Day 2-自拍婚照- 預備篇+包車資料

其實有呢個自拍結婚相既idea之後都有d困難.... 因為打算上陽明山，竹子湖(咁岩係馬蹄蘭盛開既時間) &淡水情人橋影相
但著住條長裙周圍影，好唔方便!!! 但著短裙影效果又冇咁好.... 聽聞台灣包車都唔係好貴.... 就決定著長裙包車影la!!!

之後化妝set頭又係問題.... 化妝都ok，但痴fake eye-lash就要練習!! 都解決到.... 咁set頭點呢???
就咁紮公主辮就好似太簡單，但複雜我又唔識wor..... 好彩當初家姐結婚，買左好多頭飾(但好多都冇用過) 帶左個簡單又靚既頭飾，一夾就ok!!! 呵~
去到台灣... 我地check-in時都有問酒店包車既價錢

佢地話去陽明山好遠，第1程車我地去己經要收NT1300蚊
之後每個鐘NT350，當我地包6個鐘
己經要NT3400 (約港紙900幾) ，好貴呀... 而且而家對台幣個rate又高，要慳住洗架嘛!!! 太貴la.....


之後我地話考慮下.... 再諗..... 如果去到北投個邊，先再包車
唔知會唔會近d&平d，但又怕冇地方換衫
(我唔會諗住著住條長裙搭MRT XDD")~~好煩惱.... 行街見到d旅遊中心，問左佢地.... 佢地話唔知d包車既價錢，但俾左個電話，我地自己去問....
夜晚玩完返到酒店，見到reception係第2個人，又問下.... 佢又幫我地問左，今次仲貴.... 佢話我地去陽明山玩，好大(佢唔知我地去自拍婚照XD")
要around 8個鐘先玩得晒.... 佢話包車個度NT4000包8個鐘.... 但我地預計6個鐘應該搞掂晒.... 就問佢如果我地包6個鐘點計
佢話都係收NT4000... (嘩，仲貴!! 差唔多HKD1100呀!!!)…………

超頭痕，咁點算呀.... ready晒，唔通唔影??
返上酒店房，就拎旅遊中心俾我地既電話+天書教路.... 因為台灣有好多唔同既車隊!!
自己逐間逐間打去問~~包車幾錢!!! 問左幾間，間間都平過酒店quote價=o="
好彩皇天不負有心人!!!打左4-5間，搵到間算係最平- 大文山車隊
(唔知同方文山係咪fd黎既呢?~呵呵) 佢話頭3個鐘NT1200，之後每個鐘NT300，當我地包6個鐘
都係NT2100咋(around HKD 570) ，算ok啦!!! 放下心頭大石，約左10點鐘，係酒店樓下等~~yeah!!!

因為我地冇電話留俾佢，留左酒店電話+房號.... 佢話第2朝會re-confirm我地
點知第2朝9點幾佢都未打去酒店... 有d緊張tim.... 我地打返搵佢
佢話司機會準時10點係樓下等我地!!good~~到我著好晒衫，化好晒妝，整埋個頭
(mr.yan個日係smart causal，冇著西裝) mr.yan落去探路話司機己經到左!!! 我地就出發lu....
好感恩!!!! 個日既天氣真係超超超超好... 個天又好好好藍!!!!司機大佬，都好好人... 沿路都同我地介紹周圍.... 到我地落車既時候，佢就坐係附近or車入面等我地.... 我
地唔貴重既野，衫呀個d可以放係佢車入面....
到最後車左我地去淡水情人橋!!!坐左5個幾鐘車，total包左6個鐘
佢好好人呀，收我地NT300一個鐘咋
即係total NT1800，我地俾多100貼士就大家開心!!! 而家包左半日車都唔使HKD500~~好抵好開心!!
 如果唔包車，今日真係影唔到....
而且包左車，個日都好累，唔包都唔知點算@@""~~
 

update 張上陽明山 &竹子湖相俾大家睇下...還有坐包車中的我們~嘻*

自拍婚照既相... 只限blog友 only^^
只接受有相，有打blog &籌備緊婚禮既jm做blog友~~

預告: 私有化的自拍婚照blog會係星期四post^^