Day 2- 鷺梁津海鮮> 廣藏市場> 仁寺洞> 陳寶華1隻雞dina @ 泡菜國2013

因為琴日搭凌晨機，又行左1日既關係... 所以第2日訓到成11點先起身....
wow，就出發去食我地既brunch鷺梁津海鮮!!! 要去首爾站轉線~~~
搭車 經過東大門既仁興門，影返張相先~~

搭subway會橫誇漢江，有雪景好靚呢.... 鷺梁津跟團唔會到，所以一定要自由行先去到!!!
上網research見d bloggers食海鮮正到呢.....

一出站跟住大隊&指示牌行就到.....
街市有超多檔!! 行到邊都有人講普通話sell我地....

 

我地既目標既蟹，大蝦.....中途行到一檔見到有個korean幫襯緊....
睇過都ok，就開始問價
皇帝蟹，唔記得幾多1kg，磅左出黎83000 w
講價講到75000w，大蝦....
好似15000w 3大隻，octopus好似7000-8000w咁上下......
真係要係咁講價架，每樣都講，講樣尾數都再減d
我地最後再R佢送多兩隻帶子......
其實佢一定賺到笑XDD"

之後己經有個加工餐廳既人等我地,
幫我地抽住袋海鮮，我地就跟佢去lu~~~

間餐廳都幾靚咁....
而且入到去有幾台都係korean，感覺良好d ....
不過加工問佢點收費，佢指住塊牌話寫晒係個度
大佬，成塊牌都係韓文字，鬼識咩....
不過無法，己經俾左d海鮮佢.....
坐低佢會俾d kimchi，生菜既...

 

第1道係八爪魚刺身，好想試下佢啜住我條利既感覺XDD"，都ok得意
但係咪好鮮好好食，就一般囉
但唔係周圍有得食，一定要試下!!

 

蝦，我地揀左BBQ，好大隻，好香，

唔算好爽，不過都好好味呢~~

帶子，free既，蒸好好味，好鮮!!

重頭戲，皇帝蟹!!!!!!!!! ! 超正呀，超級多蟹膏，成碗有多~~

 

d蟹肉超甜超好味!!! 一隻兩個人食其實都幾多

不過我地食得晒~~勁開心!!!!

食食下，有個阿伯黎sell菠蘿，好甜，諗住幫襯啦
佢話轉頭返黎，我地等左30mins都唔見.... 無法唯有走lu~~

加工費好似30000won有找，成餐差唔多 HKD1000，貴d
但呢個價錢hk一定食唔到

好想帶mr.yan黎食呀!!!! 佢超中意食蟹~~

 

食完就離開鷺梁津了..... 因為join學聯package

1人有10000w既cash coupon去廣藏市場買野
所以我地就搭車去鐘路.....

個市場好多人，好多korean tim呀!!!
我地食左小卷sushi，煎綠豆餅，紅豆糕，樣樣野都好味呢....

好多人食豬手豬血糕豬腸....etc
不過除左食，其實個市場又無咩野俾我地買

佢地d毛巾/被好滑滑架XD D" ~

有20000w點洗好呢，見到有檔專買毛巾

有d bb用既紗巾，超滑，3000w 10條haha，佢又用得d cash coupon

即買6包，18000w，仲有得找錢!!
正到爆炸，岩晒家姐俾呀B用!!

 

差唔多3點幾，我地就去仁寺洞

其實subway個出口&仁寺洞個入口都有距離

要行過d行仔穿過去......

仁寺洞好多手信，特色手作既旅遊區

所以買手信唔平XDD"，不過真係幾多野睇....
買左dd得意野.... 行到6點幾我地就返東大門lu ~~

直接去食陳寶華一隻雞，係東大門既另一邊，唔算旺區....

不過條街都幾多野食!! 等左一陣位

佢會嗌no. ，講英文，所以都無問題~~

坐低左，隔離台係日本人，後面兩台係香港人.....haha

serve我地果個男人識講英文
坐低左就會拎隻雞黎.... 問你要唔要辣/醋

幫你整好教你點食~~要左年糕....
好好味，索晒d雞湯，隻雞都好滑!!!

本身雞入面己經有D薯仔，超好食，我地extra要多碟!!!!!
正到呢~~見d韓國人成日飲燒酒，我地想試下

嗌左支……..嘩……..啃到呢，飲左1小杯就放棄了.....
真係好好味!!! 推介大家~~

返酒店放低野.... 又去東大門lu~~~ wakaka

是日戰利品，好多襪sss....

too cool for school, it's skin, etude house, misshaXDD"