Day 2 Part 1- 池田"日清博物館"+邂逅一風堂

係HK睇日本yahoo 天氣己經話今日會有雨~~
點知起身見到個天都黑晒... 考慮左一陣...
就決定唔去環球影城... 改做shopping day la~~

所以就可以用琴日買大阪出張個張free pass lu~~不過free得好少...free左兩次咋~~(free都要計住XD")

free搭去梅田~~再轉阪急寶琢線→池田站(260yen，坐20mins)....
出左站就好多notice帶去我地今日既第一目的地→日清博物館
途中仲會見到一風堂拉面架~~hee.. .

去到10點都未夠，都未算好多人... 周圍參觀下~~
就要排隊畫杯面la!! 重點項目!!!haha~~
首先用300yen買個吉杯... 再去用marker畫靚靚你個杯....
之後就排隊... 消毒杯，轉入杯面，揀湯料揀4款送，
最後wrap埋再抽真空!!! 完成~~~自家製杯面...
好好玩... 好多family係度畫~~
絕對係very good既親子活動呀!!! ~

 

(其實我覺得日本人真係好中意自己"才禁"機買野...
話說300yen個吉杯，又要入錢press button咁la~~
部機冇貨，個工作人員就推大箱吉杯出黎
refill落部機度，再俾我地自己press返出黎...
haha，咁點解唔開始就俾300yen個staff
佢俾個杯我地，唔使多個procedure丫嘛!哈哈)

黎到杯面博物館，唔食返個點似樣，
佢呢度有晒全日本周圍地方限定既杯面揀....
我揀左個札幌特濃...mr.yan揀左個唔知咩兵衛~~
原來木村係日本有幫日清拍過好多廣告架~~
一路食一路睇d廣告，好好笑，特別係curry 味，
成班阿拉伯女仔伴住佢跳d 騎呢舞~~hha...
之後我地揀多幾個限定拎走.... 就完結我地既第一個行程lu~~

出返去... 又見到一風堂... 無奶油就咁走架ma~~
既然個天注定我地要相遇~~haha，
就入左去試下佢出名既白丸拉面la !! mr.yan揀左赤丸~~~
黎到la黎到la ~~~試佢第一啖奶白色既豚骨湯...
嘩!! 正到呢~~仲勁過杜如風既初戀海膽飯呀~~
真係超級濃，超級好味.....
而mr.yan既赤丸，我覺得甜d，清d冇咁rich  wor~~

(之後上網check返，白丸係豚骨味，但比較清
[但本人己經覺得超濃郁，超rich超cream ] ，
而赤丸係更濃郁既豚骨，但會加左d味噌&辛香料[←但我又唔覺]) ~~
超滿足，佢仲有d spicy既芽菜放係張台度，俾你自己任食~~
明明我係唔食spicy野，但覺得超好味....
所以每次食，我地清左人地d芽菜一半咁滯~~haha ....

一風堂己經成為我心目中既拉面No.1啦1!!yeah ~
最好既，佢仲有d一人份量既外賣package，
俾你買返屋企自己煮...
就可以成日懷念我既一風堂la ~即買兩包先~~ hee