Day 5- 威尼斯, 聖馬可廣場, 嘆息橋, 維羅納, 茱麗葉故居@ Honeymoon 2013

 

 

酒店食完早餐就坐車去碼頭，轉船去威尼斯lu~~~
碼頭有好多團友等坐船~~haha，要等泊位等上船....
見到全程trip唯一一個靚仔意大利人，超靚仔!!! 後悔無影佢相=.=，不過唔高既...

無同靚仔影相，就同老公影返張啦

未知邊隻船之前，仲同老公講，雖然天氣陰陰
但我地要坐上層吹海風，人地d船都唔差..... 點知見到我地個隻=.=...

 

左邊個隻=o=，無上下層之分，得下層.... 仲要係密封......
少少焗，坐下船拋下拋下，坐約30mins，望望下開始眼訓就到luXDD"

 落左船，經過好嘆息既嘆息橋(原來好細條架咋，仲要勁多人呢)
導遊講笑話我地望住條橋唔方唔嘆息，咁架咋XDD"

 

mr.yan 背後就係嘆息橋~~

就見到最出名聖馬可廣場&鐘樓&教堂~~~第1個感覺..... 好舊呀!!!
導遊介紹下就自由活動行街影下相~~~

感覺好舊的聖馬可廣場~~

 

正版的威尼斯鐘樓~~唔係威尼斯人果個呀XDD"，mr.yan唔怕禽流感，係咁同白鴿影相~~

d 貢多拉好靚~~成日見人影結婚相都幾有feel~~

 

當日撞到有人結婚呀!!!好正呀~~個花球好靚~~~~

威尼斯最出名就係玻璃..... 沿路小鋪都見到好多.... 同mr. yan都買左d

d面具都好靚呀!!! 影下相~~~導遊話如果驚巴黎名店無貨/要排隊，就係威尼斯買brand
會貴過Paris，但意大利退tax 13%，Paris退12%，如果我地岩都買得過~~~

經過Prada outlet，我唔會正價再買Prada
唯一有興趣既就係LV，恕我買唔起ChanelXDD"，而且唔係我style好難襯呢~~~
LV其實諗住入去運下吉，因為己決定係Paris買....
點知見到個EPI索繩袋好靚，個sales仲好識同我講係新貨，佢地威尼斯新店好齊貨tim.....
但成萬蚊.... 我從來無諗過買咁貴既袋.... 突然間太快黎唔切....
考慮下先，可能個sales都好odd，竟然有chinese黎LV運吉wakaka

集合返係威尼斯食lunch，食墨魚面，一般je.... 不過雪糕好好味!!!

坐返船出去，再坐車落維羅納...

 一路坐車去維羅納~~一路諗返個LV，同老公講好中意....
老公話下站見到就買啦!! 好野~~~

 到維羅納，it’s raining!!! 全trip唯一一次密雨就係維羅納....
最緊要去睇茱麗葉故居&競技場.... 睇左羅馬鬥獸場
其實維羅納既競技場就so far so good + 上落雨無咩點細賞!!

行去睇故居，超多人，又落雨，個個都擔遮，果個位又細又迫.... 個個爭住非禮茱麗葉
傳說話摸左茱麗葉個胸戀愛就會好!!我都小非禮左一下~~haha,
mr. yan話我好佢就好~~~太多人了，無影相就走，大部人都好興奮咁非禮佢………….. =o= 

 

行返出黎見到有間shop係可以即場車你個名落d用品上，圍裙/拖鞋...etc
我己經係blog友既honeymoon文見過，真係好靚~~hehe，不過都唔平....
但都車左個鎖匙扣~~都要6歐羅呢~~~不過個婆婆真係好堅...
唔使30秒就車左我個名lu~~不過佢唔係好滿意，所以車多一次，第2次靚d!!!
haha~~做藝術真係有要求XDD"~~

 落雨無咩好行，不過見到Verona有LV，即刻雙眼發光，入去睇袋lu~~~
點知點知....... 人地話呢個係新貨，威尼斯新鋪先有得賣wor....
嗚嗚，越想買越買唔到~~~係咪要我慳返d錢呢???

 夜晚食中餐，食左幾晚西餐頂唔順，中餐岩食d
而且今晚食飯同兩個團友一齊坐傾計熟左，一路食一路吹水好開心~~
last night @ Italy lu~~~

今晚住Hotel Cruise, 無free wifi，要用既就3歐羅1個鐘，貴呀....

返酒店途中，見到酒店附近有supermarket!!! 勁開心~~
去到酒店問收21:00，我地個陣都20:30，拿拿聲上房放低行李，即刻跑過去....
係堅跑，因為怕關門唔俾我地入/無時間行.... 去到都係20:40，仲有20mins行~~
同老公high左勁開心，個supermarket勁大，有埋衫個d.... 衝去零食部....
買餅呀朱古力薯片，平時係油站賣1.5L個d飲品要3.5歐左右，係supermarket只係0.5歐咋!!
又掃.... 再買左士多啤梨&雪糕..... 正!!! 都有團友出左黎行.....
但supermarket好準時9點熄燈趕客，好彩我地夠時間買!!!
15mins就掃左一堆lu~~