❤紙婚旅行❤關西16天之旅~~預備篇**

終於有新1個title寫啦!!!!呵呵，寫blog最開心就係寫旅遊blog~~

今年確實是驛馬星動，本年度第5次旅行，亦係最後1次~~哈哈

爸媽也說我有點過份....

韓國singapore北京西歐，之後仲有日本~~嘻嘻

無法啦....因為mr.yan在日本，好大個excuse去搵佢~~

轉左新工後，大假少左好多...唯有等聖誕+1月1+星期六日..

湊湊埋埋請7日AL，製造左個16日大假期~~嘻嘻*

機票一早就買定了....因為16日要買1個月limit既機票.....

坐直航聖誕假，要差唔多6,7k....

超貴，幸好有blog友教買轉機....

坐大陸airline機，有兩間，一間經上海轉，另1間經北京轉....

最後揀左中國東方，經上海轉.....

中途係上海要等2-3個鐘，但來回機票包晒都係2.8k咋!!!

平一半有多，去咁多日，頭尾花少少時間等，都係即日到，都接受!!

慳返4k，拎黎食都食幾餐~~

買左機票就開始plan下行程，玩足14日!!!

本身打算落一落東京玩....

但因輻射問題(另外坐子彈落東京都好貴!!)~

放棄左......

關西今次第3次黎，所以我都想去d未去過既地方.....

所以同mr.yan約定左1人plan一個地方，大家都未去過!!

mr.yan plan既最近先落實，只係估唔到.....

淨係聽到我己經感動到不得了.....

他plan左24,25號聖誕節，帶我去過1個白色聖誕!!!!

世界文化遺產- 白川鄉合掌村!!!

淨係睇d相都靚到不得了.....

 

好記得曾經講過，好想同mr.yan去日本過1個白色聖誕...

估唔到咁快就實現.....呵呵呵

內心真係好激動架!!!!因為我睇過旅行書....見到都好想去.....

但其實由大阪過去要坐4-5個鐘車唔近.....只係自己諗過

無同mr.yan講過，點知佢plan左帶我去.....

我暈啦................hahaha

真係好期待!!!!白色既世界，厚厚既雪!!!!   

 本身mr.yan打算自駕遊去....但因為mr.yan係hk己經少drive車

而且drive雪路唔熟路係比較危險，最後安全計，我地都係搭電車/bus~~

合掌村民宿己confirm好!!!yeah~~

另外我既plan，又係1個2日1夜之旅~~~

我plan左去和歌山，白濱浸溫泉....嘻嘻

溫泉酒店仲一早book好....

因為怕冬天勁凍，唔會勁浸，我地無book到私人風呂...

(另1個原因又係貴d啦，貴2k呀!!)

我地揀左梅樽溫泉酒店!!!!

另外今次終於book埋車自駕遊啦~~~慳返個2k可以用黎book車!

仲有去toretore market狂食魚生!!諗起都開心~~

 

book日本酒店既tips....

話說小妹都算超中意搜集旅遊資料....(所以好多fd去旅行都搵我幫手:P)

去日本，我會連日本好多website都用google translate狂刨...

今次book梅樽溫泉酒店，我用google translate狂睇既心機無白費啦!!!

話說有好多網站都有中文/英文version方便大家直接book!!

但我今次發現左....網站係邊個我唔記得啦~~

但用中文version果個，我揀左望海景套房...係2.2k包早餐only!!!

但我用日文網站book，係2.3k包早餐，仲有晚餐(懷石料理)囉!!!

多100蚊咋~~~~如果唔睇日本個網站就蝕晒啦....

不過搵到資料，我都係交左俾mr.yan book!!!佢日文叻d嘛~~

除左呢4日既行程，其他我就交晒俾mr.yan lu~~

仲有個零用，白色聖誕，紙婚之旅，i'm coming!!!!!!!!!❤❤