Day 1- 汗蒸幕>樂天mart>弘大 @泡菜國2013

Day 1: 6點am落機> 有車送去酒店> 去首爾站汗蒸幕>
             lotte mart> 酒店休息> 弘大(燒肉dina)> 東大門夜街

 

汗蒸幕之前跟團去過好好玩，而且24小時
適合凌晨落機，沖個靚涼抖一抖....

我地去首爾站既siloam，由首爾站行去大概10mins
點行可以上各大blog搵下，好多infoXDD"

 

 

揀呢間因為多人推介，而且佢有d中文睇下

 

入場費10000won ~~除晒衫就先去沖涼浸浴，個個都唔著衫行黎行去....
所以唔使怕醜，越閃縮越望多兩眼ga ....
我地加多18000won俾阿珠媽刷身.....

真係訓係度由佢舞，佢刷得好乾淨，連d陰濕位都刷....
我地己經係沖完涼先去刷....
點知... 一刷勁多灰色既擦子碎俾佢由我地個身刷出黎
佢都話我地dirty，估唔到平時以為好乾淨既自己
原來咁多死皮咁多老泥架!!

  

 

刷完去浸湯.... 舒服舒服

 

之後著返佢提供既衫... 就上去樓上sauna lu

其實佢d地板係有暖氣...
可以就咁席地而訓... 勁多韓國人都係咁~~

我地去左鹽sanua 50度左右，焗左20mins~~

之後去左oxygen room 32度，勁舒服... 訓左個零鐘.... 正!!

 

出返去12點.... 過樂天mart lu!!!!!! !

食左d野，買左士多啤梨，少少零食!!
之後就見到skincare鋪頭，一黎就敗一大大筆啦!!!

 

Innisfree mask做緊買1送1，edute house又做買10送10~~
同家姐己經狂買左一大疊

返酒店放低抖一抖...

 

本身夜晚諗住行弘大>新村>梨大....

 

點知係弘大，失手左XDD"，大敗

missia & banila.co, innisfree…..

 

 

 

 

超多野，咁岩又見到一間燒肉店好多人排隊
我地就等左一陣食，係炭燒架!!嗌左兩款唔同既豬& 1碟牛

d豬好好味，d菜配料都勁正!!! 狂食生菜~~~
d服務都幾好，keep住提醒我地點燒/成日換鐵板......
食飽飽就返東大門!!

 

放低戰利品，當然再落去衝呀衝呀.....
其實我地日日都買化妝品/ skincare
所以唔特別介紹，睇戰利品相啦!!!~~
東大門真係夜晚都好多人
買左我地行左doota &隔離果個mxxx
再買買買~~~成點先返房訓lu~~

第1日有missha, tony moly, innisfree, banila co.