Vendor review - 希臘女神pre wedding

只係憑自己親身感覺&經歷，作小小的婚享~~

 

因為大日子既相仲未收到.... 所以就率先講下3間pre-wedding公司啦!!

我地第1輯既結婚相@希臘女神~~

 

10個滿分有9分

本身係酒樓送既package ... 家姐兩年前join聯邦係送新天地
點知執左變羅浮宮，到而家我就送希臘女神..... 送既package價錢$4XXX
如果你upgrade既話，張coupon可以當返$4XXX錢用，首先印象唔錯

因為知道有其他大公司寫明coupon值4000蚊，但upgrade只可以減1000 ~~

 

因為本身諗住當rehearsal影下... 之後仲有兩輯...
但小妹肥肉太多，敵不過執相呢樣野，所以upgrade加左$26XX ~~
之後發現R少左gift同晚裝，翻單R返，佢都俾返我.....good !! 唔會收左我錢唔理我....

 

首先試衫當日，我揀左最早無咩人.... 可獨霸全層試左一陣.....
試衫姐姐超幫手... 都係個句小妹肥肉太多，唔係件件岩著，姐姐搵左好多款俾我
仲搵埋租出街俾人big day個d我試用黎影pre-wedding，所以3件衫，有兩件係租出街既，真係靚好多!!!
而且發覺佢d衫可以改到咁大，總知去希臘女神租啦XDD"
有後悔過無去租，因為真係好靚~~

 

到影相個日，朝早得1對，又係獨霸化妝間+studio ....

Overall set頭我都好中意&滿意，深藍色晚裝個look係最中意
因為好少可set晒d hair上去都好睇~~攝影師都ok，助手好好
每次都鋪都perfect晒，教晒我d點擺點整好，一埋位就影得~~
不過攝影師唔算影左好多相，調轉講可以extra揀既唔多~~~

 

時間都差唔多，因為一早book晒揀相日子，之後執相問題都無咩大特別
揀相有sell，但婉拒左佢都無chur我.... 我只係買左4張effect相
由2月影相，3個月內都拎得晒成品!!!

 

講真..... 結完婚睇返3輯相，希女呢輯我自己最中意......