❤滋賀。彥根❤日本紙婚之旅@22.12.2013

訓醒一覺，終於開始我地既旅程！
今日既目的地係去滋賀！滋賀其實唔算熱門旅遊區....
不過都有d景點值得去！
而且呢一日亦係唯一1日我係日本無聽過廣東話(老公除外啦:p)

超好天出發，我地買左青春18 JR pass，
11500yen 5日任搭全國JR!如果去得遠真係好扺
因為日本車費真係好貴！

 

第一站我地去近江神宮，睇下神社影下相

沿路行去神社都係d住宅區，睇下日本人屋企既門口都幾得意，平時少見:)
仲見到棵唔知橙定柚子樹！偷偷地摘左個~~但mr.yan試話好酸XDD"

 

之後就去彥根lu，醫下肚先....
因為未食野勁肚餓，mr.yan話帶我去食日本名牛-近江牛！
點知由彥根JR站行去差唔多要30mins！
又累又肚餓既情況下，終於行到去夢京橋..

.mr.yan揀左“伽羅”，好日式既裝修呢！

我揀左近江牛shabu shabu定食，mr.yan揀左汁燒近江牛飯

yummy yummy呢!!!齋睇外表好精緻好靚~~!!!

食到好滿足~~~

 

行去彥根城....彥根城係當年舊城無咩翻新過，所以行上去條路都斜架...

入到去上樓梯，差唔多係垂直爬上去!!城比想像中細....

可以係高高既城睇到琵琶湖，日本最大既淡水湖~~~

本身我地都打算去另1個高地睇湖，但由於太凍太大風...

我地決定係彥根城睇過就算XDD"~~ 

 

4點零我地就返近江八幡站，搭bus去滋賀龍皇outlet!!!

呢個outlet真係好遠，由JR站搭bus經過d鄉郊地方，坐半個鐘先到!!!

去到都天黑lu~~~點解要咁山長水遠去呢個outlet!!!!

因為有Le creuset....haha，諗住遠d少人去，可能有荀貨!!!

點知真係有呀~~~~~

搵到個orange blossom既花花煲，仲要outlet價再8折!!!

超抵......入左手...不過係幫朋友~~

另外都買左d!!!hehe~~~

行完返到大阪都差唔多9點lu~~是日冬至!!

同老公係大阪食左個超好味既炸豬扒飯團圓>3<