❤大阪城3D show。Last Day❤日本紙婚之旅@4-5.1.2014

最後兩日啦!!!!衝次去買野shopping!!!!!!!!!!!!!!!!!!!!!!!!!

朝早去左美津之食大阪燒，當年覺得d帶子大隻又好食!!!!

今次都依舊覺得好食，但帶子好似細左d呢.....

之後去梅田行街，食多次最愛一風堂既白丸!!!

再去行天滿橋.....

成條行人街超長.....

唔算好多特別野，但係大阪行到無野好行都可以行下XDD"~

但個度有間100yen店賣d好靚既碗碗碟碟....

忍唔住又買左dXDD"

❤京都。和服體驗❤日本紙婚之旅@3.1.2014

今日向京都出發!!!!

由於而家mr.yan己經熟晒d JR/ subway線....

我就做無知既太太跟住佢周圍去....

以前去京都淨係識搭JR....

今次我地去清水寺mr.yan就帶我搭京阪電鐵啦!!!!

係清水寺附近有個站.....唔使再搭bus...

今日有個特別活動，就係mr.yan幫我安排左可以去著和服lu~~

呵呵呵...勁開心.....我只係話佢知我想著....

就由佢揀由佢安排~~~keke...

mr.yan揀左係清水寺附近既岡本和服店....有本店分店!!

我地係本店.....入到去就有個女人幫我....
mr.yan就企埋一邊慢慢等....

首先揀和服....再揀腰帶，腰飾，底衫.......

花多眼亂呀完全!!!!不過又好興奮....

鋪頭入面好多都係HK/台灣女仔呢~~~
個個都柴wawa...XDD"

❤1314。神戶。松板牛❤日本紙婚之旅@31.12.2013~2.1.2014

哈哈~~~連寫3日!!!因為主打係shopping呢!!!

31.12.13

因為日本假期，好多旅遊地方都唔開...
所以我地終於留返係大阪shopping啦!!!

一早同mr.yan去左行道具筋!!!好似上海街咁....

超多煲煲撐撐碗碗碟碟....我睇得超開心超開心!!!

樣樣摸下摸下....買左d戰利品啦!!!

咁我地就返屋企先.....因為要pack1箱野寄返HK先XDD"

買得太瘋狂，而且家姐之前又有d LC煲wor...

去郵局寄21kg返HK，咪帶唔到返唔到HK~~~

 (但我最後都爭d爆gip返港，25kg + handcarry 應該有10kg XDD")

仲買左夫妻錶X!!XDD"

去梅田行街...行左新商場Grand front Osaka....

地下三番街，搵鬆弛熊XDD"

想行hep-five但除夕成個商場都唔開lor!!!

真係勁呀....HK邊有可能商場唔開ga.....

❤結婚1週年。USJ❤日本紙婚之旅@30.12.2013

紙婚之旅最重要既1日!!呵呵

估唔到咁快1週年lu~~上年結婚既事仲歷歷在目!!!

今年係日本影左d重演結婚相XDD"

❤即摘士多啤梨。宇治❤日本紙婚之旅@29.12.2013

離開左大阪咁多日....

終於近返d啦!!!!haha~~~

超好天....我地向京都出發!!!!

因為12月-3月係士多啤梨季....
所以一早叫左mr.yan安排去摘士多啤梨，嘻嘻

但近聖誕，好多園都唔開....

最後終於搵到京都呢1個farm....

搭京阪電鐵去到八幡市站，再轉20mins bus...

再行多5mins到就到啦~~~~

任場費2000yen一個人，50mins任食!!!!

開始lu~~

溫室士多啤梨場，同hk既唔同，hk個d蹲低係泥地用剪力剪...

日本既係set到佢好似台既高度，唔使蹲低就食到....

佢教我地係個"定"度摘....俾隻紙杯我地....

一路行一路食，d"定"就掉落紙杯入面.....

雖然無美國長柄咁香XDD"，但都好甜呢~~~

我諗我地每人都幾左起碼，60-70粒.....抵返晒!!!

❤名古屋。科學館❤日本紙婚之旅@28.12.2013

我地既行程都好緊密架XDD"

係白濱返黎大阪抖一晚....我地一早又離開大阪!!!

展開名古屋1天遊....

又係因為青春18pass~~~所以我地又去遠d啦!!!呵呵呵

但因為無得坐特急，要坐快速...個零鐘既車程，我地坐3個鐘XDD"

但就經歷左好多唔同地區既天氣呀!!!

係大阪陰天，去到彥根/米原轉車落超級大風雪，但去到名古屋又有藍天wor...

睇下真係好大風雪架....

❤自駕和歌山。白濱❤日本紙婚之旅@26-27.12.2013

去完白川...返屋企抖1晚，第2朝又出發lu~~~

今次係去和歌山，白濱2日1夜溫泉之旅!!

去左咁多次旅行，終於第1次自駕lu~~

講真，真係有d緊張...唔只甄生，我都有XDD"

甄生係香港少drive，所以臨飛前搵左老豆補左幾堂....呵呵

我地今次book左日產租車，係難波取還.....

之前一早上網book左，去到帶book車confirmaton，國際車牌+ passport就ok!!

 

我地揀左日產March，銀色好靚仔!!呵呵

上網做足功課，檢查清楚車有冇花/凹位，影低相....

問清楚d制係邊，轉左轉右，車撥，仲有最緊要係油剛位!!!哈哈...

同埋睇下個GPS點用....但我記得日產個GPS係要俾錢extra租....

但無廣東話揀，得國語，我地ok無問題!! 兩日租車14000yen有找....

個GPS初初用都d唔習慣....因為無論靠右線/轉右都係講靠右...

所以係難波上高速個陣，我地都要dull幾條路先上到XDD"

我地唔跟GPS行錯，等一陣佢就會show條新路~~

上左高速去和歌山大約個零鐘，沿途有service area (休息站)都會有顯示...

又有預算下我地大概仲有幾耐drive....

不過呢個零鐘我地兩個都好緊張.....

我負責幫mr.yan望個GPS睇下條路點行...

講下呢個路口點行，都無咩講其他野XDD"~~

❤金澤。白川。高山❤日本紙婚之旅@24-25.12.2013

終於黎到紙婚之旅既重頭戲!!!!

世界文化遺產!!白色聖誕白川鄉!!!!!!!!!!!!!!
真係好浪漫好夢幻勁幸福....❤❤❤❤❤

其實白川距離大阪都幾遠下....
如果坐旅遊巴直去都要almost 5個鐘車程....

由名古屋出發會近d~~

今次既旅程我地先由大阪去金澤→再由金澤入白川~~

回程我地係白川去高山，再係高山搭JR返大阪!!!

出發~~~

我地係大阪搭特急JR直達金澤....坐2個鐘45mins~~

車費每人7440yen!!!差唔多600HKD，真係好貴....

10:30左右，我地就到左金澤!!!!

出到去真係凍過大阪好多呢.....

坐bus去近江町市場!!!係金澤好出名既街市!!

我地去個陣係蟹季，成個街市都賣蟹，超吸引!!!!!!!!!!

仲有好多唔同海鮮特產....

我地去就係為左食勁出名既刺身丼!!!!!!!!!!!!!!!!!!!!!!

望下個樣己經正到爆~~我係豪華雜錦丼!!

mr.yan係海膽，魚子丼!!!!!!!!!!

樣樣都超好味，d海膽勁濃海膽味
魚子卜卜脆，超正超正超正!!!

而家諗返都口水流.....

再買左d金澤特產-金箔野食XDD"，買下手信....

❤京都。嵐山嵯峨野❤日本紙婚之旅@23.12.2013

第2日旅程~~~繼續離開大阪....

(我地頭1星期旅程都無係大阪活動過XDD"，

因為好多景點都係29號後就會休息放假...

所以我地一去就玩晒周圍先，之後留返黎shopping行街)

早餐係前1晚買既蛋卷~~入面係夾雪糕架!!超好味~~

向京都出發，第1站係嵐山...為左搭小火車....

聽聞好爆，所以預早1個月前己經叫mr.yan買定....
點知第5卡都係好快賣晒~~

因為第5卡係無窗，所以諗住睇景影相方便d!!!

點知其他卡原來都係可以開窗...所以唔一定要買第5卡!!

去嵐山坐小火車最順路既玩法就係好似係我地咁:::

先坐JR去馬堀站，再行5mins去到小火車既龜崗站....

搭小火車去嵐山站落....再沿路行返出渡月橋個邊~~~

去到龜崗站好有特色呢~~
今日天氣超好!!!!岩晒郊遊~~勁開心!!!

小火車都報置聖誕裝飾勁有氣氛~~
而且聖誕搭有禮物仔送，係個小火車公仔匙扣~~

 

❤滋賀。彥根❤日本紙婚之旅@22.12.2013

訓醒一覺，終於開始我地既旅程！
今日既目的地係去滋賀！滋賀其實唔算熱門旅遊區....
不過都有d景點值得去！
而且呢一日亦係唯一1日我係日本無聽過廣東話(老公除外啦:p)

超好天出發，我地買左青春18 JR pass，
11500yen 5日任搭全國JR!如果去得遠真係好扺
因為日本車費真係好貴！

 

第一站我地去近江神宮，睇下神社影下相

❤第1晚在大阪❤日本紙婚之旅

開始寫紙婚之旅啦!!!!
今次既trip由21/12/2013-05/01/2014!!!
足足16日~~勁開心!!!!請7日AL，連紅日放足16日，就去足16日!!!

搭機，因為近聖誕，所以早半年前己經買定機票!!!
又因為direct flight好貴
我又時間長，所以我揀左坐中國東方航空....
係上海轉機去大阪，overall都好lucky
無咩大delay (30mins內都accpetable啦)
而且最surprise係有哈根達斯雪糕食，而且d飛機餐都幾ok!!
去程係上海等左兩個零鐘，有running man睇好快過XDD"~
回程仲正，因為大阪飛上海個陣delay左20mins，加上轉機手續等得耐...
去到閘口又上機，唔使等!!!haha~~
本身我打算星期六返，但因為星期日平d，所以玩盡佢星期日先返!!
好lucky，因為check返星期六返HK班機delay左兩個鐘!!呵呵
今次來回連稅$2800，真係抵搭!!!

第1日我中午12:30己經上機....
日本時間差唔多10點mr.yan先接到我(有1個鐘時差呢)~~~
勁開心，大半年無見老公啦~~~~~
不過 過關個陣都好緊張....因為我帶左d臘腸俾mr.yan....
勁驚check gip，順利過關!!!日本凍過hk好多呢~~

今次既trip同以前既好唔同，以往我會check晒搭咩車幾點有...
但今次全程我只係做跟得夫人
跟住mr.yan，所以搭車/去邊/食咩d野都係交晒俾佢搞..
wakakak，爽好多!!!

mr.yan住既地方叫"新今宮"，近天王寺/動物園前...
可以搭南海電鐵/JR/subway
附近就係通天閣!!而且新今宮係大站，特急都停
踩單車去難波心齋橋都係15-20mins..
真係超方便!!!!

第1晚我地返屋企放低行李...
就踩左單車出心齋橋食一蘭&大阪燒....

超滿足呢~~

Joey Concert & 勁正既The Market buffet**

消失左個幾月，自從12月中生日後，就無再update過啦!!!

因為家姐& bb係澳洲返黎，我又去左日本兩個星期...

好忙好忙呢~~~~

日本16天紙婚之旅，之後會慢慢出post!!

不過想post左個buffet先，因為真係超好味超正!!!!

1月5號夜晚落機，1月6號就返工...
夜晚同個fd睇joey演唱會last 場!!!

坐山頂最後個行，不過有變色LED螢光棒，成場氣氛好正!!

我地只要開著螢光棒，就會由大會panel控制轉色!!勁high~~

而且佢把聲都開返少少，由8:45唱到12:00!!!

我有朋友睇尾2個場(即係早我1場)
但佢9:15先開場唱到11:15咋...

蝕晒XDDD"~~

1月8號就去Hotel Icon既The market食buffet!!!

呢個buffet真係巴閉，我地早個幾月先book
先book到閒日夜晚有位....

而且無蠔食~~$600一位~~~

個個都推介好正!!!所以我地都好期待..

第1次沒有mr.yan的生日@2013-12-12

估唔到結婚後第1個過既生日....

我老公竟然唔係身邊.....

有好多好多既掛住，有少少失落~~

不過身邊有家人朋友同事....都可以補返下既~~

出黎做野第5個生日，第1次係生日正日都照返工...

一來假期唔多，而且放假又無咩特別野做....

返工啦!!!!!

點知lunch後有個mini surprise b-day Party....

老世買左蛋糕同我慶祝!!!!

有30多位美男子唱歌同我慶祝!!!

有點小感動呢~~~

(對呀，我的同事就只有男仔/男人....

加上我著住件襯咩色都唔襯既綠袍.....

估到我職業係咩嗎???haha)

仲第1次幫高過我既，有成2m既聖誕樹報置，開心呢!!!