秋冬就係栗子栗子&栗子!!

我係栗子怪，炒栗子，即食既，蛋糕，甜品or做送
我都好中意食栗子!!!!

秋天係食栗子既timing!!!!
星期日放假在家就整左栗子炆雞!!!

無咩難度，而且做LC煲整好快食得呀!!!!

材料: 3-4隻雞脾(今次無起骨) ，醃左先

     乾蔥頭，薑片，蒜頭，每樣3-4粒/塊

     栗子 1磅 (去皮先係最煩既step XDD")

調味料: 蠔油2-3匙，老抽1-2匙，豉油1匙，糖1茶匙，燒酒

用LC煲，先用少少熱水燒熱左個煲，倒左d熱水~~
因為LC煲唔可以乾燒，但又要預熱，所以要煲少少水

之後落油爆香乾蔥頭，薑片，蒜頭....

再落雞件炒，直至表面變色....

晒d酒，之後落栗子，落調味料，再加1-1碗半水~~

炆佢15-20mins~~熄火焗一焗大概10mins~~~

試味，無問題臨食前滾返起加返d蔥香d又靚d食得!!!

我用LC煲除左爆炒用中細火，之後全程細火....

煮完都係30mins左右，炆送用LC真係快靚正!!!!

如果唔係LC煲可能要落多少少水....
其實調味料都係大概，我係無譜既...
甜既加豉油，鹹既加糖~~haha

最後仲有美心出既栗子芒果卷甜品，好滿足!!!