❤名古屋。科學館❤日本紙婚之旅@28.12.2013

我地既行程都好緊密架XDD"

係白濱返黎大阪抖一晚....我地一早又離開大阪!!!

展開名古屋1天遊....

又係因為青春18pass~~~所以我地又去遠d啦!!!呵呵呵

但因為無得坐特急，要坐快速...個零鐘既車程，我地坐3個鐘XDD"

但就經歷左好多唔同地區既天氣呀!!!

係大阪陰天，去到彥根/米原轉車落超級大風雪，但去到名古屋又有藍天wor...

睇下真係好大風雪架....

坐JR去到名古屋10點幾...名古屋站超大呢....

連住幾個商場 ...而且名古屋主要搭subway....

所以我地買左subway pass，但係名古屋站搭subway每條線都有唔同入口

而且唔相連架....所以要小心d入閘!!!

第1站去左名古屋城...由subway站行過去都要20mins左右....

係JR站有馬賽克既名古屋城!!

不過名古屋城真係好值得!!!

首先無斜路XDD" (之前去彥根城/和歌山城，要行一大段斜路架....)

而且入面比較多歷史文物，又有lift搭唔使行樓梯....

都好多影相位架!!!呵呵

我地影相途中都有飄雪....嘻嘻

凍冰冰都要食雪糕XDD"

之後我地就去"榮"區，係名古屋最旺既地區....

首先我地去左醫肚，第1站係矢場豬扒!!!

睇blog話佢d豬扒好正又juicy....仲要同平時唔同係撈味噌汁!!!

由於會有第2 round，今次我地嗌正常size (佢有特大size)~~

1個味噌豬扒，1個鐵板豬扒.....

果然真係好好味呢，個汁無得頂呀!!!!!!!!!!!!!豬~~~

之後就過隔離商場，松版屋!!!食名古屋最出名既蓬萊軒鰻魚飯!!!

果然好架勢，下晝兩點幾都要挑20個人左右....

都排左差唔多30mins....

因為其實都飽飽地...加上鰻魚飯真係唔平，3300yen一set....

最後同老公1 set兩份食....keke

期待己久既鰻魚，真係外脆內軟呢!!!!!!!!!!

炭燒正爆....勁滿足!!!!

食飽就急急腳走lu~~~

因為我地有個特別地方去呀!!!!

就係名古屋科學館啦!!！

點解會去科學館??因為本身想係名古屋搵d特別地方去....

唔想shopping，上網見到有個鐵路博物館幾好睇....
又多影相位XDD"

就叫老公諗下安排下...
點知老公搵到科學館有個朱古力展好得意...

就買飛帶我去睇下啦!!!!

科學館係成個波咁架XDD"

個朱古力展係由Meji sposonr由點種可可開始...

到點知提煉朱古力....整個過程，有圖有樣有片有解釋...

就算我唔識日文，都一樣明白....好過引!!!

最後當然仲有紀念品買啦~~~

除左朱古力展，仲可以入其他科學館展區睇.....

其實好多同HK果個都好似....但梗加有趣係佢d 遊戲設計....

d擺切，好吸引去玩.....所以我地都玩左差唔多個幾兩個鐘....

kekeke~~~

出返黎開始天黑...我地去返榮區，去影夜景電視塔!!

好靚呢~~~~

 

 

我地就去名古屋好出名既世界之山，食手羽先dina~~

即係雞亦，好好味，送啤酒一流!!!!

好似居酒屋咁，叫下其他野食....

飽飽又坐返JR返大阪lu~~~