頑遊關西@ 2010 - 後篇+ Links

第4次去日本，第2次自由行~~~

有左第1次既自由行經驗...
其實今次係容易左.... (都係冇lost過! 叻~~)

最複雜既交通問題，其實都唔係好難....

想玩想買野既.. 當然係tokyo好~~
但關西有好多既另一面，係京都係奈良係神戶~~
而且搭JR食便當既感覺真係超似去旅行呀!!!wakaka~~

今次去大阪，發覺... 中國人真係越黎越勁la~~
去到邊，都聽到普通話/廣東話la~~
周圍d鋪頭，小至藥房，食市，大至百貨公司都有識講普通話既人...
而且周圍都收銀聯card~~~真係正!

短期內，唔會再同mr.yan去日本~~~
再去日本既時候，相信我己經變左做mrs.yan啦~~haha!

有用link~~

大阪出張(南海電鐵特急+ 1 day pass)
http://www.nankai.co.jp/traffic/otoku/trip/index.html

大阪週遊咭
http://www.pia-kansai.ne.jp/osp/cn/03a.php

有馬溫泉bus~
http://bus.hankyu.co.jp/highway/highway10.html

機場bus~
http://www.kate.co.jp/pc/time_table/time.html

行程參考
http://www.backpackers.com.tw/forum/showthread.php?t=197376

http://hk.myblog.yahoo.com/jw!tihcFU6FER_9MuzwrdEQmiIp

Day 8- Last Day 最後衝衝衝""

最後1日lu~~非常之咁唔捨得~

9點就出門口.. . 最尾諗住去多轉黑門市場買手信&生果~~
反正搭subwy又要轉線(轉線行好遠) ~~
我地就咁行落去都係20mins左右... 朝早既道頓堀好冷清喔...
但就冇咩人，係咁影相~~haha...

去到... 決定左買士多啤梨同apple...
又買左d北海道既乾尤魚&紅豆
仲俾我搵到六甲山奶呀!!!!haha超開心~~
話說去到日本好中意飲奶... 咁今次我地係donki搵到隻特濃4.5~
好濃味好rich好正!!! 8日飲左3支...

其實兩年前同mami黎個陣飲過支六甲山
覺得好香滑，有雞旦味咁~~
勁想搵返... 但搵左7日都搵唔到
去到最後今日竟然見到~~好開心呀!!!!
即刻買支隊~~~~yeah!!!!行返酒店check-out lu~~~

之後仲有兩個幾鐘俾我地最後衝次.... 點知真係買到野~~
mr.yan 買多左條褲，又買到袋
行到落難波0101，我都買左個burberry袋@@"~~
hehe... 終於買到袋~好開心J
(話說上年係tokyo買左6個袋架嘛，
今年1個都買唔到既話，就太失望lu~~)

 

買晒野，mr.yan話去食多次一風堂，真開心:) ~~
好好好好味... 我會記住你ga!!!!wkaka~~

我地早兩日買定左係我地酒店隔離→日航酒店既機場bus飛...
因為黎個間拎住d吉luggage搭subway都咁麻煩
何況係最後一日勁多袋野既時候....

但由心齋橋返機場既bus1日得3班(朝早7點，10點同下晝3點)....

如果搭CX18:30班機走既就可以搭la~~
因為佢下晝3點有一班，搭去機場1hr，去到4點左右，岩岩好!!
日航酒店係總站，之後再會停cross hotel&唔知咩hotel...
就直去機場la~~

4點幾落左車，去check-in，CX勁多人lor....
好擔心過重.... 55kg，地勤姐姐話可以la~~yeah!
再磅埋handcarry行李... 我地有4袋
但地勤姐姐見到兩袋，磅左，岩岩好...
佢話唔可以再買野la wor...haha~好彩睇唔到另外兩袋姐~~~
wakakka

入閘，搭無人駕駛.... 平時我係個d去到最尾個刻先上機既人...
(因為唔中意坐係飛機入面) 但今次要即刻衝去排隊上機，
冇法la，4大袋野... 遲左上冇位擺都唔知點算lu@@"~~

18:25起飛...byebye啦大阪，byebye啦日本>V<~~返到香港10點~~
call taxi由機場返大埔都係$220蚊咋~~抵!!

Day 7 -環球影城USJ

wakaka~~今日係去環球影城(USJ) ，
本身諗住day2去，但個日落雨!! 改到今日先去到~~~
天公造美，好好天呀!!係酒店食之前買定既杯面做早餐~~
chesse curry比較杰身，milk seafood估唔到咁好味~~haha

去USJ都係會去到"西九條"站轉線...
但點樣去"西九條"呢~~就有好多方法...
天書多數教人邊到去，都係去大阪JR轉環狀線，
但其實最方便係去難波，有條線直去西九條，唔使轉~~
但今日，我地搭另一條subway，去"大正"站轉~~~去"西九條" ~~

去到站...當初我以為係西九條要出閘再買飛，但原來唔使~~
我地張飛唔夠錢出閘~~就唯有去"精算機"補返差額~~
好厲害呀... 補返10 yen就有張"出場証"出閘lu~~

勁爆多人，今日星期五都算係平日=.=，乜日本係假期咩=.= ??
去到USJ站...d人係跑係衝架lor~~好驚呀...
去到見到買入場卷個條龍.... 好慶幸自己係hk一早買定飛...
就拿拿聲入場...( 點知之後就後悔爆) ..

入到去... 即刻衝去蜘蛛俠…見到門口有條龍....
諗住都要等la ... 就排隊，點知入到去... 係
有幾個羽毛球場既area打蛇餅lor，一排就75mins =.= ~~~
不過真係幾好玩既，以為完左... 原來仲有!!
75mi ns玩5mins .... 勁!!

諗住玩back to the future.. 排90mins~~~~放棄=.=

 

影下相，見到backdraft排30mins，就去排...
開頭用日文介紹左好耐既... 類似講下荷里活d火場特技...
最後有個實境俾你感受下d火力.... 冇咩特別~~

本身諗住玩侏羅記，但話要排90mins=.=，
見大白鯊話排50mins~~去排大白鯊~~haha...我想講....
其實係有少少驚la，條大白鯊出黎個下...
但我覺得最精彩既係，全程係度用日文帶我地玩果個女仔~
佢d表情，扮驚，鎮定... 真係超正!
冇左佢帶我地去玩，冇可能咁投入~~
但諗下佢每10mins就要將套戲重申演一次，次次都咁好~~
簡直係最佳女主角呀!!!haha~~

玩返侏羅記，60mins.... 根本就係滑浪飛船，但會濕晒lor~~
好彩我地醒目有著raincoat，冇著個d真係底褲都滴水架.... haha

再去排hollywood dream過山車...110mins=.=
但mr.yan想玩.... 都要排架~~排到悶....
真係超級極度後悔冇買fast pass~~唉唉唉~~
排兩個鐘玩兩分鐘，個兩分鐘我真係喪嗌，嗌返夠本先抵!!!=.= ~~

玩完都6點幾，一日玩得5個game=.=....
拿拿聲去掃貨，mr.yan去影相~~~
睇埋夜晚個星光巡遊... 真係好靚呀!! >3<~~good!!

 

睇完再買買買，唔考慮咁多，中意就買~~
wakaka，最後出返去同地標地球影相走lu~~~
出到去仲有個shopping mall，仲有手信鋪，又係咁買~~
買左超多零食... 正呀!!!搭車返心齋橋... 最尾一晚~~

去左蟹道樂... 隔離個座食燒肉放題!!!wakkaak~諗起都口水流~~~

個店員英文都唔錯... 聽得明溝通到....
佢有兩個plan，一個就普通既，另一個就貴d，但話有日本牛食...
咁mr.yan梗係想食貴d果個la~~但個店員就非常好
話其實貴d果個多唔係好多~~想食日本牛，額外叫仲好~~
咁我地梗係聽話，食個平既放題set，之後散叫左碟和牛!!!
我想講... 碟和牛真係好正lor~~好lum架~~正正正

同佢另外set入面d牛差天共地.... 都幾多野食~~
但淨食肉勁易飽~~唔係食左好多~~不過唔錯唔錯!!!

 

食到好飽... 返酒店抖一抖，放低d戰利品
再落去行donki，買埋最後既手信，食多次mr.yan既至愛一蘭!!!

返酒店.... 唉~~望住咁多野都唔知點樣pack...
一路發脾氣一路pack，pack左兩個幾三個鐘，先訓....

Last night...>.<"

Day 6 Part 2-神戶~三宮, 神戶港

浸完.. . 行返落有馬溫泉"馬尺"...會經過親水公園... 影相good呀!!
靚風景!! 不過我真係差d去左親水lor~~haha..由有馬溫泉落返神戶...
 
係我plan行程，覺得係最複雜轉線既一次~~900yen~~
有馬溫泉→有馬口→轉線→谷上→轉線→新神戶→轉線→三宮

點知原來係好簡單.. 轉兩次線都係過對面就ok
唔使上上落落，去到新神戶直情唔使再轉，間車會直落三宮!
good ar!!very 方便，30mins，就由有馬去到三宮lu~~

係地下街搵食先~~~揀左間門口寫住"鹿兒島黑豚"~~~
好似好好味咁!!mr.yan of coz揀左黑豚la，我就揀左普通豬+炸蝦…
黎到la... 好味好味呀~~(其實真係好難搵樣野唔好味=.=v) ，
但mr.yan形容佢既鹿兒島黑豚係citysuper既level，
而我既普通豬係街市level=.=~~好慘....

食飽就開始shopping lu~~行左三宮sogo supermarket，
勁多神戶牛呀~~又唔貴，超想食咁>o<~~
行sogo，因為有loft，行loft因為有鬆弛熊bearbear=3=~~
又買....wakaka~~

又行唔知咩咩三宮街... 好想買袋，買唔到....
行行下行到落元町... 本身係諗早d去食神戶牛dina~~
再去神戶港影夜景... 但反正有時間，又冇咩街岩行~

係元町搭1個站JR去神戶... 去左神戶港先... haha，
估唔到係神戶港d shopping centre有收獲~~wakaka，好開心~~

好失望呀!!!!
諗住黎欣賞下最出名既神戶港夜景，但因為神戶塔維修呀...
冇燈，得海防博物館.. 失色晒>.<"~~
不過都繼續影下相，仲有神戶orinetal hotel!!
好靚~~view一流... 隔離mosaic garden有個遊樂場~~
有摩天輪，迴旋木馬.... haha~~冇得玩，影下相己經好開心:) ~

影到8點鐘到.... 返三宮搵神戶牛食lu~~
上網serach左好多人都食既呢間....
但好難搵，上網search行去既方法全部唔岩，
好彩print定左個鋪頭個樣. .. 我諗佢係神戶真係好出名la~~
問親d日本人都識... 但都問左幾個行左幾個圈先搵到...
最後係個日本靚女教我地去ga>V<~~

wakaka，果然得左好多獎... 坐係鐵板燒前...
serve我地個姨姨=.=俾左個英文menu我地...
大佬，唔識睇牛部位既英文，但佢d日文，真係1粒漢字都冇....
個姨姨見到我地R晒頭... 搵左個中國仔黎同我地講兩句...
但個中國仔都係唔係好識...
只係話俾我地聽邊份最多客order個d咁lor~~

最後我地order左1份最貴，同1份最受歡迎，
但係唔知係咩黎既~~~haha.. 原來1份係牛柳，1份係西冷~~wakaka
燒左d雜菜... 再食神戶牛~~~正到呢~~~
果然係好lum同入口溶化...haha~~
但我覺得個師傳既技術，同我上次係TST食鐵板燒個次... 爭左d，
HK個師傳好似勁d咁(因為佢有多d花son，又有表演睇下...haha) ~~

兩份餐，咁就萬幾yen lu~~食飽返心齋橋....
再食宵夜(我地兩個真係有d痴線，不停食，
岩岩放監都應該冇我地咁誇張) ~~食左想試幾日既讚歧烏冬
好多天書都有介紹... 但可能我地去既時間太夜，
佢地差唔多close，d炸物全部凍冰冰... d
烏冬就普普通通la~~幾百yen可以la~~

聽日係尾二la~~~

Day 6 Part 1- 神戶有馬溫泉&quot;

今日又暫時離開大阪，向神戶出發!!!
其實去有馬溫泉可以搭bus，可以搭subway，
但搭subway就比較麻煩，要轉幾次線~~但就平dd

去到梅田諗住搵個早餐食下先...
點知…係日本搵早餐食真係好難，我地己經諗住搵松屋，吉野家...
但係bus stop附近... 搵唔到=.=行左兩條街...
係條內街終於搵到間la!!! 係食定食個d~~~
日本人真係早餐都要食飯架bor~呵呵呵我嗌左個豪華烏冬，
mr.yan嗌左滑蛋豬扒定食~
所謂既豪華udon~~係有埋好似腐皮既野...
但mr.yan個set冇話係豪華set，不過望落好味好多~~keke

去返梅田個bus stop搭bus去有馬溫泉!!
我地買左係9:40分既特急~~
其實特急同普通只係相差10mins~~都係1330yen~~冇咩大分別...
可能係平日既關係，全車得我地2個+3個婆婆&1個女人~~
wakaka~~出發lu~~

搭bus真係好!! 又方便，又唔使係咁轉車，唔使睇邊個站落...
上到車即訓... 訓足1個鐘....
醒既時候就差唔多落車lu~hehe.. 係車望出去，有雪呀... 地下!!
唔通琴晚落雪??? ~

落車... 好寒好凍呀... 山上既溫度真係唔同d ga...
好熟悉既地方呀(兩年前先黎過XD")，行上去銀之湯~~~
確實比較偏僻... 入到去買左飛，
(銀湯550yen，金湯650yen，但買晒2館卷只需850yen~)~~
同mr.yan分開浸... 銀湯冇咩人... 我去到個陣岩岩有幾個女仔走...
得我1個浸.. 爽呀.. 透明既泉水，大約係38-40度...
好熱，唔敢浸全身... 浸左15mins，開始feel到想暈想暈咁
就沖身走lu... 估唔到mr.yan仲快過我~~佢都話好熱~~但浸完個人好舒服....
周圍行下，去左炭酸溫泉眼...
似係一個荒蕪既神社... 無人架wor，得d蒸氣...haha~
行過d鋪頭，買左炭酸水飲... 根本就係波子汽水嘛…

去浸金之湯lu~~一來又近d，二來金之湯出名d，果然多人好多呀...
不過大部分都係d婆婆... 金湯係泥黃色，分左42度同44度~~
仲熱呀.. 但唔知點解我覺得舒服過銀湯... 42度係浸半身...
之後去44度浸腳...舒服到呢... 呢幾日行街個d累..
好似消失晒咁... 唔係約左mr.yan係出面等，好想繼續浸...haha

Day 5 Part 3- 大阪週遊→梅田, 空中花園

搭subway返梅田shopping lu~~
但shopping前有樣重要事要做!! 就係買定聽日去有馬溫泉既車飛...
去旅行前己經上網search過個站係邊，大約係三番街個面....
係地下街搵左陣，搵唔到，問左幾個人再行下...
終於見到lu~~係地面搵易搵好多@O@"~

買左聽日朝早去有馬既bus飛，放下心頭大石... 盡情shopping lu~~

諗住去行comma ca store個座building架嘛~~
點知行錯路... 但錯有錯著，俾我地見到梅田既一風堂~~
呵呵呵，即刻去睇下佢有冇外賣個d買走...
有呀有呀!!wakaka~~掃左12個走..yeah!!

行去comma ca.... 第1站去左mr.yan至愛既Jump shop...
呢間冇東京個度咁大，不過都有唔少one piece精品
對於失落係animate既mr.yan....
就係咁買買買，我負責影下相，拎住d戰利品咁...
買左一大袋... 好累，7/f咁岩有個sweet museum...
就坐低抖下，食左杯乳酪… 再繼續行...
呢個商場，我地都有唔少收獲~~wakaka...

行完就過空中花園lu~~~其實一路行一路己經好累... 不斷死頂!!!
haha~~搭完lift再搭 escalator 上到173米高...
未上到頂層之前... 會有個落地玻璃大地方，
放左好多唔同shape既情侶seat... 可以同lover一齊睇夜景...
岩岩下晝落左雨，個天好清... 好靚好迷人呀...
坐左好耐，抖返夠本，又影下相…...
抖夠就上頂層... 空中花園，唔使隔住玻璃望夜景lu~~

 

點知一上到去... 嘩!! 好大風好凍呀....
凍到就算企左個腳架，個相機影相都震呀(俾風吹郁?) ...
捱凍影左幾幅相~~(唔係震左，就係太黑) ...
頂唔順，影幾張就走lu~~其實如果唔係咁凍，
呢度真係好靚好romantic既一個地方呀.. 勁fancy...

落返去... 坐多陣...
就返心齋橋，上酒店放低戰利品... 又再落去食過XD" ~
今晚食左"神座"拉面... 我覺得唔錯bor~~
我同mr.yan分別嗌左兩個唔同款架la
但食落又唔覺得有咩唔同，但佢個set仲平過我碗面，仲多兩舊飯團=.="" ~~
奇怪la ~~haha，但最搞笑既係....
呢間神座拉面，門口有廣播...
用普通話介紹話佢地係最好味最多人試既拉面"歡迎大家來試試..."
聽落好似返左大陸咁@@" ~~食開梗係繼續....又去食多次鶴橋風月!!
大阪燒真係好好味~~~正呀~~係starbucks買左櫻花限定版杯...
可以free飲一杯... sukaura唔知咩....
第一啖好怪，又鹹又甜咁，飲落又ok .... 飲飽食醉就訓lu~~ 

Day 5 Part 2-大阪週遊→通天閣

搭subway去新世界~~動物園前/惠美須町站其實都得...
只不過由前面行過去，定後面行返過黎姐....
我地係動物園前站出... 一出既感覺...
覺得呢個area比較雜... d靚女/裸女廣告周街貼...
唔怕小朋友見到架咩??@@" ...

經過串燒街(←個名我作既，因為成條街都係食串燒)
就會經到新世界la... billken個像，河豚既招牌，周圍既招牌~~
~影左幾幅相，就去食一早決定既lunch→河豚la~~~

yeah!! 入到去...e... 點解咁似去左普通餐廳既@@"~~
(心諗個格調應該high d架嘛) ，有個婆婆出黎招呼我地...
其實間野好出名食河豚(周街都見到吊住3集河豚個間)
又冇圖片既menu，中文冇，英文梗係冇
唯有出去睇d display指俾佢睇....
揀左河豚刺身+河豚shabushabu~~刺身到先...
佢有d好似豉油咁俾你點，但酸酸地，我地唔buy~~
就咁食刺身... 煙煙unun咁... 質地幾特別，
但係咪好食，一般la... 但叫左試過~
haha再黎個shabushabu，天書教要拎起d昆布，又落骨先....
個婆婆見到我地好似乜都唔食咁~~
幫我地整食，淥埋俾我地食~~haha

估唔到河豚肉好味wor~~有d清香既感覺....
好味過刺身好多.... haha~~唔錯唔錯!!!
就係咁食左almost 10000yen la~~好貴>O<~~

食完一出到去，個天黑晒，落雨lor~~~
好彩食之前影左d相咋，咪好蝕呀~~~拿拿聲行去通天閣...
又係free入場(600yen) ，搭lift上去睇風景...
其實去左大阪城，再去通天閣己經冇咩好睇la
又落雨~~haha，不過上黎梗人要摸下billken個腳板la~~
聞說摸左就行好運/心想事成?? ~~
所以個腳板己經俾人摸到凹晒lu~~買下手信... 走lu~~

沿路行返去串燒街，頭先lunch食幾舊河豚係唔飽...
一於試下串燒街最出名既八重勝...
唔知點解入到去有好奇怪既感覺...
有個肥大佬，好似唔like我地呢d外國人...
有個男仔黎serve我地，其實只係重bar台，指俾佢聽我地要咩@@"~
所謂既串燒，我覺得似吉烈燒多d~~有層吉烈皮既~~~
我地都點左1X串la~~haha，個豬腩肉好好味...
又我好中意既蓮"偶"~~試左燒芝士，好正呀! ...
話說我地呢d遊客X港女，見到野食梗係喪影勁影架la...
個肥大佬個樣直情唔妥我咁(佢可能心諗，影咩呀影)
到我想影佢地bar台d串燒個陣... 佢直情同我打交叉話唔俾我影....

咁我覺得d串燒一串串咁好想影丫嘛....
趁佢擰轉頭，即刻偷影~~~haha:) ~←乖既小朋友唔好學!
好la，食完埋單，佢只會就咁同你講價錢架咋嘛，同我講日文=.=
咁serve我地個男仔就想搵紙寫俾我地睇... 又俾肥大佬鬧...
唔知鬧乜，肥大佬就好醒咁，舉手指我睇....
haha，我明就算la... 走lu~~

Day 5 Part 1-大阪週遊→大阪城

今日會留返係大阪玩... 用左之前買定既大阪周遊咭~~
大阪周遊咭，其實好抵玩... 2000yen，全日任搭subway
仲有好多地方係free入場費....
但千其唔好為左賺多d係咁周圍去走馬看花...
去d自己想去就ok la~~兩三個地方其實都有賺架la!

我地搭左全日搭左4程subway (around 220yen X 4 = 880yen)
Free 左大阪城公園入場費(600yen) ，公園小火車(200yen)
通天閣入場費(600yen) ，空中花園入場費(700yen)
扣返2000yen既周遊咭，賺左980yen呀!!wakaka~

其實仲想憑呢張咭，去搭聖瑪利亞號(搭要1600yen架)
去玩天保山個邊... 但時間關係，一去左
就冇得去梅田shopping.... 算la算la~~~

係大阪玩，唔使咁早起身...
9點幾先出門口，去食想食幾日既M記早餐~日本m記早餐d包..
係甜甜地，好似pancake咁...
我幾中意，但mr.yan唔多欣賞，佢話好怪wor~~ 

用free pass搭subway la! 只要你用左第一次
佢就會record低日期時間~~咁個日就可以憑pass任搭+
出示pass可以free入場....

第一站大阪城，搭到去谷町四丁目站~~
出口行前d，會見到大阪歷史博物館&大阪警署....
好型既建築呀... 會覺得係入面d police都會型d~~haha...

再行前d就係大阪城公園既範圍...
今日雖然唔係陽光普照.. 但仲算ok，冇落雨....
行到大門... 再行入去日見到西之丸庭園(用pass可以free入場架)
但其實只係大草地一遍.... 冇野睇... 冇入到
再行前d，見到有小火車wor~~諗住佢可以車我地入城la~~
(反正用pass可以free 200yen) ，點知....
原來佢地車返我地出大門=.=呆左.... 再行過~~

 

行到去大阪城la.... 恨左好耐黎la... 真係好宏偉呀~~
今日帶左腳架.... 係咁影相la~~yeah!! 入場費600yen(free左)
可以搭lift上到6樓... 再行上兩層睇風景.. 好大風呀...
同埋好多中國人耶....=.= "，其實大阪俾我感覺上細過東京咁....
上到去我會見到hep five，又見到通天閣，又到道頓堀donki wor~
好舒服... 可以望到好遠好遠.... 係HK係唔會見到ga.....

再慢慢逐層行返落去.....
有印仔吸(日本好多地方都會有個印仔俾你吸
等你記得去過邊，我好中意吸架~)
之後仲有部機，你可以買個coins~
再印自己個名&日期落去...430yen ~正!

出返去.... 又食雪糕，話係大阪城名物，
寫住係栗子但其實似薑味既雪糕~~haha
開始落毛毛雨，行快兩步去下一站lu~~~

Day 4 Part 2- 京都伏見稻荷大社, JR京都站

話說我地係要去稻荷站..
但特急但唔會停既，得站站停既普通車先停...
本身既方法，係諗住搭到去宇治，落車等普通...
慢慢坐6-7個站，坐去稻荷...
但由於唔知普通坐6-7個站要幾耐，加上怕中途再遇到特急
又要等好耐，等架特急走，我地先可以繼續...
最重要既原因係架特急好好訓....

我地決定坐多1個站...

坐到去東福寺(己經過左稻荷站架)

坐返倒頭車... 都係1個站姐~~近好多…  

 

去到稻荷站，己經有有大個伏見稻荷大社既banner歡迎大家...

行出去唔夠20步，就會見到大大個鳥居同我地揮手la!!!

haha~~我真係好中意橙色既鳥居~好sharp 

 

大門前會見到狐狸像，原來狐狸係稻荷神的使者

↑係其他blog既知識搵返黎.... 

 

行上去有d毛毛雨~~~去呢度就係為左個千鳥居tunnel la!!!

d鳥居越行越細，又暗暗地+上落雨，好有feel~~

wakaka... 影左好多相，好得意... 

行完其中一段，又有個地方係祈福既，再可以繼續沿住鳥居行上山...

 但我地冇行到lu~!聽聞要行個零鐘+上都係個d鳥居姐~~~

haha.... 沿路影左好多相~~買左個迷你鳥居! 

走lu.... 坐返兩個站既JR奈良線去京都站...

明明兩個站坐5mins就到... 但竟然遇到JR delay wor，

delay左almost25mins呀....

我成日覺得日本d subway/JR準時都不得了架嘛....

 竟然遇到delay，好suprise呀...  
(我冇諗過會有故障既問題，硬係覺得故障都會準時lor~haha) 

返到京都站~~上左10/F 京都拉面小路搵食!!
去之前做左research，己經決定左食京都派拉面→寶屋!!
個湯底唔錯.. . 個c父梗加唔錯~~haha 
落左地下街&伊勢丹行... 地下街多數賣女裝.. .
唔係咁岩，去左伊勢丹supermarket...  
 試左林萬昌堂既栗子雪糕...yummyyummy!
見到d cake又發晒光咁la~~好記得上年係池袋西武我地兩個都係咁發左癲@@"~
琴日mr.yan生日都冇食到cake
於是我地就揀左幾件...hehe好開心~~

 

 

   

就係咁，兩日既京都奈良之旅... 完lu...
搭返JR返大阪，再轉返心齋橋..... 去酒店放低d cake... 

去返食早兩日食唔到既美津大阪燒..

嗌左兩個，一個係美津雜錦燒，另一個係帶子山芋燒~~~

嘩!!! d帶子粒粒都勁大... 仲有5-6粒咁多~~

淨係食帶子都抵呀~~~好好味!!

 我覺得大阪燒真係好好味呀..... 正! 

食完去donki行下，睇下有咩手信岩....

冇既，冇晒我地想買既即食帆立貝，開心果，綠茶朱古力...

咩都冇.... 買左d杯面，零食就返酒店訓lu~~ 

Day 4 Part 1- 奈良興福寺, 東大寺

今朝7:30起身... 天色暗暗地....
己經預左佢會落雨，但只希望唔係大雨，同唔好長期落就ok lu~

第1目的地係奈良.. . 搭近鐵係最放便...
行10-15mins 落難波搭近鐵...
好順利咁搭到預計8:37既特急!!!
今日驚太多人冇位食便當，只係買左麵包& coffee… 

坐around 40mins就到lu~~~今日有d凍+風+雨~~~

一出到去，同係室內有暖氣，係兩個世界呀!!!

因為本小姐兩本天書都冇介紹過奈良...

只係有d 上網既資料係手，

不過佢有tourist information center!!

Very good! 個姨姨仲識講普通話...

其實有張map係手，行奈良好簡單...

佢仲介紹話夜晚有個煙火節目係東大寺附近...

但好可惜，我地只會係奈良逗留半晝... 

 

係近鐵出左去向前行...

15mins，就會到左第1個景點... 興福寺

(原來系世界文化遺產黎ga，係京都同奈良，

好多野都好似係遺產，好珍貴..haha)，

佢最出名係五重塔... 仲係以前奈良既地標tim ~~

落住毛毛雨... +上對呢個寺冇咩concpet
冇咩興趣留左一陣影下相就繼續續向前行~~ 

 

係奈良，鹿係多過人ga.... 隨街都見到鹿....

好得人驚(驚怕動物的人→我)

沿路一路行，周圍都見到...mr.yan超興奮...

我就... 避得就避....其實本身我唔打算去奈良

因為最出名既東大寺我前年去過...

又冇其他特別野，但mr.yan一知有鹿..非去不可.....=.= 我好慘~ 

 

行多15-20mins，就會去到東大寺既大門口，南大門...

沿路入去己經好多鹿... 過左南大門...

鹿多到呢~~好驚... 加上又有d學生係度餵鹿...

好多鹿留係度等食... 好癲呀...

 完全俾d鹿block左條路，我都唔知可以點樣行入去...

真係好驚... 好彩有帶遮.. 開住把遮護住自己既右邊，m
r.yan就護左我左邊，夾自己入去la~~haha.... 

 

 

東大寺係世界上最大既木造建築，

又係好似話冇用過一口釘"~入場費500yen~~

周圍睇下參觀下... 再行埋附近其他寺...

周圍行到好累...

搭左200yen bus返去近鐵站，去隔離條街搵食~~ 

 

食左好味既炸豬扒飯(點解日本周街搵間炸豬扒都咁好味架，

仲要唔貴，hk好味個d，平既都要成200HKD一個set，

係日本HKD80蚊就搞掂) 

走lu.. 諗住行去搭JR... 因為之後係去京都係伏見稻荷大社.....

原來由近鐵站行去JR，差唔多要20mins...

好似見唔到盡頭咁... 沿路又冇咩睇wor~~

終於見到JR站... 買完飛個陣係14:07分~~

見到有架特急去京都既14:09開... 得返兩分鐘...

個站都幾大，又要睇清楚指示牌... 又勁跑~~

咁都俾我地兩個追到... 好勁呀@@"~~

上左車around要坐1個鐘先到.... 我地就訓lu~~

Day 3 Part 2- 京都清水寺, 祇園, 河原町

本身上網見過人地教點樣由金閣寺去清水寺~~
有個比較stupid既教法，搭返40mins車返京都JR站
再搭30mins車去清水寺....
本身我都係諗住咁搭(冇法la，唔識丫嘛) ...

但其實咁樣真係好waste時間....
咁睇過地圖，如果我地繼續搭205號bus
就會去到北大路既一個大站，可以轉好多車
個度可以轉206落清水寺....
雖然未試過，但唔想waste時間就唯有咁做la!!!
搭去北大路只要3-4個站，到左.. 落樓梯再上樓梯
再可以去到206號站la!! 佢每條線與線之間係封左...
所以要落樓下轉線~~好似hk搭火車咁...
(本想影下相，但一去到站有車即上~~hee) ，
就係咁.... 好方便咁抵達清水道站!!
(由金閣寺上車到清水道落車只需30mins~~賺左時間XD"~)

落左車，即係有幅地圖話你知身在何處...
沿住斜路係咁行上去就到... 行15-20mins la~~
頭10mins係冇野睇，經過人地d屋呀，之後就係手信街~~
好多試食好多野買呀....

行到盡頭，就見到清水寺大門仁王門~~~
好靚呀... 藍藍既天空+橙色既建築... 好舒服好靚~~
但最緊要係把握時機影相...

因為大門口，有旅行團(本地+外國)想影大合照la，
有學生周圍走la，有其他自由行la...
趁冇咩人就要咋咋林快拍幾張...
真係超級多人，想影張相你附近冇人都難既....

入去參觀周圍睇... 3月頭櫻花未開...
但望住周圍d環境令人心曠神怡... 好舒服...
影左好多相~~個清水舞台真係勁!!! 之後去地主神社...
(根本係晒入面，順住路行就得) ，求姻緣...
好多人都mi埋眼行個對面舊石~~haha，我地摸下就算lu~~
入面神社d女仔，真係著到好似火野麗咁架!!! haha~
好想同佢地影相，但又怕羞wor~~hee...

再行去音羽之瀧... 三條水流分別代表智慧，戀愛，長壽~~
但只可以是但飲一條既姐~~為左要影相，輪流上去飲....
都唔知自己揀左邊個....haha~~

個個用佢個杯直接"隊"埋口入...
雖然有紫外光燈話消毒，但一放入去
又俾其他人即刻拎返出黎恕我接受唔到..
(你見到d紅唇auntie，奇奇怪怪既uncle，就唔會接受到...)
我係用係個杯裝返黎，用手"dull"住飲左d~~~
he~~咩都好la~~wakaka~~

沿路行返出去，手信街我黎la~~~
好出名既八x橋，食個d草餅咁既物體...
有得試食~~勁食.... 芝麻同綠茶最好味....
間間都有得試，又有綠茶俾你飲消化下...
.可以食到飽~~haha，買左d手信....

沿路行落祇園...會經過二寧坂、三寧阪
沿途好多野睇，好多野食買，又有京都女人頭~~
中途見到兩個藝技姐姐~~
咁睇過好多人都話佢地唔會同你影相/唔中意我地影佢地....
但呢兩個姐姐好後生咁... 一於鼓起勇氣la!
佢地好好人... 話ok~~就咁係影左合照lu~yeah!

繼續行會經過高台寺，円山公園←我地都冇去既...
最後係八坂神社~~橙色既門口~~好奪目呀...
兩年前我都黎過，都唔知係咩~~haha但都覺得好靚~~
入去再行個圈... 影相~~

開始係祇園行街搵食~~第一站茶寮都路里...
有幾出名唔使我講!! 但原來搬左(定裝修)..
天書個地址係唔會有得食，只會有得賣，但個度d人會教你點去...
其實只係斜對面.... wow~~好多人排隊... 清一色日本女仔~~
(mr.yan發達lu~)...等左陣!! 有得食lu~~
我揀左最出名既抹茶甜品(請恕我唔知佢叫咩名，自己作既)
mr.yan就嗌左個set... 果然係好濃既抹茶味...
hehe~好味，mr.yan個set有d小丸子，都唔錯~~

行街~~祇園都有好多特別野架bor~~之後見到丹波屋...
係燒糯米團+d汁咁.. 見到好多人排隊買... 唔執輸又買串試下....
um... 好怪lor，唔得既... 糯米又飽肚...
唔想為左食佢，而放棄其他，咁我地食左一啖之後就放棄佢lu....

繼續向前行就會見到松乃鰻魚飯...
我實在太念念不忘東京上野既鰻登亭... 今次去大阪~
我話一定要有餐食鰻魚飯既!! 呵呵~~research到呢間松乃，
d人話好正但又好貴... 一於試下la~
~個陣係下晝5點幾，間鋪冇客人...
幸好可以order one only~~太貴la~
成HKD300蚊一個鰻魚飯，一人一個就太奢侈...

hehe~~可能己經知佢好好味，就冇左鰻登亭果種surprise~~
但都真係好好味... 唔係抵食，但可以一食!!hehe~~
大滿足咁繼續向前行... 會經過河，過對面就係河原町la.....
經過條河個陣d風係咁吹埋黎... 好凍耶~~~

去到河原町，會見到阪急&高島屋....

去左搵mr.yan想買既象象面油紙...
本身我都唔知有呢間野，但可能mr.yan知我中意象(要吸水ma) ~~
佢留意到~~果然有象象呀~~haha
買左面油紙外，又買keychain，又買鏡~~會吸好多水lu~~

行去新京極通... 見到錦天滿宮... 行個圈繼續行街
同mr.yan都各自有收獲~~今日係mr.yan生日我地仲去左影貼紙相...
而家d貼紙相機己經好先進....
進化到唔使自己畫，佢都會幫你整大眼仔=.=~~
我帶眼鏡都好d...mr.yan冇帶眼鏡+皮膚白+大眼仔，
影完出黎好似個女仔呀~~~hahaha

繼續行食左若狹家既魚生飯(明太子+海膽+甜蝦)!!
依舊yummy!! 終於俾我地見到supermarket la~~
掃左d零食... 9點幾走lu~~本身行程係諗住搭返bus返京都站
轉JR既... 但河原町有阪急~~點解唔搭呢?? good~~
就搭阪急通勤特急返梅田~仲要平d tim呀
JR要540yen，阪急只需390yen~~good!!

返到大阪~~同mr.yan食第2次一風堂宵夜慶祝~~~
26^th happy birthday~Love=3=