我的第2次 art-jam!!

今次係我第2次art-jam啦!!!第一次係上年10月既時候，覺得好好玩....
但始終唔平，所以玩左一次就算lu~~
點知早排網上團購art-jam....$59蚊可以畫一幅!!
齊嘩嘩同同事一齊買....2月個陣買，因為3月輪住放假....
最終要4月先齊人可以放工一齊去....呵呵

地點係觀塘apm附近....$59蚊包畫一幅，飲品任飲....so good!!!
一開始己經諗住畫個wedding cake!!!keke
食唔到，擁有唔到，就自己畫俾自己la!!!!

有左之前既經驗...好快就落筆....
好努力咁畫畫畫....d細緻位真係比較難.....
同同事一齊嘻嘻哈哈，玩下笑下....
雖然畫個陣好緊張，但當好投入好專心咁畫既時候....會覺得好relax.....
暫時忘記旅行後，係公司勁忙勁累勁多野做既辛苦.....

由8:15開始畫....around畫到11點就完成lu!!!yeah~
影相比實照睇梗靚，唔知點解....冇當初想像中咁靚，但我好中意....
呵呵，之後老闆同我地講佢黎緊又有團購la!!
同同事約左再一齊去玩!!yeah~~~

佢俾左d coupon我地...$200蚊可以減$50蚊
而$200蚊可以畫到一幅50cmx50cm既!!!如果jm們有興趣，我可以free俾你地!!!
私留俾我la~~得4張咋，先到先得!!^^

我們的大作!!!

with my wedding cakeXDD"~

*********************************************************************

咁就順便打埋我第1次art-jam既經驗la....
因為上網見到其他人介紹...覺得好正咁，上網搵下資料....
見到係荃灣factory區度有1間，好似唔錯咁wor，除左art-jam，仲有得學....
畫一幅要$220蚊!!好似係30x40cm~~相約好友bi一齊去玩!!!

地點比較偏僻!!!不過去到覺得好舒服.....好relax既空間!!!
第1次畫比較緊張.....又係一早己經揀左畫太陽花，除左有開心既感覺....
因為小學個陣曾經畫過1幅好中意....但俾老師貼左堂XDD"~
所以冇左.....想要返!!haha~~

因為第1次畫.....唔想咁複雜，就一大朵就算.....
落筆個下真係好緊張....哈哈，個陣d staff(其實係教人畫畫架)，有教我地幾招後....
就俾我地自由發揮.....畫左3個幾鐘....一路畫，一路影下相.....
就完成lu!!好開心~好中意&滿意>V<~~

比較兩間，因為荃灣個間係有得上堂學，d大師畫得真係好靚
同埋d用具好似比較pro d(好中意個畫板~嘻), 活動空間多d，唔會好迫咁...
而觀塘呢間就真係似俾大家relax下，傾下玩下....比較就少見d大師級作品...
而且畫板都只係用咭紙大家"吱"顏色....
同埋比較迫，要行黎行去吱顏色架嘛，好易撞到隔離畫，
又怕人地d畫筆唔覺意hi到自己....要小心!!
但平平地，同一班同事玩下都好好，好開心!!!