廢up篇~

其實今次既旅行都有d變數...
當初上年去完東京後，我同mr.yan完全唔夠喉咁...
己經話出年要再去日本.... 東京實在仲有好多地方未去，想再去同再去....

咁我地就諗，再去東京好似唔係幾好，不如東京+大阪咁去...
可以去耐d，去8日，每邊玩4日~~ (貪心既自遊人) ~~呵呵....
一路都係咁諗.... 但再上網search下... 由東京落大阪，可以搭飛機(一定唔會揀)
搭夜行bus，搭JR新幹線~~雖然我地後生，可以坐夜巴
但去旅行梗係想舒舒服服&爭取時間玩多d .... 咁即係搭JR la，唔check都好d，
1 check ... 嘩!! 成千蚊1程架wor ~~ 1千蚊坐2個鐘既JR .... 好貴ar ...

咁都要繼續search架嘛... 又發覺大阪個邊其實好多野玩，4日玩唔晒....
(玩埋京都神戶奈良就梗係冇可能) 又驚到時4日東京4日大阪，
變左兩面都唔夠喉.... 咁就改變主意.... 淨玩大阪個邊算la ....
咁玩大阪，唔使8日咁多... 去7日算la ~~咁就plan 7日la
(一路以為機票最長係7日嘛) ，點知係計7晚，可以玩8日~~
雖然7日都夠玩，但岩岩好... 8日d時間可以鬆動少少...
想repeat食多碗拉面都好呀~~最終係落實左8日去關西之旅lu~

今次去旅行，research左好多...
不停睇blog，睇天書，睇食咩，睇點搭車~~其實比較擔心既係搭車方面....
因為大阪實在有太多唔多既subway公c，太多線....驚自己搞錯....
所以要搵多d資料~~又要搵埋d時間，因為要預時間... 睇下幾點有車...
要幾點出門口咁~~行程方面，全部都由本小姐plan既~~
haha，mr.yan只係需要話俾我知，佢想玩咩去邊，我就plan
因為mr.yan完全冇concept，點樣玩會順路d，方便d....
但為左唔好令我覺得好似得我一個人搞，好lonely既感覺...
我要mr.yan負責揀食咩~~因為上次係東京佢自己搵過個d都唔錯!!
呵呵，今年冇左杜如風流行大阪~~冇左一個channel介紹我地去邊度食買玩~~
真係失色不少~~kakaka

為左呢個旅行.... 我都睇過晒坊間大部份既天書....
係書展買左正文社個本，再之後換左新假期個本...
其實正文社係唔錯，資料地圖都ok，但買左就後悔...
因為佢所謂既京阪神既"神戶"，只係講左有馬溫泉咁大把....
三宮，神戶港，元町完全冇.... 新假期個本mainly講食咩買咩，但資料性就no good~~
唯有自己額外search~~另外呢兩本都係冇奈良ga..( 可想言之我係幾後悔) ....
好彩奈良玩半日鹿仔公園... 去書局偷拍下其他天書d地圖...
就應該冇問題la掛~~haa...

→去行程lu~~