食飽飽….返房休息一陣….
包車司機又黎接我地~~~今日包全日車…
去日月潭&溪頭妖怪村~~
10點出發…..由清境去日月潭都大約2個鐘….
同司機吹下水，休息下好快就到左….
第一站經過文武廟…司機話好大好靚….
咁我地又去參觀下….真係好大又好colorful….
企高位…仲可以睇晒日月潭全景~~~
之後再去伊沼達碼頭….日月潭有幾個碼頭上落….
伊沼達算係最旺….食左lunch又掃街買小食~~仲食左紅茶味雪糕:P
玩左個零鐘…我地又坐車去溪頭妖怪村….
天氣開始好多霧又有小小雨粉….好配合妖怪村~~哈哈
但妖怪村比我地想像中細好多….
行個圈就冇….司機推薦要食咬人貓包包….熱辣辣幾好食~~
仲有墨汁皮蛋撻~~~
原定5點先玩完既行程…..3點就完左~~~
司機話車我地返台中…去動漫街影下相…都好，本身都諗住去…
再帶我地去買佢地本地人食開既太陽餅鳳梨酥…牌子叫嘉味軒….
好食唔算太甜….鳳梨酥個皮又唔會好厚…
之後返香港search原來好出名架XDD”
司機再車我地返酒店check-in放低行李…再車我地去今晚食飯既地方~~
就完成左包車旅程lu~~~
今次黎台中同mr.yan慶祝生日…當然要食餐好架啦!!!
台灣好出名食麻辣火鍋….
我今次揀左都係鼎王其下既「無老鍋」~~~
上網睇食評好正咁~~~
去到坐低…侍應會略作簡介，同時遞上熱茶及上湯(for加湯底用)
熱茶係七葉膽人蔘養生茶(上網搵返黎)，
侍應有提醒茶比較寒涼(可能食火鍋較燥熱)，
如果寒底就唔太適宜飲~~
侍應有提醒茶比較寒涼(可能食火鍋較燥熱)，
如果寒底就唔太適宜飲~~
不過想講既係個鑄鐵壺係10級重…坐係度係好難拎得起…
搞到甄生要係咁斟XDD”~
我地揀左鴛鴦湯底~
無老長生辣香鍋….用藥材+辣做成湯底…
無老長生辣香鍋….用藥材+辣做成湯底…
因為我唔太食得辣，所以只叫左小辣..
好ok呀…唔會得個辣…仲好香又有少少麻….
另外湯底係日本冰淇淋豆腐鍋…
又係有D藥材，仲有1支人參~~湯底夠濃味…
而且每人有粒雪糕豆腐…滑lulu…
我地點左3樣野食…雪花牛，干貝滑&蔬菜拼盤~~
特別想講干貝滑，真係超好味….食到一絲絲…好正!!!
另外要介紹佢既鴨血&豆皮係免費任添…
食到咁上下…侍應遞上一小壺蜜桃沙冰….食到熱辣辣飲落真係透心涼~~
仲可以續添多一次~~~
食飽都係8點幾…但因為今朝好早起身…本身打算早D返酒店休息…
但mr.yan話難得黎到台灣…好想唱K(其實只係想唱林俊傑~~)
好啦!!!搵到酒店附近有間錢櫃…
就去唱~~~每人好似TWD 450唱4個鐘…包TWD79點Drink/ snacks
但最平野飲都要TWD 220…好似HK抵唱D~~哈哈
2個人俾左間大房，仲有獨立廁所~~
不過仲用緊有線咪……
唱左2個幾鐘…好攰….頂唔順返酒店訓lu…
沒有留言:
張貼留言