Day 10 (Part 1)- 巴黎: 聖心教堂, 巴黎鐵塔, 協和廣場, 蒙柏納斯大樓@ Honeymoon 2013

由於我地住Paris外圍，大約坐30mins就入返市中心

今日第1站就係去聖心教堂!!! 傳聞好多黑人帶手繩既地方呀!!!!  

 

不過可能我地好早就到，d黑人未開工
所以上去個陣好輕鬆，影下相，睇下風景Paris今朝天陰陰耶..... 聖心教堂隔離就係蒙馬特山，即係畫家村...

不過可能真係太早，大家都岩岩開檔!!!!

閒遊中~~

仲有好多鐵塔keyring買~~個個都係寫1歐羅4個
講就1歐羅5個~~~最後講價1歐羅6個~~haha!! 好靚靚呢!!!

落山個陣，d黑人開工啦..... 真係見到佢地向d鬼佬埋手
團友聽到話佢地帶左上鬼佬手上，之後講4歐羅!!!
我地有備而戰，同另1 pair團友4個一齊衝落山，己經避開佢地.....
點知佢地好似想去我地方向行埋黎，我地4個即跑走XDD"~~
逃離成功!!
沿路去返旅遊巴有好多手信鋪...
好似所有野加左鐵塔即刻變到好靚，勁想買晒去!!!!!!!!!! 呵呵~~

 之後就去睇亞歷山大三世橋&拿玻崙墓....
但其實係中間點停一停俾我地落車，望左就橋，望右就墓………
呆左...... =o=""

後面就係橋啦...=o=

再去巴黎鐵塔，我最期待!!!!!!!!!!! 點知佢話俾15mins我地………..
天呀~~~無野呀!!!! 地標你俾15mins我地影相=o=....呆晒
不過都影啦~~haha... 搵團友影啦，自拍啦，跳啦!!!wakaka~我地成班最後應該留左唔只15mins~~haha

 

協和廣場.... haha, 竟然黎到呢到天氣先開始放晴!!!! 吼~~~~點解唔係鐵塔個陣!!!!! 係度買左個crepes食，yummy!!

yummy crepes~~

就上56/F蒙柏納斯大樓睇Paris全景....
等lift都等左差唔多半個鐘，但上到去....
因為天氣唔好，灰濛濛，鐵塔都無咩野睇....

借左個free toilet就走=.="""

Paris既景點一朝早就行完...haha，跟團就係咁~~
lunch又係食中餐，不過今餐ok而且Paris又係周圍都有free wifi~~勁爽!!!
食完lunch，最期待既行程終於黎啦!!!! shopping~~~老佛爺，春天!!!we are coming!!!!