❤自駕和歌山。白濱❤日本紙婚之旅@26-27.12.2013

去完白川...返屋企抖1晚，第2朝又出發lu~~~

今次係去和歌山，白濱2日1夜溫泉之旅!!

去左咁多次旅行，終於第1次自駕lu~~

講真，真係有d緊張...唔只甄生，我都有XDD"

甄生係香港少drive，所以臨飛前搵左老豆補左幾堂....呵呵

我地今次book左日產租車，係難波取還.....

之前一早上網book左，去到帶book車confirmaton，國際車牌+ passport就ok!!

 

我地揀左日產March，銀色好靚仔!!呵呵

上網做足功課，檢查清楚車有冇花/凹位，影低相....

問清楚d制係邊，轉左轉右，車撥，仲有最緊要係油剛位!!!哈哈...

同埋睇下個GPS點用....但我記得日產個GPS係要俾錢extra租....

但無廣東話揀，得國語，我地ok無問題!! 兩日租車14000yen有找....

個GPS初初用都d唔習慣....因為無論靠右線/轉右都係講靠右...

所以係難波上高速個陣，我地都要dull幾條路先上到XDD"

我地唔跟GPS行錯，等一陣佢就會show條新路~~

上左高速去和歌山大約個零鐘，沿途有service area (休息站)都會有顯示...

又有預算下我地大概仲有幾耐drive....

不過呢個零鐘我地兩個都好緊張.....

我負責幫mr.yan望個GPS睇下條路點行...

講下呢個路口點行，都無咩講其他野XDD"~~

第1站，我地去左和歌山城，係附近停車場泊車100yen 30mins...

和歌山城又係細城......行上去望下成個和歌山XDD"

影下相，無咩特別....haha，不過如果開滿櫻花應該靚爆....

之後drive 30mins就到黑潮市場啦!!!

期待呢.....只要有消費就free parking!!

去到行個圈就夠鐘睇解剖藍鰭tuna啦!!!條魚真係好大條.....

師傅幾下刀功就解剖完lu~~~即刻買左d大toro黎食.....

 

仲買左d海鮮去側邊既BBQ場即刻燒....嘻嘻

 

 

大蝦帶子串燒好好味....坐係海邊燒好enjoy.....

食完周圍買手信買野食.....就離開和歌山lu~~

沿路去和歌山個陣都天陰陰....

再drive差唔多兩個鐘到白濱就開始落雨啦.....

講真都好失望架!!!因為白濱所有景點都係露天....

落雨夜晚仲出唔到沙灘睇燈><""

我地係白濱就係住梅樽溫泉酒店!!!

泊低架車去check-in

第1次去酒店會有個櫃台跟我地上去睇房，逐part介紹....

而且我地個陣係酒店最高最靚既房!!!

我地係直望太平洋，望住太陽升起....

勁開心!!!!而且第1次住日本酒店咁大間，有個大廳，仲有塌塌米房!!

抖左陣.....我地就去浸溫泉啦!!!!

有室內，有室外....室外係浸大木桶.....

超凍既天氣，浸係暖笠笠既溫泉入面....超爽呢!!!!

浸完抖左陣，我地就食晚飯....酒店package包....

懷石料理，好精緻....而且逐樣上，都唔知食到幾時....haha

食完飯仲橫風橫雨.....無得出去啦><""....

唯有浸多次溫泉，就舒舒服服訓lu~~

訓醒.....好開心呀!!!無落雨啦，不過依舊大風!!!!

仲有d藍天，呵呵~~~

浸多次溫泉，唔蝕，去食早餐lu~~~

係buffet有日式有西式....幾好味!!!食飽飽就走lu~~~

我地又係1泊2食，包浸溫泉&展望台飛都係30000yen，唔使HKD2400~~

我地就去展望台....其實係梅樽酒店入面....

行落去佢有d窗...可以睇到海底....

不過可能琴晚大風大雨，d水超混逐....無咩野睇!!!

影下相，不過無敵大風...........好難影XDD"

 

 

 

check-out我地就去三段壁lu.....

其實白濱d景點都好近...drive車都唔使10mins...

但搭車要就時間都幾煩(因為班次唔多)，但行又要行幾個字....

所以自駕真係好方便.....

三段壁，如果要落lift落去睇d被海浪撞擊既石，要成1200yen@，都幾貴...

我地係附近行下影下相就算....今日天氣好好，真感恩!

 

 

再drive去千疊敷，d岩石好靚...一層一層咁.....

但超大風，勁難影XDD"~~

不過如果影pre-wedding一定好正!!haha

 

 

最後去yen月島，就係個島中間有個洞，可以睇日落....

但琴日我地落雨睇唔到日落.....

跟GPS drive去....

但途中發覺左有個避車處先係影yen月島既正面最近....

所以我地係避車處停車影相....haha，自駕真好XDD"

 

最後白濱既景點，當然係toretore市場啦!!!勁期待....

不過早餐食自助餐好飽....我地買狂買手信野食XDD"

最後都買左d刺身，燒蝦XDD"

其實toretore都有得即買即燒....不過要俾入場費....

但佢野食就可以自己market任買，平d...

黑潮就唔使入場費，但野食貴少少....

好似我地燒得唔多，黑潮就應該抵d~~

最後唔抵得d帶子又大隻又平!!!!

1000yen 6隻，買左6隻夜晚返屋企炒面食!!

之後我地就drive返3個鐘返大阪lu~~~可能習慣左....

我地己經無咁緊張，沿途有傾有講有播歌....好開心

中途仲去左個SA睇下有咩8~~呵呵*

返去還車前我地仲特登提早d，去行下rinku outlet，因為順路既...

呵呵呵，估唔到最破財竟然係GAP，不過真係好抵呀!!!!

另外又買到鞋，又買到LC......

買得太多野，我地決定drive返屋企放低野先再去還車....

夜晚用係toretore買既帶子，超大隻，大隻過我隻手...

加芽菜，豬肉片整日式炒面!!!超好味呢~~~

自駕遊tips: 其實日本drive車一定比HK安全，d司機高速都唔會話超快!!!

我地行快線都係average 100km，試過跟架車行慢速，佢drive 60km咋....

係高速wor......而且GPS都好準確....有晒路牌講定晒.....

係要留意行高速收費區，因為唔係人手收費....

入個陣多數要拎張飛，因為日本太大

有好多唔同入口上高速，所以有機會價錢都唔同

入高速拎張飛，到離開高速去自助收費個陣，入返張飛，再入錢就ok...

我地個GPS係會有show要俾幾錢的....

停車場被想像中多

所以去到周圍都好易搵位泊車，特別旅遊點....

我地除左去和歌山城個陣係car-park係要俾錢外...

大部分景點都係free park or你有消費就free.....

還車前要入返滿油.....日本都有好多油站....唔drive都唔發覺....

盡量還車預返多少少時間....因為有機會塞車/要搵油站入油.....

我地就好叻咁....本身7:30前要還車，我地都預左5:30點去還....

點知drive左返屋企....用多少少時間

加上入返大阪中心點有塞車...

最後6:30先還到~~~所以時間較好d!!!

其實兩個人drive車，係比兩個人搭車貴

因為租車，仲有油費，高速公路收費...

但就慳返好多時間，自由好多!!!

而且兩個人一齊drive車，個過程好好呀....

一齊傾下計聽下歌....

屬於我地兩個人既旅程!!勁開心....

有機會一定會自駕!!!