Day 1 Part 1 - 關西空港

終於出發la~~~約左mr.yan 8:30係機場等...

估唔到同一時間一齊落車wor~~good!!!
去check-in lu~~CX果然多人搭.... 都要排一陣隊... 寄晒倉後...
輕輕鬆鬆咁入閘.... 一早己經諗主食burger-king早餐架la...
平時冇咩機會食佢個早餐架ma... 不過試過之後真係覺得.... 唉....

都唔平，$30蚊，飲橙汁仲要+多5蚊... 豬柳&蛋同M記一樣，
最失望係薯寶，諗住脆卜卜架ma.... 點知晨早己經num晒...
橙汁+左5蚊我真係覺得蝕~~~
哈哈，睇黎個bk早餐俾我彈到咩咁bor~~~唯有寄望日本d美食la~~

10:20上機，準時起飛lu~~
去個程睇左"寡佬飛行日記" + 半集new moon>3<~
仲諗住寡佬拎獎會好睇la~~我又唔覺得... 仲覺得有d悶tim~~
食飛機餐...fish or chicken~~預左唔好食.... 點知真係=.=""

14:25降落關西空港l u~~
過關... 唔知係咪著得太yo既關係，俾人叫左去body check ..
唔使除衫，但個女海關會成身拍一拍摸一摸咁~~出到去....
上2/F，一出去出面... 嘩好凍呀... 寒冰掌咁...
就會見到關西空港"馬尺" ~~入去買飛lu~...

我地係坐南海電鐵.. 佢有個packa g e既...
如果坐普通既南海電鐵出難波，大概要50分鐘890yen，
但如果坐特急劃位既rapit就只需要40mins，但要1390 yen ~~
好多人都唔會爭個10mins而俾多500yen價...
所以大阪出張既package就very抵la~

1500yen: 包特急劃位南海電鐵出難波+一張1 day subway & bus Pass
+多110yen就有張1 day Pass la wor~~
佢有expire date架~但如果你係14天內既旅行就一定冇問題，
唔使係你買飛個日搭既...
之後既旅程搭都得，你入閘個日佢會mark低日期，
係果日內係大阪任搭subway (普通1個站既subway都200yen la，
所以你搭一次，呢個package都係抵既!!!hehe~)

我地搭15: 30分時特急~~仲有少少時間就係機場行左個round~~

(經驗之談:for住係心齋橋黎講，我覺得搭南海電鐵其實麻麻，
因為南海總站去到難波(道頓堀附近) ，如果住心齋橋，
要轉多程subway/行 ，拎住個luggage又未係好熟路=唔行，
唯有搭subway，但南海難波同subway 難波站又唔同架wor，
拎住個luggage行上行落，最慘係有d冇escluator，
要自己拎住行樓梯，勁唔方便~~所以有得揀搭bus就搭bus la~
我last day走個日就係搭bus，之後再講)

約16:10出到難波，搭subway去心齋橋..
由出口行到去我既地目的地hearton hotel，2mins都唔使，
真係超近又方便!! 我地係住別館..semi-double room，
日本房都係偏細架la~~開埋我地兩個luggage...
根本就得返條"la"行... 加埋之後既戰利品... =.=冇晒位~~

去玩la!!!