❤金澤。白川。高山❤日本紙婚之旅@24-25.12.2013

終於黎到紙婚之旅既重頭戲!!!!

世界文化遺產!!白色聖誕白川鄉!!!!!!!!!!!!!!
真係好浪漫好夢幻勁幸福....❤❤❤❤❤

其實白川距離大阪都幾遠下....
如果坐旅遊巴直去都要almost 5個鐘車程....

由名古屋出發會近d~~

今次既旅程我地先由大阪去金澤→再由金澤入白川~~

回程我地係白川去高山，再係高山搭JR返大阪!!!

出發~~~

我地係大阪搭特急JR直達金澤....坐2個鐘45mins~~

車費每人7440yen!!!差唔多600HKD，真係好貴....

10:30左右，我地就到左金澤!!!!

出到去真係凍過大阪好多呢.....

坐bus去近江町市場!!!係金澤好出名既街市!!

我地去個陣係蟹季，成個街市都賣蟹，超吸引!!!!!!!!!!

仲有好多唔同海鮮特產....

我地去就係為左食勁出名既刺身丼!!!!!!!!!!!!!!!!!!!!!!

望下個樣己經正到爆~~我係豪華雜錦丼!!

mr.yan係海膽，魚子丼!!!!!!!!!!

樣樣都超好味，d海膽勁濃海膽味
魚子卜卜脆，超正超正超正!!!

而家諗返都口水流.....

再買左d金澤特產-金箔野食XDD"，買下手信....

呢個係金澤站既地標，超大鳥居!!

我地就坐旅遊巴入白川lu~~

坐個零鐘到....最surprise既係.....坐我地隔離pair情侶都係講廣東話架lol!!!

hahahaha~~~~估唔到咁僻都撞到香港人!!!

坐左個零鐘沿路都未見到雪.....仲擔心唔知係咪未落雪!!!

點知入左一條隧道後，一出成個就係白色世界!!!!!!!!

個下內心最激動！所有野都鋪滿白色既雪!!!!!!!!!!!!!!!

hahaha落車係案內所拎左地圖就行去我地book左既民宿....

民宿就係好出名既合掌屋!!!!用木同茅草整....

可以防止積雪!!!

白川鄉都有好多唔同既民宿，mr.yan話價錢差唔多....

我地就揀左利兵衛!!!

入到去帶左我地入房沖左茶...抖一抖我地就出去狂影相lu!!!

留意: 民宿房門係無鎖架....
所以唔好帶太多野去白川，隨身要帶貴重物品!!!

雞雞都玩到一面雪呢~~

我地打算行上去觀景台.....沿住斜路一路行一路影相，無咩人
所以野鋪晒厚疊疊既雪...

我最中意坐雪訓雪XDD"~~真係high左!!!

行左差唔多45mins，覺得有d唔對路.....再望地圖，發覺!!!!!!!!!蠢左....

原來冬天行上觀景台既路會鋪晒雪所以封左....我地行緊既係車路...

要dull好大個圈....我地dull左一半....算啦，決定放棄打算返落去搭bus....

落返去又發覺最後班bus己經無得搭啦!!!因為4點多就天黑.....

唯有聽朝先上去啦，有d失望架!!!!

咁就繼續影相加買手信買野食~~~

7點返到民宿就食飯!!!原來今晚得我地1pair住民宿，包場咁XDD"

日本d飯真係特別好味....我呢兩日都食兩碗=o=""

有飛彈牛，天婦羅食~~~所有野都好好味，除左條魚，超咸....

食飽睇下電視就預備沖涼....

由於沖涼房係共用既，但得我地1pair包場咁...哈哈!!勁正...

佢既浴室超日式....係側邊洗乾淨後，就可以浸下浴....

差唔多50度，超舒服.....因為夜晚又黑又凍....

我地無出去就早d訓lu....

 第2朝訓醒....因為未夠鐘食早餐，我地又出左去行....

嘩!!!一早既白色世界.....超寧靜超舒服.....世界仿彿只剩下我倆咁....

感覺真係超好!!!!!!!!!!!!!!!!!

返民宿食早餐，又係超豐富的!!!食飽飽就check out lu~~

1泊兩食既價錢係14700yen，ok架!!!我見好多人都會將白川當1晝既景點....

黎影下相就走....但我覺得有時間有機會真係要過1晚夜....

感受下白川.....

我地就去搭bus上觀景台lu~~~

我覺得個天真係對我地太好!!!安排最好既俾我地....因為今朝有太陽放晴呀!!

雖然我地琴日上唔到，但因為琴日陰天...可能上到去都無咁靚...

今日上去係超靚，沿路d雪俾太陽照住係bling bling閃下閃下....

又激動啦我!!!!!

上到去觀景台己經有d遊客....影下相，由高處望既合掌屋好得意~~

一間一間咁.....

返落黎都差唔多夠鐘要離開白川lu~~~

如果黎白川應該冬天係最有feel~~呵呵

坐返大巴1個鐘左右落高山.... 

行下以前高山舊街，食下飛彈牛!!!仲有飛彈牛sushi，超好味!!

係高山逗留左兩個鐘，我地就用我地青春18 pass返大阪lu~~

由於唔可以搭特急既關係，我地用左6個鐘轉左4程JR先返到大阪呀!!!

不過如果搭直通bus返大阪，每人要6000yen架....用pass真係抵返晒...

6個鐘訓下覺睇下running man都唔難過呀XDD"

而且轉車見到落大雪，又可以鬆下...

是日係聖誕節正日，我地返到大阪去左食shabushabu放題!!!

呢兩日真係好開心好浪漫好幸福呢!!!