囍帖暫confirm* (私)

話說拎完帖sample返屋企俾爸爸睇....佢第1眼見到細個兩張(size大過galaxy note少少)....
己經擰晒頭，話唔夠大體wor...
其實我都覺既....但可以轉色嘛....不過媽咪係呢d傳統野都唔中意我用粉紅色(利是封都唔俾...=o=")
咁算啦....
係金都帖鋪，大size又唔使加錢既只有紅色/香繽色....
香繽色d款我麻麻，唯有向紅色出發!!!!!
因為大囍係就咁打開印字，而右邊細囍係3頁揭(即係揭上再揭下，先見到中間印字)，爸爸又話麻麻....
而且佢覺得大囍夠大 夠搶眼......佢既意思清楚晒....
再問下係澳洲既媽咪....
因為等唔切佢返黎先印，所以whatapps相佢睇，佢&家姐心有0西地揀左同老豆一樣wor...

到最後當然要問下mr.yan既意見，佢既意見先係最重要，估唔到叫佢揀紅色是但一張，佢都係揀大囍!!!!
睇黎我屋企人都好爆呀....一係唔揀，1揀揀最搶個張....
都好既，張帖簡單易揭，又full page，連DIY都可以慳返~~~
阿爸話: 而家d人興d帖特別，1係唔同color，一係又有自己相既，你連張咁傳統可能先出位....咁都俾佢諗到~~

唯一既問題，係我1早買定既回禮利是封都係紅色，餅咭又係紅色~~~撞晒色wor
大家睇完以下既相都話無問題....好啦好啦!!!!無咩問題都係佢架la
今次真係紅色炸彈啦~~~

俾朋友既有特別DIY餅咭套~~