wow...堅大粒出黎，唔記得佢話有幾多卡啦
但呢粒石值百五萬HKD，我地個個拎上手睇下影張相....買唔到有幅相都好呀....wakaka

黃昏，雖然個天仲好光，我地入返城去食dina lu~~城入面仲開緊party
仲好多人~~wakaka，好想去見識荷蘭既紅燈區，不過當然無啦~~~

連荷蘭街頭都有中文寫明~~
不過可能我地去遊客區，又唔覺得太danger~~

 

今晚住Hotel Ibis Amsterdam~~~Ibis d hotel真係唔錯
我地之前去singapore都係住ibis，有free wifi，
而且holland周圍都係free wifi架，勁正去到邊都search到黎用~~
花展，風車村，餐廳都有~~~係酒店出面仲見到好多兔仔，超可愛呢~~

 

Day 7- 德國: 萊茵河船河, 科隆大教堂@ Honeymoon 2013

全程trip，除左意大利&巴黎外，其他地方都係留一日走馬看花...
不過貪心既我，又覺so far都ok，個個國家玩下睇下，有機會再黎深度遊!!

不過今日係全trip最長程車.... 我地要坐大概5個鐘去德國萊茵河....

Day 6 (Part 2)- 塵世美瑞士: 琉森舊城, 獅子碑, 卡貝爾橋@ Honeymoon 2013

落返山就去琉森…. 上左雪山好好天，落返黎都放晴lu~~yeahyeah~~
首先就去左垂死的獅子像，都係行個圈影張相=o=""
隻獅子真係好細緻好sad咁~~~

 再車返係舊城中心，解散自由活動~~~
名錶就集中晒個個度，我地就梗睇下d紀念品/朱古力啦!! 呵呵
再行去教堂，湖邊，卡貝爾橋影相~~因為有兩粒鐘，我同老公都拎左腳架慢慢影!!

 

 

 

 

 

影完最後買埋朱古力，食左雪糕就集合!!!
又返酒店食西餐~~今晚餐西餐算唔錯，夠魚都ok大，又有source~~

酒店係Europe Grand Hotel，又係無free wifi，5蚊瑞郎/歐羅 24小時~~
都ok，因為琴晚無wifi己經無contact屋企，所以我地豪左5蚊玩wifi!!
wakaka~~

P.S. 如果跟團黎瑞士1/2日，其實都可以唔使唱瑞朗，因為普遍都收歐羅~~
不過多數都係俾歐羅找瑞朗咁~~~

Day 6 (Part 1)- 塵世美瑞士: 鐵力士峰@ Honeymoon 2013

今日終於離開意大利，向塵世美的瑞士出發!!!!

 

超美美的一張相!!

一早就要坐兩個零鐘車.... haha國與國相連，過境就好似經過隧道收費站咁就搞掂!!

 瑞士由細個爸媽去完返黎既分享
再加上之前現代塵世美Joey既介紹!!
我一直都好嚮往&期待~~~
但沿途兩個零鐘車都一直落雨&勁陰天.... 真係有少少失望....
不過同意大利既風景好唔同.... 都有興奮既心情!!!
望住好多唔同綠色而組成既畫~~屋仔，好多牛牛~~~

Day 5- 威尼斯, 聖馬可廣場, 嘆息橋, 維羅納, 茱麗葉故居@ Honeymoon 2013

 

 

酒店食完早餐就坐車去碼頭，轉船去威尼斯lu~~~
碼頭有好多團友等坐船~~haha，要等泊位等上船....
見到全程trip唯一一個靚仔意大利人，超靚仔!!! 後悔無影佢相=.=，不過唔高既...

無同靚仔影相，就同老公影返張啦

未知邊隻船之前，仲同老公講，雖然天氣陰陰
但我地要坐上層吹海風，人地d船都唔差..... 點知見到我地個隻=.=...

 

Day 4- 佛羅倫斯, The mall outlet!!!!@ Honeymoon 2013

今日行程比較輕鬆, 所以朝早有個自費項目,
可以揀佛羅倫斯or 比薩斜塔, 本身我地係想揀比薩斜塔既,
但導遊介紹個陣, 只係話比薩斜塔得個塔囉(人地咁出名，都係個塔咋嘛~~)
無咩特別，之後就用左十幾分鐘介紹佛羅倫斯，就話點好點靚點多樣野....
咁團友其實都係比較聽導遊話囉.... 就唯有揀左去佛羅倫斯....(自費價錢一樣架)
我好想去托塔架....

 

 

一早就入佛羅倫斯，落左車後導遊就帶住我地成班開始漫遊佛羅倫斯.....
第1個係聖十字教堂~~~意大利d教堂同7仔無分別，總有1間係你附近咁

 

 

 我覺得隻獅子好可愛!!

 

 老公話我托唔到塔，托住個教堂先XDD"~~

之後又行到另一個廣場，最出名既大衛像就係博物館入面~~
但我地無入去.... 佢出面都有個彷製品影左相~~~

再見到另一間聖母百花大教堂!!!! 呢個真係嘩嘩嘩10聲都仲嘩緊....
間教堂真係好靚呀!!!! 上網見到可以上圓頂睇佛羅倫斯全景....

奈可排長龍，唔夠時間~~
影下相，周圍行下.... 意大利出名皮，所以買左條made in italy既belt俾爸爸~~
最後睇埋金橋~~就遊完佛羅倫斯囉!!!!

 

中途見到旋轉木馬呀!!!d畫仲好意大利tim呀~~~

 下晝就去今團其中一個最期待既節目!!!the mall outlet~~~

揀團個陣其實一個reason就係因為得EGL會去outlet!!! 個outlet有好多名牌架~~
The mall有Gucci, BV, Burberry, Tods, Dior…..etc
另外Prada有個outlet係另1邊叫Space，上網見話可能Space見the mall好生意，
所以都係The mall隔離起左棟Prada~~wakakaka~~~

好期待，不過又唔知outlet有咩有幾平.... 平常心得黎又好興奮!!!
haha，導遊俾左3個鐘我地行!!!一話解散自由活動，就一支箭標左去Prada先~~~hee
入口個度會每1派個no. ，你睇中/揀中左貨，就同sales講俾個no. 佢
佢就會入電腦你個no.+ 你揀左既野.... 最後1次過係cashier check-out就ok!!!wakaka~~
P.S. 唔好以為hold左就實有貨，我有團友hold左到cashier個陣話sold out, 連display都賣埋...
真係手快有手快無~~~

真係超平超抵.... 都算係長青款~~
有d半價，3,4折都有!!! 前前後後mr.yan幫我keep左9個袋~~~~
nylon款300-500歐羅就有1個，leather款就500-700歐羅左右!!!
袋相對地比較抵~~~銀包就一般，大概260歐羅~~
所有野仲有13% tax refund!!! 抵到爆~~
Prada入面仲有miumiu~~~不過我會揀Prada :P

wakaka, 大有收鑊，outlet有wifi，即刻upload上網，大家都以為我發左達!!!haha~~
至於買左咩係最後最後連埋Paris既戰利品一次過show off，敬請期待~haha

 lunch係自費係outlet內既一間餐廳食!!!
知mr.yan行完佛羅倫斯，再陪我行左Prada(我揀左30mins多d je，唔係好耐!! )
咁乖乖，所以就lunch左先~~

 

嗌左Pizza + salad!!!Pizza 好好味，都係4.5歐羅1件
所以encore多左件，至於salad都唔錯，不過意大利d橄欖真係超難食!!!
抖左陣玩下wifi.....

 繼續lu~~~行左burberry想買頸巾，但仲貴過HK咁滯，Dior折左都唔平=.=
Gucci竟然要排長龍!! 其實都算平既.... 不過d款真係一般般麻麻，閃面，紅色/綠色咁....
本身有個黑色monogram布款都覺得ok，不過諗住之後會買LV就無買lu~~
BV無行，團友話長銀包比正價平2000HKd蚊~~

 

有名男子陪老婆行到好累又悶....唯有坐係度望住小朋友玩等老婆

 行個大運，周圍影下相.... 走lu~~要坐差唔多4個鐘去威尼斯
今晚間酒店All seasons venezia marghera, 住咁多晚以黎最正既一間!!! 又新又young!!
而且仲要房都有free wifi，可以狂玩~~~

 

 

 但晚餐西餐唔掂，其實幾晚既酒店西餐都唔得，今晚得兩塊火腿咁薄既豬扒+d雜菜....
 好耐有帶杯面~~haha