初次見菇+禮品展+蚊形婚禮嘉年華!

哈哈哈，話說打左blog無耐，就己經識左第1個好岩傾既blog友菇菇!!!
差唔多日日返工都msn吹下水.... 咁佢知道我上次去家品展有大收獲....
佢都好想買candy jar~~咁岩今個week就到禮品展，就相約一齊去行下^^

哈哈，多謝菇菇初次既見面禮.... 好中意，係好中意你份心意^^~呵

鬆弛熊ar!!!

約係紅磡等，搭free shuttle過海!! 正~~~
一路行一路傾.... 兩個都好多野講XDD"~
其實我地今次既戰略錯左，行左大hall 1先，應該係行hall3/5先.... 不過算la....
一路行兩個都一路"嘩，好靚呀!! "
不過hall 1好多野都唔零售，都唔知係好定唔好??
好就慳返d$，唔好就見到靚野冇得賣....><"

不過呢.... 好快菇菇就己經睇中野XDD"~~我都覺得好靚呀!!!!!
買左!!keke，係咩就等菇菇自己開估....

其實好多檔都有wedding既野.... 但檔檔都唔sell既..... 激屎呀!
d wedding album勁靚，仲有勁多scrapebook DIY既野又係唔賣....... 好靚呀!!!!

不過好快我都有d收獲，買左把遮俾媽咪
同埋有檔賣d 普通相簿都幾靚，又平!! 岩岩好俾我用黎放台灣d相!!

再繼續行..... 見到有檔賣水晶既.... 粉紅色&白色喔!!!!
呵呵，開價仲要好平XD"~我係荀崗見過最平都差唔多要RMB50蚊粒....
而家平好多XD"~買左兩粒......
其實諗唔到有咩用，不過見到係pink....
而且菇菇話咁平，買黎"摘"住張簽名台都好wor....hahahaa......

 

拼落支紅酒度，都好大粒下ga....

i am lovin' it!!

係hall1逗留行太耐.... 先行上hall3，hall3勁多野都賣.....
我見到有個好靚既摩天輪相架ar..... 點知俾人快左一步要左><""
應該好平ga咋!!!!!! 唉.....
之後再見到有檔賣d乾花，有glass jar裝住，又唔貴又靚.....
岩晒菇菇今日既target!!! 仲俾我見到有個rose波波裝飾好靚tim!!!
我地兩個係呢個booth逗留得最耐，最後大家都有收獲!!!happy~~~

我愛的紅玫瑰喔>V<~~又搵支紅酒黎拼下...仲有我家的大桔路過....haha~

d 乾花係菇菇勁好，買左個glass後俾左入面d乾花我
俾我用黎裝飾下...Pink!!!>V<~

 最後行左差唔多4個鐘先走XD"~~搭返shuttle過紅磡!!!
wow，落車個陣見到紅館門口有款堆人群企左係度，我仲話可能等張學友.....
點知真係>V<，佢開show前拜神!! 仲同d fans握手~~
我都去左影相XD"，難為菇菇拎住咁多野等我~~~
之後仲要請我食麥當當tim~~呵呵

學友~~題外話，話說細個果陣呀媽帶過我去睇佢演唱飛
根據媽咪所講，$100飛，我訓左$80蚊XD"~

搭返火車過九龍塘，諗住去睇下果個婚禮嘉年華!!!
(其實我最想就係去睇下個玻璃教堂，多謝菇菇拎住咁多野都陪我XD) ~
係九龍塘有shuttle車過去.... 一落車，嘩!!! 咁細既.... 完全係蚊形..... 無野睇!!!
行左個圈，影左個教堂，登記有紅酒送.... 就登記左....
完全同睇相爭好遠...... 個玻璃教堂講真，實物真係麻麻地.....
咁搭返火車返屋企~~就完左我地既第1次約會lu!!!!

門口位~

玻璃教堂~*

實物同相真係爭d...

合照wif菇>V<~~

嘉年華的收獲，有新郎新娘杯墊，幾得意~~