Day 3 - 南大門市場> 明洞> 豬蹄dina @泡菜國2013

本身諗住今朝去景福宮都參觀下&食土俗村既人蔘雞
但一來落雨..... 二來我地頭兩日洗錢洗得好癲，淆底最後無錢
所以我地無去到景福宮，訓到11點幾就出門口去南大門市場啦~~~同明洞其實好近.... 會賢站

 

一出到去，好多手信鋪，買紫菜，買人蔘.... 不過落雨既關係，我地第1樣買既係遮!!!haha~~行左入個批發商場入面.... 搵到d好靚既夾呀... HKD郁d都賣5,60蚊個d.... 佢話3000won一個(約22蚊) ，本身我地諗住揀多幾個，叫佢平d... 但佢唔制，我地只係買左幾個，不過都好靚^^~~勁開心!!

肚餓搵野食.... 見到d行仔好多野食.... 行入去俾個阿珠媽拉左其中一間都ok咁..... 食魚湯個d.... 望個湯以為好辣，又唔係都幾好味tim!!

 

 

經過banila.co 新開張，勁好用既落妝買3送1
(第1晚己經買左黎試) 即刻入貨，仲買多左其他野tim.....

 

沿路行落明洞，去左新世界百貨，再去樂天duty free!!!!!! 重災區呀……家姐係個度失手左啦!!!

入到去好似賭場咁，勁多人不分晝夜，個個都謎晒咁.....
雪花秀，the history of 后(勁野) ，it’s skin樣樣都買左d!! 唔知買幾多錢又換返張cash gift card再買野，最後.... 買左都ok多XDD"張gift card可以換到支free既Laneige water bank essence!!!

 

行到6點幾, 我地去左M plaza，個度有韓國觀光公社
以為可以free寄postcard，但原來無左lu

但有free postcard可以拎，我地拎左d去寫
順便問埋試著韓服既詳情~~~

首爾街頭，只要係旺/遊客地區
都會有d著紅色褸既義工協助，解答遊客問題，真係好好架.... 佢地會有badge寫明自己精通咩語言.... 簡單介紹下咁~~

 

行到累，我地問左義工邊度有得食豬手，就gogogo lu~~係明洞，義工話得1間架咋....

去到都好爆，仲要清一式韓國人!!! 正

 

嗌左豬手，勁大碟，仲有kimchi pancake~~yummy!!!!!!!!!!!!!!!!

 

返東大門，又繼續作戰~~~買左d accessories 好靚呢^^