Day 3- 菁桐→十分→忠孝→小巨蛋演唱會→天外天打邊爐!

今天又是一個很好的晴天，真係幸福最晴天~~哈哈!!! 今日好多節目呢.... 預左半晝去十分，之後4-5點去忠孝食野
夜晚去台灣最重要節目!!睇JJ林俊傑演唱會!!

琴晚係劍潭返西門町時，係台北車站轉車時，己經買左今日去瑞芳既車飛.... 不過可能因為係星期六+中途站的關係，連續幾班車既坐位都冇... 唯有企45mins la .... 我地搭9:2x分係台北..... 好多人上上落落，聽到好多廣東話，應該好多人去九份or十分!!! 雖然我地係無座.... 但車箱入面有1 -2個空位....問隔離位話無人，我就坐la .... haha，
1個站之後有人落車，孖位跟mr.yan一齊坐，唔使企~~

本身班車夾得好好.... 去到瑞芳10:09分，之後10:12有班小火車去十分.....
perfect晒!! 點知我地班車有誤點..... 去到10:12己經開走la，下1班車11點...
.有大半個鐘，係瑞芳行下影下相，d時間好快過.... 又有車lu~~~買左1日票(NT52) ，去左平溪線終點站-菁桐!!! 台灣真係有好多印仔吸呀.... 但無帶簿仔係身，唯有係咁買明信片吸~~係鐵道博物館寄左明信片~~食左好好味既百香果雪條!!! 再係終點路軌... 影下相~~~

坐12:40既車返十分.... 係十分~逗留得耐d行左成條街之後，揀左其中1間放天燈....個女仔話唔同色代表唔同既野，愛情，事線，金錢，
我地揀左最多人放個款，因為我中意4隻唔同色，影相靚d嘛XDD" ~~好努力用毛筆將我地既心願寫低~~!!!等小火車過左，就可以放天燈lu!!!!!
yeah~~一定要實現呀!!!! 買左個大天燈仔~~去靜安吊橋影下相..... 夠鐘就走lu.... 返出台北全程冇得坐呀>O<~~累....

睇天書，係忠孝復興行.... 會去到君悅食挑骨飯!!!! 行到去天書所講既位置，周圍都搵唔到既…….. =o="問下人原來己經執左.....=o=""附近有幾間cafe，有好出名個間dazzling cafe但full晒，唯有係另一檔食下牛肉面&肉燥飯，好平.... 兩樣野港紙加埋都唔使30蚊.... 但味就一般，之後向國父紀念館站方向行.... 搵到春水堂.... 天書話係珠珠奶茶既始創.... 當然要試下la!!! 唔知係咪慣左飲HK既珍珠奶茶，所以覺得台灣個d比較甜
茶味冇咁濃.... 春水堂有野小食叫"老皮嫩肉"，其實係炸豆府!!!! 但超超超好味~~呵呵，食飽.....

諗唔到點去小巨蛋!!行返去搭MRT又好遠wor，直接行路望落好近咁
又怕唔熟路... 算la，搭taxi..... 都幾遠咁，但都係NT85蚊~~抵搭!!!去到好多人己經係附近la~~~yeah!!! 開始有d興奮~~有人不停問我地有冇飛賣/有冇飛要買>V<
mr.yan話林俊傑真係好受歡迎bor~~~呵呵呵!!!! 7:30開始，6:30開始入場..... 入到去!! 搵到我地既走廊位!!! 諗住影下相.... 都知小巨蛋捉影相好嚴
但諗住未開場，想影下個場嘛，點知都唔得.... 個個都係咁俾人話...haha，
不過都可以偷影到既~~hehe....

7:40正式開場~~~特登買左飛後都叫mr.yan俾JJ d歌我煲下~~雖然有d歌都唔識唱，但都好high喔!!!! 有郭靜同siu亞軒做嘉賓，elva個妝好厚，好唔靚~~平時好中意佢架嘛~~哈哈!!!! 最後encore位JJ全場dull左1個圈... 佢個眼神有一下係望住我架，同我個相機yeah架!!
(個下唔知點解影相又冇俾人捉wor) ，但mr.yan企係我後面話JJ係同佢yeah因為佢著左JJ設計牌子既tee bor~~哈哈!!! 總知好開心la~~~唱到11:15到完場.....
完場後，都係唔識搭車~~~haha

搭返的士返西門町，直接叫的士車我地去天外天打邊爐
由小巨蛋搭返西門町唔使NT200~~~食完肚餓去左打邊爐!! 係mr.yan既同事介紹我地去.... 其實我地唔知幾錢，只係任食!! 就直接開始.... 係擺單先問幾事~~haha！大約NT500幾1位~~都好抵食呀!!! 任食有海鮮有雪花肥牛，安格斯牛，甜品生果
仲有12款唔同口味既哈根達斯!!!! 正正正~~~~我地叫左蕃茄&麻辣湯底!! 麻辣真係幾辣下... 我地加左d上湯先淥到野食~~~食飽又一day啦!!!! happy~