非視覺pre-wedding - 鹿咀山莊拍攝篇"- 下集(私)

影左個零鐘熱到傻左.....
上車去影竹排個度.....

wakaka， 去到發覺原來咁細架咋....
咁細既地方都有幾條唔同橋，唔同位俾大家影相，仲有人收錢!!!

真係識做生意~~~haha
今日都有唔少人影結婚相/情侶相... 不過主要都係同胞，真係一睇就分得出架....

係竹排影完，黃sir丹尼斯都要抖下.... 佢地咁熱都好辛苦....
趁呢個時候晴晴就幫我換左套晚裝先....

出發去鹿咀山莊lu~~(由於鹿咀佢地入場加左價 ，好似都幾貴，所以新join非視覺既就無左呢個景點了...)
有個細細化妝間，晴晴勁好揀左個冷氣位補妝換頭....

因為出晒汗，晴晴幫我加左執假髮係側邊
就可以keep左個curl啦~~佢仲話係新，我第1個用~~hehe....

影左渡假屋，大草地，玩左吹氣泡泡....
就行上山崖邊lu....wow...

真係幾危險，又係大拖尾....
不過黃色裙既拖尾好輕便
不過晴晴都好緊張我...
成日叫我小心d....
個度風景真係好好靚，加上天氣好好，海天一色
望住個大海真係好舒服....
影到6點終於完成lu~~辛苦晒大家!!!!
仲有晴晴全程不停幫我抹汗...

 坐返個零鐘返非視覺.... 非視覺所有員工都真係好好
所以請左大家一齊去小肥羊打邊爐(真係out，成日返大陸都未食過) ，真係唔錯wor....
辛苦晒!!! 期待睇相~~~

由第1日婚紗城天氣得10度...mr.yan舒服，我勁凍....
到第2日30度，好彩海邊山頂有風，我ok, mr.yan勁熱....
呢輯pre-wedding真係夠晒難忘

 
個天真係好藍.....

 
件黃色晚裝其實好低zone....影相個陣無咩野，返到非視覺樓下勁多人望，超唔自在....要mr.yan護掩....

長拖尾錯覺我超高....hahaha 好正